التقينا في حادث

البارت الرابع

اسمع 😔
اذا حہ🖤بہكہ يصير الموت🔥
اموت وبيدك ادفني ❤
واكتب ع قبر مظلوم🖤
مات وما شبع مني 😍
چااااا🥰
كون انته دم آصير 💕
وتجري بوريدي💕
حتى من احن واشتاك😻
بس اجرح آيدي 🗡
ـــــــــــــــــــــــــــــــــــــــــ، ـــــــــــــــــــــــــــــــــــــــــــــــ

بان.... تلكتني ام ادهم تشتغل عدهم.

ام ادهم... هلا يمه بان شجابج رزان مو هنا.

بان....ادري خالة داحچي وياها ودخلت خالة سهيلة.

سهيلة.... هلو بان شلونج لعد انتي ماچنتي ويا رزان شو
اتصل وماترد ضل بالي.

بان.... هاا لا خالة چنت ويها بس وحدة من صديقاتنا سوت حادث وهسه رزان وياها ولا يضل بالچ تلفونها خلص شحن.

سهيلة.... يا خطيه مني ياصديقة اني اعرفها.

بان.... لاخالة ماتعرفيها اني جيت اخذ ملابس لرزان لئو
راح نضل يمها.

سهيلة....عفيه يمه ضلن يمها لاتعوفنها خطية بس كولي
ل رزان خلى تشحن تلفونها لايضل بالي عليها.

بان....ماشي خالة رحت لغرفت رزان اخذت ملابس تراكسوتات وملابس خاصة هسة تسئلون ليش ماكلنا
لخالة سهيلة لئنو هي مريضة بالقلب واي خبر حتمال
تصير عدها جلطة دا حضر باجنطة اتصل حسام.

حسام....  هاوين صرتي.

بان....  اني بيتكم حضرت الملابس هسة جاية.

حسام.... اني مو كتلچ حضريلها من ملابسچ خوما  كلتي لاُمي شي.

بان.... صدك تحچي خالة سهيلة قلقانه عليها كلش ما كتلها شي كلتلها صديقتنا مريضة وراح نضل يمها.

حسام.... ماشي روحي رجعي لبيتكم سرمد راح يجي ياخذچ.

بان.... ماشي رحت لبيتنا ضليت انتضر باحديقة البيت
محد بي اني الوحيدة الاهلي بابا مسافر وماما طالعت
انتضرت تقريباً عشر دقايق اجه سرمد.

سرمد.... يله بان اذا مخلصة امشي.

بان...شلون رزان طمني صحت اكو خطر على حياتها.

سرمد.... اي صحت قبل ساعة ماكو خطر على حياتها.

بان.... صدك من كلي صحت كمزت حضنته بعفوية.

سرمد....طلعت من المستشفى حتى اجيب بان وصلت لبيتهم سئلتني شلون بان شو بس كتلها صحت كمزت
حضنتني بس مو حضن هذا دمار حسيت عصار صار بكلبي حبيت انصب عليها وخرتها عني مثلت انو اني عصبة عكدت حواجبي وصحت عليها بس صحت شو هاي دموعها صارن عشر عشر.

بان.... من كلي سرمد صحت فرحت كلش من كل كلبي واني مثل الهبلة كمزت حضنتة وخرني عنه وصاح عليه
كلش خفت من نضراته اني مو متعودة احد يصيح علية
دموعي نزلن بساع كتله اني اسفه احچي واني اشهك من البچي.

سرمد.... ضلت تبچي وتعتذر هيه بيضة ثلج وعيونها ملونه الخشم صار احمر من البچي والدموع على خدودها بالمختصر طالعه  عبالك لوحة فنية بلحضة
نسيت نفسي جريتها لحضني ضليت امسح على شعرها
دفنت راسي بركبتها واشم عطرهاريحتها تموت صحيتت من الحاله الاني بيها بعدتها عني كتلها چنت
اتشاقه وياج.

بان.... ضليت اعتذر منه شو هذا جرني لحضنه ضل يمسح على شعري ودفن راسه بركبتي وخرني عنه
كلي چنت اتشاقه اني ضليت مصدومه.

سرمد.... اذا خلصتي صفنات يله تاخرنا.

بان.... صعدنا باسيارة رحنا للمستشفى طول الطريق
حسيت يباوعلي بس اني محطيت عيوني بعيونه.

سرمد.... رحنا للمستشفى طول الطريق واني ابوعلها بس هيه مارفعت راسها عرفتها خجلانه وصلنا للمستشفى بعدنا بالسيارة كلتلها باعي عليه الرجال
الدعمها جوه مو تتعاركين وياه كلتلها هل حچي لئنو
اني اعرفها خبلة.

بان.... وصلنا للمستشفى قبل ماننزل كلي مو تتعاركين
وياه بتسمت لئنو يعرفني خبله كتله ماشي لاتخاف.

سرمد.... دخلنا للمستشفى بعدنا ماوصلنا الغرفه شو هاي هجمت على الرجال.

بان.... دخلنا للمستشفى شفت حسام واحمد واكفين واكو واحد شكله هيبه  لابس زي عربي رحت عليه
انته الدعمت رزان شوف هاي اذا صار لها شي اله ابهذلك.

عمر.... چنه ننتظر اجه سرمد وياه بنه سافره هجمت عليه عفيه عيله كلهم مخابيل خزرتها خلست بمكانها مااني الشيخ عمر ماعاش اليذلني اذا تيدون نكعد عشاير ماعندي مانع.

بان.... شوبس كتله ابهذلك خزرني خزه موتي طلع شيخ
يمه لحكيني.

سرمد.... صلو على النبي اهدئو خلي نشوف رزان لكل حادث حديث.

عمر.... عليه افضل الصلاة.

ـــــــــــــــــــــــــــــــــــــــــــــــــــــــــــــــ
لهنا ينتهي البارت
بليز تصويتكم
احبكم 💕