⌛️🕰...
بعد مرور ٣ شهور
٤:٠٠ص
قامت رغد منزعجه من اتصال جولها اللي تفصله ويرجع يتصل
أخذته بتعب
وردت بنوم: نعم!
جنى :واخيرا قومي الله لا ياخذك يبنت امي مقومتني قبل الفجرعشان اقومك وتروحي المدرسه و تقول المرشد الطلابي حقكم متصل يقول انه دايما يتاخر من اول يوم والكل يشتكي عليك
رغد:همممم
جنى بصراخ :ررررغدد
رغد :همم
جنى ؛قمتي ؟
رغد :همم
جنى :طيب قومي بدلي ملابسك
رغد:همم
جنى بتستغل الوضع :اها ماشاءالله طيب وش باسورد جوالك ؟
رغد بمزح :ياسر وقلب
جنى بصدمه:هااااا!!
رغد وهي تقوم لدولاب تاخذ لبس
وقالت وهي كاتمه الضحكه:اييي
جنى :يه مالت عليك عارفه قايمه كل شئ الا الباسورد حقك اذا طريته صحصحتي
رغد :هههههههههه
جنى :كلي تبن
بس قولي شصار لك تعودتي على المدرسه
رغد :على *** واصلا مضطره اتعود على قوله امي الواحد لازم يتقبل ويتعايش مع اي وضع او ضغط كارهه لانه اذا استمريت كذا بتعب وتتعب نفسيتي لانه جد كنت تعبانه نفسيتي وكارهه الوضع بس لما طبقت نصيحتها صرت احسن من قبل
جنى :اووووه انتِ رغد؟!!!! عاد انتِ تحبي العناد
رغد :كلي تبن
جنى :طيب طيب الا متى تعودتي على الوضع ؟
رغد :امم اسبوع تقريبا
جنى : زين ويلا روحي تروشي وروحي بدري كل يوم تكفييين لاينعاد ذا اليوم علي
رغد :ان شاء الله ويلا اجل باي
وفصلته
وراحت تروشت وللمطبخ
عملت لها بيض
:اول مره الحق وسوي لي بيض دائما ما اكل اروح اخذ ساندوش من البقاله ههههه
اكلت وطلعت
رغد ~
رحت للبقاله
شريت لي حلاو وشوكلت وقهوه
وطلعت متجهه للمدرسه
اناظر لحظه شروق الشمس
تو ألاحظ انها احلا من الغروب
وصلت
ناظرت حولي : اوف لسى ماانفتحت اجل متى يجون ؟
جلست على الرصيف افكر بالثلاث الشهور اللي
كأنها ثلاث سنوات مو شهور
صارت لي اشياء كثيره
اممم واحلا شئ انه المدرسه كلها تعودت علي وماصارت تناظر لي بإحتقار ونرفزه او حتى اعجاب
مع انه فيه البعض يتنمرو علي بس مايهموني
وارتحت لشله ياسر ماحسسوني اني مختلف او حتى اتشبهه بالبنات على قوله اغلب الطلاب هههههه مايدرون انه انا بنت صدق اممم ويعاملوني زين الا اكيد وطبعا سلمان و وليد وفارس ابدا كارهيني كرهه كأني قاتله اهلهم بس دائما هم ب مشاكل وهواش وضرب ويسببو لي صداع
وياسر رجع للمدرسه و ذا صاير مزاجي بشكل مو معقول مرات طبيعي وخليني على راحتي ومرات يجبرني على مزاجه
اما شله الحلوين
اممم مصار شئ جديد عادي ومعاملتهم عاديه
اما عبدالعزيز احسه مريض نفسيا
يحب ينرفزني ودائما يعاملني بستحقار
