جاسم :فتنة منذر عوفية يم عمه يوسف وعمتة نقية
ونروح انه وياج وحجية سلطانة
باجر انزور الكاظم
فتنة :لا ماروح اله اخذ منذر وياي
ما امن جهالي عندها تكرهني نقية
جاسم:بلا حجي زايد فتنة كتلج باجر نروح أنزور وخلاص
نقية :ٱيّےـ جاسم اذا رحت للكاظم اريدك تدعي ع ام صالح البهذلتني وشلت حالي
اوووف يا صالحة ام صالح
اريد الكاظم يسوي بيج عملة لا صاير ولا دايرة
فتنة:شلج بهل حجي نقية انتِ الله مايحملج هل طلكج صالح وذب عليج بناتج ونهزم حتى اهلة مايعرفون وين صفة بي الدهر
نقية:ٱيّےـ عيوني وانتِ شعليج كاعدة تشمتين بيه
وتعاركت نقية وفتنة وصارت مكامش من الروس
وحدة تغلط ع الثانية
وشافهم منذر يتعاركون
بيبي سلطانة بيبي سلطانة عمتي نقية گتلت امي
حجية سلطانة اجت تركض وفكتهن
وماسلمت منهن اجتها طكة من فتنة
اجة جاسم
وگتلهن اثنينهن
وكعدت نقية :باب الحوش تبجي
وتندب حظه مطلكة وعندة بنات
والناس تلوم بيه
(احداث بعد وصول خبر استشهاد شهيد ومنتظر)
بعد وكعت محاسن على التابوت ونامت ع تابوت شهيد
الى ان اجة الشرطي رفع محاسن
ولگاه مغمي عليه
أخذوها للمستشفى اخذته فتنة واختة
اما يوسف وقع على استلام تابوت شهيد ومنتظر
بس الشرطي كال:
يوسف خويه حسب الأوامر العليا
الي وصلت النه
ان شهيد كان قائد الفوج وهو الينطي الأوامر
وبعد ماتقدم العدو عليهم اغلبهم شمروا اسلاحاتهم واستسلموا
بس شهيد ظل يقاوم الى ان شاف منتظر اصوب ووكع بالكاع
فا الضباط ألويا صاحوا عليه انهزم شهيد انهزم منتظر استشهد
بس شهيد من شاف منتظر وكع
ماقبل ينهزم رجع على جثت منتظر واجتتهم سيارات العدوا واخذتهم
وشهيد ما استشهد شهيد تأسر حسب الاقوال
ووالبعض كال استشهد
وضاربت الاقوال بأن شهيد اسير وبين شهيد استشهد
وسلم الشرطي كلادة (زنجيل فضة) وبي صور زغيرة صايغة الهم يوسف من جان يشتغل محل صياغة
صايغ وحدة الشهيد وحدة المنتظر
ومخلين صورهم هما وخوالهم بس يوسف ماعرف الزنجيل الشهيد لو المنتظر لان اثنينهم حاطين نفس الصورة بالكلادة
وصارت مراسيم التشيع والفاتحة
واقتنعوا ان منتظر استشهد وشهيد استشهد
بس محاسن ظلت تتأمل وعايشة على امل ان شهيد يرجع الهم يوم من الايام
ومحاسن سأت حالتها لدرجة سكنت النجف تروح هي وحجية سلطانة
وكل خميس يطلعن للنجف يصبحن الصبح يم قبر شهيد ومنتظر
(وبعد مررور خمس سنوات تقريبا)
هود ازوج من بت صديق ابو امراية
وصارت عندة ابنية وسماها نرجس
اما يوسف بقى مامزوج ياهي يروح يخطبها ماتصير
وجاسم صار عندة ل٣ اولاد وبنية
اولاد جاسم
منذر الكبير
ستار الوسطاني
بشير الزغير
اما البنية اسمها سقر
معنى سقر :اسم من اسماء النار وهي التي لا تبقى ولا تذر
سقر دائما بيت عمته فردوس وي بنات فردوس
لان فردوس خلفتها اكثر شي بنات
بنات فردوس
رقاش الجبيرة صديقت سقر وعلاقتها كلش قوية
وسمراء
ولؤلؤ
وذهب
ومرجان
بنات فردوس وسقر كله يمهن تروح
وفتنة ماتقبل ولا تريد سقر تلتقي وي بنات عمتها
فتنة اووف منح فتنة كل المصايب والبلاوي من فتنة
ويوسف يصرف على بنات فردوس لان زوجها عبد الرزاق ماعندة وفگر
وجاسم عندة ولد وشلون ولد الله مايجرعهم بعدهم ازغار وفتنة علمتهم على البوك والحرملة
وبحكم جاسم راتب الجيش مايكفيهم يوسف يصرف ع ولد جاسم وبنات فردوس هم يوسف يصرف عليهن ونقية مطلكة وعندة بنات ويوسف يصرف عليه وعلى بناته
اوووف يايوسف وين چانت الك هاي مضمومة
بعد شوكت يوسف يكون نفسه ويزوج
لا وبعد بيت يوسف شايل الچوق الموسيقي كله
عشتو يوسف محسوب عليه بيت ملك وبأسمه
وهو كله كاعدة بيه
حتى هود اجر بيته وبناله غرف بيت يوسف
بعد ياهي تاخذ يوسف على هل العائلة التعبانة
والخوات الله مايجرعهن.....
أنت تقرأ
المُقلة الحدقة
Fiction généraleحقيقي#اجتماعي#روحاني القصة حقيقية تدور الاحداث عن عائلة تسكن احدى المحافظات العراقية تربطهم الألفة والمحبة لكن بسب الطمع والسحر تتأزم الاحداث الى ان تصل مرحلة القتل تستطرق الرواية بعض من المشايخ الذي يدعون السحروالعلاج وتطهير النفس الى ان يصل الانس...
