ســد بابـــــك أنــي بخــــير ســـدة بقفل زين
ينـــفتح بــاب الــــخير يم أبـن الحســـين✋
بقلم الكاتبة
نور الفريجي
@noor19941987
وفعلاً اخذته محاسن الإبو امراية
وواول مادخل يوسف ومحاسن صاح ابو مرايه الله اكبر الله اكبر
جيبوا المراية
ابو مراية (معروف) عندة طفلة صغيرة بالعمر غير بالغة السن
(عمرها خمس سنوات تقريباً) لان هذا المعروف على ابو المراية لازم طفلة تشوف مايصير ابنية بالغة( يعني تجية العادة شهرية(دورة)
صاح ابو امراية ع الطفلة وكالها احجي ع يوسف ابن سلطانة اجاي اشوفين عنه طبعاً بعد ماقراة عليه ايات وتمتم كلمات غير مفهمومة
وبدات الطفلة تحجي
وكالت يايوسف ابن سلطانة انت مسحور مسحور
والمشربتك والمسويتلك السحر منك وبيك وعملك بالعظم يأكل عظمك وينهيك)
علاجك مو يم الشيخ ولا يم سيد آو عراف
وبهل الأثناء انغمة ع الطفلة وكَعت وكأنما
صابتة نوبة صرع وظلت اتشخط بالمراية ورجع الشيخ يقراة على الطفلة الى ان استقرت حالتها وبعد ما اسيقظت انطوها ماء
وارتاحت
كالت يوسف اني شفتك ازور بضريح انت وأختك
الشيخ كله شنو اسم الضريح ماعرفتية
صفنت الطفلة تقريباً عدة دقائق
كالت يكلولة (حراك النخيل سبع المحاويل)
عاد الشيخ عرف الضريح
وكال المحاسن لازم اخوج تاخذينة هسه من بيتي تتوجهين الى الضريح
هذا الضريج موجود بالحلة (علي بن الحسين ويطلقون عليه سبع المحاويل حراك النخيل) له عدة كرامات
وظلت محاسن محتارة بين تروح وبين ماتاخذ اخوة
الى ان رد عليه يوسف كَال اكلچ ام شهيد طبعاً محاسن مزوجة صديق يوسف عبد الصاحب
وعندها من عندة ثلاثة أولاد وبنات اثنين
ابنه الكبير شهيد والوسطاني منتظر والزغير ناجي
اما البنات الكبيرة ملاذة والزغيرة فليحة
فيوسف مايصيح ع اختة بأسمة ابد كله ام شهيد
فكال الها ام شهيد خويه بقت ع ضريح خلي نتوجة ونتوكل ع الله
فـمحاسن دزت خبر بيد ابنة شهيد الي كان وياهم عند ابو مراية وشاف كل الاحداث الي صارت كدامة
يمه شهيد روح الحبوبتك سلطانة وكَله محاسن اخذت خالي يوسف للحلة طبعاً شهيد يشبه يوسف شبه كلش قوي بيوسف
وراحت محاسن والطريق كله صفنات وحسبات
حسبة تودية وحسب تجيبة
اخر شي سئلت يوسف كالت اله اكلك يوسف انتم ياهو يدخل عليكم وياهو تاكل منه ياهو تشرب منه
لان خويه انت مشرب ما شاك بحد ماعندك ظن بناس
يوسف چان شاك بس مايحجي يخاف من المشاكل وخواته مو خوش اداميات و اللسان يكنس ويرش
اما شهيد ووصل البيت جدة واول مادخل الدربونة ظل يصيح ويعيط بصوت عالي حبوبه خالي يوسف
امسويلة سحر
خالي امسوية سحر
الحجية سلطانة طلعت حافية تركض ولك وين خالك شبيه يوسف
وجان ينغمي ع الحجية وتوكع ويرشون ع وجهه ماء هسه وكتلج حبوبة وكعتي ولا تشاقون
الى ان صحت
من صحت كاله شهيد:
حبوبه صدك جذب شبيج بسرعة وكعتي
ولَك جدة احجي خالك وين
كال حبوبة انطيني دينار واني اگلج
يا جدة انطيك الجيزدان
(المحفظة :الجوزدان او الجيزدان يلفظ ع للسان النساء الكبار بالسن وهي محفظة النقود)
مالتي گله
بس گلي خالك وين
گله لا حبوبة اتمزهد(اتمزهد معناة اشاقة او امزح)
وياج
خالي خذته امي للحلة
يمه جاسم الحگني شيسوين راح للحلة
كاله ابو امراية گال الامي خالي وحدة مسويتلة سحر
وصاير بي جني
طبعاً أولاد محاسن كانوا عايشين بديالى فمتعودين يحجون حجي ديالى واغلب كلماتهم ماتنفهم فمايكولون جدة او بيبي كله حبوبه
(حبوبة معناة بيبي)
وشهيد من نوع يشاقي ويضحك هو واخوانه
وهم تربيتتهم تربية خولهم صح هم عاشوا فترة من الزمن بديالى بس بقوا يرايحن جاين البيت زاير علي الي هو بيت جدهم
ٱيّےـ بيبي وهسه امك راحت للحلة
ٱيّےـ بيبي دكول من ارجع اله اشكها شك هاي المسويه سحر الخالي
ليش بيبي هي امك عرفت المسوية سحر الخالك
ٱيّےـ بيبي عرفت غير خالي بي جني وكال منو السواله سحر
طبعاً شهيد جذاب
وظل يألف ويزيد بالحجي وكل هذا الحجي اليحجي ماصاير
امه كلتله بس روح كل البيبيتك امي راحت للحلة ازور خالك
هو ظل خالي بي سحر خالي بي جني
وهذا كل تأليف من شهيد الى
ان سئل خالته فردوس؟
اگلج خاله فردوس هو خالي جان هم عاشك وحدة رايد وحدة
أظن خالي لازمة جن عاشق
ردت عليه فردوس مادري والله اذا عاشك ورايد وحدة
شهيد متأثر بالكتب اليقراهن عن السحر والشعوذة فصاير عند هوس بالأعمال السحر وجن
وشاف حالت خاله يوسف وهو يقراة عن هيج حالات وظل يألف ع يوسف ويرد ليورة
هذا الحديث الي دار بين فردوس وشهيد
تسنط(تستمع او تجسس) على هذا كلامهم حمدية
وهو شهيد صحيح جذاب بس جذبه ساعد بكشف الفاعل
حمدية ظلت تلوب محتارة شسوي
تريد تعرف شنو صار بيوسف
وهي ماعندة علاقة وي شهيد
وجاسم محذرها ماتتقرب الواحد ولا تسولف وي ٱيّےـ واحد
بس حجي شهيد قلقها وخافت
صاحت ع شهيد اگولك عيني شهيد
يوسف شنو بي بالضبط ماعرفت ابو امراية شنو كال
گالها والله ياخالة يا مرت خالي جاسم الما عرفج
والله ينطي يوسف خلاني اعرفج من خلال وكعته
انتي من شوكت اجيتي البيت جدي يعني صارلج شكد من ازوجتي خالي يجوز أتوصل الى الفاعل والعامل السحر
عاد حمدية كالت هسه اني شوازاني وسئلت هذا المسودن
فشهيد كال الحمدية ؟
خاله حمدية أظن خالي يوسف جاب اسمج
عاد هي صاحت يااا يمه دخيلك ربي شلك بهل الكلام تريد تبليني شنو هذا الحجي
سمعت فردوس صاحت هااا شصار گاله هاي مرت خالي جاسم تكول اني مامسويه سحر اليوسف
وتعاركت فردوس وحمدية
اجت حجية سلطانة وگالت شهيد بيبي روح البيت جدك ابو ابوك لو تروح يم خالك هود ترى محد اله خلكك وانت بيك هوايه مشاكل بس مو صوجك صوج امك محاسن من أخذتك ال ابو مرآية
من اجيت من ابو امراية الحد هسه
كلشي مافتهمنا منك امك وين وخالك وين
اكلك بيبي خاف طفر بيك جني وهل تسودنت علينا
طبعاًمحد افتهم شي من شهيد
بس كلام شهيد زرع الخوف بداخل حمدية
لان شهيد ثرثار وظل يصفط بالحجي بكيفة
حتى على أمة جذب گال امي بس ترجع من الحلة
راح تحلف حمدية ونقية وفردوس بالقران لان مسويات سحر الخالي
طبعاً هي ماحجيت هيج محاسن
محاسن سئلت يوسف گالتها انت ماشاك بخواتك مسوياتلك سحر
لان هي اصلاً ماتعرف حمدية مرت جاسم
لان سالفة زواج جاسم بحمديك صارت بسكتة
وهي ماتدري هاي اول جية اله بعد زواج جاسم
بس شهيد واخوانه يرحون ويجون اكثر شي شهيد ومنتظر يجون البيت جدهم
شهيد هوايه يألف ويكثر بالحجي
هذا الكلام زاد الخوف بداخل حمدية
اما محاسن...
وصلت محاسن الى ضريح سبع المحاويل بعد ان سئلت ودخلت بالمزارع وبصعوبة وصلت الهذا الضريح
واول مادخل يوسف وكع ونغمة علية وظل يتمتم كلامات غير مفهومة
الى ان نام تقريباً ساعة وكعد
و كاله ام شهيد اني جوعان
يوسف صلوات جوعان شتريد وشمشتهي اسويلك
كول وطلب وأدلل
ومحاسن احتارت شنو تنطي اليوسف
گاله اريد بس نص برتقالة
اگل نص برتقالة
واگله اريد ارجع للبيت لان احس روحي دايخ
ولازم ارجع للبيت لان اذا متت اريد اموت هناك يم امي
احس امي عينة ع الدرب ناطرة رجعتي
رجعيني خويه للبيت
اكل هسه برتقالة وشتريد يصيرلك
وهسه نرجع
وفعلاً حجية سلطانة گاعدة على لاين(شارع)
وتنعى
انا الربيت وحك ارباي اريدنة
خذن يوسف خواته وماظن يردنا
وشهيد كاعد كبال بيبيتة وينعى وياه
بيبي شكي زيجج ماينفــع كل حچي
خذوا يوسف يبيبي ومايفيد البچي
والحجية سلطانة ميتة من البچي والقهر
شهيد صوتة يخبل من ينعى ويغني
الى ان اچة هود وشاف شهيد وأمة كاعدين
وشهيد ينعى والحجية تبجي
صاح عليه هود لا يامنعول الوالدين تريد تموت امي
كاعد تنعى على يوسف ولَك ناقص هو شصار حتى سوي بأمي هيج
شهيد شرد من شاف هود
هاي حمدية ودت هود ع شهيد وكالته روح الشهيد كاعد بنص السلف ينعى الحجية سلطانة
لان حمدية شادة صرت ملابسها وتريد تطلع
بس ماتكدر لان شهيد والحجية كاعدين بنص الشارع
فوزت هود ع شهيد بحجة ينعى ع يوسف
وحمدية منتظرة طرت الفجر حتى تطلع
وبعد ما طر الفجر والحجية نامت وكلهم تقريباً نايمين
بس شهيد يفتر من صريفة الصريفة
طلعت حمدية وي طرت الفجر
شافه شهيد لان ممدد فوك الصريفة ماخذة صرت ملابسة وطالعة
صاح عليه شهيد
حمدية اوكفي اني اوصلج وين رايحة وي طرت الفجر
لا تعظج الچلاب
صاحت عليه حمدية لا ابقه هسه اجي
بس خلي عينك ع باب الصريفة لاتدخل البزونة
يتبع..........
مشاركة ➕تعليق✔️✔️✔️✔️
أنت تقرأ
المُقلة الحدقة
Ficción Generalحقيقي#اجتماعي#روحاني القصة حقيقية تدور الاحداث عن عائلة تسكن احدى المحافظات العراقية تربطهم الألفة والمحبة لكن بسب الطمع والسحر تتأزم الاحداث الى ان تصل مرحلة القتل تستطرق الرواية بعض من المشايخ الذي يدعون السحروالعلاج وتطهير النفس الى ان يصل الانس...
