عشق فى بلاد حروبها لا تنتهى( الفثنه والثأر )

البارت الاول ♡

عشق *فى بلاد* حروبها لا تنتهى*
(الفثنه والثأر)

مقتبسه من احداث حقيقيه ....

====================نبدأبسم الله ...

- ستكونين يوما يابلادي زاهره كما كنتى لاتحزنى فبتأميد كما يوجد بكي الحمقه والناهبيين المجردين القلوب بكابطال حاملين المجد براياتك العاليه بافتخار

♡♡♡♡♡

وقف قدام الباب بثبات وهوا يتلفت لمجموعه الشباب لوراه وقال بصوت اجش غليظ ومتعصب :حاوطوا الحوش كويس؟

رد واحد منهم :اي يا فندي
تلفت للباب وخبط عليه بيده ودفه برجله بالقوة لين كسره وخش وهوا يطلع فى سلاحه ووراه اثنين شباب ملتمين وجوهم زي باقيتهم خشوا معاه اللى رفعوا سلاحهم اول ماشافوا مراة كبيره فى العمر وولد واقف قدامها وباين علي وجهه الصدمه وقال :شن فيهوهذى حرمهةحوش م...

وقبل ما يكمل كلامه قرب الافندى منه وشبحله بعيونه الباينات من إلتام وضربه بالمسدس من التالى ع جبهته لين طاح لوطه عيطت المراة وخبطت ع وجها وهيا تبي اطبس للولد بس بحركه سريعه من الافندي طبس قبلها وشده من شعره وقامه وهوا يقول بصوت عالى
:خذوه

عيطت المراة بالقوة وهيا تخبط على خدودها وتبكى وكانت تبي تشد الولد بس دفها الافندي التالى وقبل ما اطيح طلعت بنت من الدار بسرعه وشدتها وقبل مايركز عليها الافندي عيط الولد عليه:ياحيوان ما تمسهاش
تلفتله الافندي بكل قوة وزاده ضربه من المسدس من التالى من قوة الضربه لين طاح هوا والشاب يلى شاده من ع يمينه وقال :خذوه خير مانقتله قدام امه

قاموه وهوا شبه فاقد الوعي وقبل مايطلع وقفاته بكلامها :حسبي الله ونعم الوكيل فيكم الله لا تربحكم ولا تختم عليكم حسبي الله ونعم الوكيل فيكك انت
تلفتلها وشبحلها بنظره لين خلت فلبها يوقف لثوانى من النبض
وقال:خيطي فم بنتك ياحاحه خيرلك وخيرلها
وطلع بخطوات سريعه وثابته وركب سيارة المصفحه الكحله وتحرك وتحرك وراه رتل من السيارات المصفحه

طاحت المراة من طولها وقعدت تخبط على راسها ورجلاها بالقوة :وااه عليا وليدي وااه عليا كبدي خذوه خذو ولدك يا أمنه خذوه ياأمنه
خشت البنت بسرعه وهيا تحيب فى طاسة الميه وقعمزت جنبها وهيا تبكي :يمه مش هكي مديريش فى روحك هكى ضغطك يرقى حسبي الله ونعم الوكيل الله لا تختم عليهم

شبحت أمنه لبنتها وقعدت تخبط فى رجلاها :بيقتلوه حي عليا حي من بقعدلى ماعندى سند غيره وااه سندنا يا غاليه خذوه خذو خوك مشي فيها وليدي ااه
اخدت غاليه نفس كبير وهيا تحصن فى امها بالقوة تحاول تهديها
وتبطل بكي وتخبيط على وجها

=========÷======

-وقفت قدام شاشة التلفزيون وفتحت ايديها الزوزباش تخفى التلفزيون بيهم :والله ماتتحشم نوض انت وياه
نفخ وهوا يحدف فى المخده يلى تلقتها بحضنها : حولى يادراه اقسم بالله انوض نمرجك طريحه
رفع الولد يلى مقعمز تحت رجليه راسه وقال بكلمات متعثره :امجها تبي تيحه ماما (امرجها تبي طريحه ماما)
فتحت فمها على وسعه وهيا ترد تحذف فى المخده لجت فى وجهه وهو يضحك على كلام الولد الصغير ويسمع فى عياطها :والله ماتتحشم يا فارس هي وفسم بالله شوف تعلم فى الولد فى الكلام هذا
سيب فارس يد البلايستيشن وقعد يبوس فى الولد ومداير ودن طرشه على تنقريزها وعياطها لين تلفتلها وعيط عليها :واااك يادراه اسكتى اس اس اهو نضنا
ضيقت عيونها وضرباته برجلها على ضهره ومشت وخلاته يضحك ويبوس فى ولده :بطل انت بابا ولا
وقف فارس وقام ولده فى حضنه وقبل مايتلفت يمشى سمع تلفونه يشرين نزل ولده لوطه لمشي يدبدب بشويه للمطبخ
وجبد التلفون واول ماشاف من ابتسم ورد وهوا يسمع فى صياح
:الو خالى
جاته وهيا تنفخ :هيا يافراس العشي برد
زمط ريقه وتلفتلها ورد على خاله :خيره خالى خسه دوشه فى جنبك
شن صاير معاد فهمت حاجه
ضيقت عيونها وقربت منه وهيا تشبح فى ملامح وجهه شحبت وتغيرت .قعمز على الكرسي وطبس راسه ويحط يده فى شعره وقال بصوت فى العبره :ماتت
جاه صوت خاله من التلفون وهوا يتحمحم وصوته باين عليه البكي:الله يرحمها ايه ماتت ويصبرك ياوليدي
طاح التلفون من يد فارس وحط يديه على وجهه.حس بيها تقرب عليه وتحط يدها على شعره :فارس خيره شن فيه من ماتت يافارس
رفع راسه فيها واول ماشافت عيونه حمررر ودمووع بين رموشه لين قلبها وجعها ومعاش عرفت شن تسأل لين قال بروحه :امى ماتت امى ماتت ماتت ياندين ماتت
شد على سنونه وضرب بيده المزهريه بقوه لين نادين انخلعت وهيا تشوف فى الدم يلى انزل من يده قربت منه على طول بس فارس
وقف وهوا يطلع ويخليها حاطه ايدها على فمها من الصدمه ومش قادره حتى تمشى لولدها يلى يعيط على طول حسه فى المطبخ