المُقلة الحدقة

الفصل الثاني💔

سقر: ياااا يمه يامستحين شلون تحجين وياي هيج ولج انه بت جاسم الشريفة المحد وصل ذيل ثوبي
وتكامشن سقر وفتنة
وكومي فتنة شمري الفانوس على سقر  والفانوس متروس نفط ومشتعل نار
ونكسر الفانوس بظهر سقر
وصرخت سقر بويه جاسم اللحكني
بويه اللحك بنتك...
احترگت
جان يوسف موجود عندهم كاعد هو وجاسم بالديوانية
(غرفة الاستقبال)
ركض جاسم وركض وراة يوسف
يوسف يگول ماشفت سقر
شفت شي طلع على الحديقة عبارة نار تشمي
اسمع صوت سقر بس ماكو سقر
النار لونه احمر وبي زراك يلهب
وسقر تمشي بنارها اعتقد سقر تريد تلزم فتنة
بس فتنة تركض من مكان المكان وسقر
تركض بدون ماتحدد المكان تركض بدون شوف

اباوع على جاسم خطيه جاسم يفتر وراة النار
ويريد يلزمة مايكدر النار تمشي بالحديقة
الى ان جبت بطانية وشبكت سقر وطفيتها
ٱيّےـ طفيته بهاي ايدي واحتركت ايدي
لان النار اخذت شعرها وجهه ونزلت على
صدرها
سقر شعرها كلش طويل
ومعتنية بي ومعتنية حتى بشرتها
جميلة سقر لدرجة من احتركت كالوا عيون الناس حركتها
طفاها يوسف وأخذه بسيارته يوسف
وصل المستشفى
للطوارء
وراسأ تم نقلها القسم الحروق
حالة سقر خطرة جداً
الدكتور:لا اله الله شلون احتركت
يوسف:جاي تخبز ونفجر عليه التنور
الدكتور:صدك جذب طفلة مخلينه تخبز
امه وين ومخليته تشعل تنور!!!!
يوسف:بعد هي متعودة تخبز وصارت قضاء وقدر
الدكتور:انفجر عليه التنور يعني؟؟
يوسف:
مرتبك مايعرف شنو يجاوب
ٱيّےـ شمرت نفط على الحطب واحتركت
الدكتور:يعني تنور طين تخبز بي؟
يوسف: ٱيّےـ طين
الدكتور:لعد الانفجار يصير بتنور الغاز
يوسف:دكتور والله انفجر التنور اعتقد حطت بانزين
وگب عليه
مادري دكتور هي تخبز وصار الحرق
عرف الدكتور ان حركها فعلت فاعل
بس لان شاف يوسف لابس زيتوني عرف ان يوسف رفيق
يعني مايكدر يحقق وياه لان الظاهر من شكلة بعثي مسيطر
الدكتور:عموماً اني ثبت الحرق انفجار التنور
والبنية حالتة حرجة فياريت محد يدخل عليه حتى لا يسبب تسمم بالدم
سقر :صارت عبارة عن شي اسود
محترك مايبين منه شي جانت لابسه دشداشة
نوعية نايلون ولازك ع جسمة بصعوبة تنزعة منه
وصيح بويه جاسم اللحگني
دخل عليه يوسف وأثار الحرك بيدة ودم ينزل منه
سقر:عمو حبيبتي انه اخذ حقج لو بعد الف سنة
وامج انه اله اذا ماعيشتة طعم ذل وألم الحرك
فلا انه يوسف
سقر عمو سولفيلي شنو الصار
سقر :با انفاسها الاخيرة عمو تتهمني بشرفي امي
هاي مو امه هاي انتقام
عمو حركتني بالفانوس تريد تتخلص مني
كل يومية تضربني الى ان خلصة مني
ما سامحة الى يوم الدين
خاف اموت لا تخلية تطلم وتبجي عليه
عمو امي بلاء نزل علينا اول بلاويها انه
هل حركتني
ودار الحديث بين سقر ويوسف
الى ان يوسف كالها عمو انه رايح
شويه واجيج تردين اجيبلج شي وياي
كلته عمو كول للعذوب اسوية كليجة انه مشتهية
كليچتها
كله رايح اجيبلج صاحت عليه عمو يوسف عمو يوسف
يوسف:يا روح عمو يوسف كولي شنو تردين
سقر:عمو لا تخلي الشرطة تاخذ امي ميخالف
حتى لو هي حركتني الله يسامحها
يوسف:تدللين عمو لا ماخلي الشرطة تاخذه
وطلع يوسف من غرفتة
وشاف جاسم حافي واكف برة المستشفى ينتظر وشاف بشير ومنذر ونقية والعذوب كلهم باب المستشفى
واول ماطلع يوسف من الباب ركض عليه جاسم ومنذر
جاسم:هاا يوسف شلونه سقر
يوسف حالة صدمة ورعب وخوف
اذا الحكومة عرفت بهل الجريمة
شراح يصير وين ينتهي بيهم المطاف
يوسف ساكت ماحجه شي
بشير:مثل امه الحقد عامي
شني عمي شمالك ساكت اذا ماتت كول ماتت
كام يوسف: وسطرة راشدي
انجب ولَك مجرمين انه أعلمكم
يا انذال
بشير: يحجي بينه وبين نفسه
ابن الكلب انه شكلت حتى طكني
يوسف:شكلت ولَك
بشير :ماكلت شي هل الساقطة ماتت لو لا
وركض وراة يوسف ولازمة بالمستشفى
ودفرات وبطلعان الروح يالله كدرو
يفكون بشير من يوسف
يوسف:جاسم اخذ ولدك وتكسح من المستشفى
لا انتَ ولدك اذبكم بالسجن
يالله ماريد اشوفكم
وانتِ نقية اخذي العذوب ويله للبيت
راجع
اليوم العب بيكم لعب
منذر اخذ بشير ورجع هو وعمتة نقية والعذوب بس جاسم
مارجع
كله اليوسف ذبني بالسجن بالكي افقد الذاكرة وآنسه شلون سقر تحترك
جاسم شخصية مو كلش قوية يوسف مسيطر عليهم
يوسف :سكت عنه ماحجه شي وياه
بشير :من رجع هو ومنذر والعذوب وعمتة نقية
ظل يغلط على يوسف ويصيح يوسف خايف من الحزب
يخاف على مكانتة ومنصبة
انه الك يايوسف اذا ماخليتك علج بحلوك الرفاق
اله اسويلي مكسورة والعب بيكم لعب
كام منذر  وضربة راشدي وتعاركوا بسيارة الأجرة الى
ان السايق طبك على صفحة وكلهم نزلوا من السيارة وحتى كروة ماريد
وفعلاً نزلوا من سيارة واجرولهم تكسي ثاني
بس هل المرة العذوب ونقية راحن الوحدهن البيتهم
ومنذر وبشير صعدوا تكسي وراحو البيت فتنة وجاسم
الي احتركت بي سقر
من دخل منذر شاف فتنة تبجي وصرخ والناس ملتمة عليه
وهي من شافت بشير ومنذر زادتت بالعياط حسبالة سقر ماتت
فتنة:هاا يمة منذر اختك شلونة
منذر:بالمستشفى وحالتة حرجة كلش
يله يمه اخذي الشغلات المهمة وخلي انروح البيت عمي يوسف
عمي يريدنا
فتنة:ماروح وماطلع منا اله ترجع سقر
منذر:يمه بسج من هل السوالف امشي وياي ترى صارت فتنة جبيرة سقر مادري شكالت العمي يوسف
وعمي يوسف صاير نار كبرة ماردي على يساعة يكب علينا
بشير:ٱيّےـ يمه امشي هناك
هذا الناقص ضربني بالمستشفى وگوة فكوني منا
فتتنة:ٱيّےـ يمة هو يكرهكم
منذر:يكرهنه شنو غير هو ربانة
يله يمه أمشي نروح بالحجي زايد
خاف كلشي يصير
وراحت فتنة البيت يوسف
وبعد ماوصلت فتنة البيت يوسف شافت الشارع
مكلوب كلاب زلم ونسوان
وكله تبجي وكله تعيط وتصرخ
دخلت فتنة وشافت فردوس وبناتها
وتعاركن اثنينهن وصارت مكامش من الروس
فتنة :بسبجن بنتي حركت روحة
وفردوس دكله انتِ حركتيها
والنسوان تتفرج عليهن بالبيت الى
ان كامت العذوب واخذت فتنة بغرفتها
وفردوس ظلت هي وبناتها يغلطن
ويفشرن على فتنة وبنفس الوقت يبجن على
سقر وظلن كاعدات بالحوش وفتنة بغرفة العذوب
وبعد مرور اربع ساعات عن الحادث
مازالت سقر بالمستشفى
وحالتة مازالت خطرة
وبيتهم صار هوسه وكله اجت البيت يوسف
الى ان اجه يوسف للبيت
وشاف الناس والأقارب كله ملتمة يم البيت
اول ماوصل يوسف
وبعد دقائق وصلوا  جماعة الفرقة الحزبية
والرفاق ترسوا الشارع
يوسف دخل  للبيت وصاح على جاسم كله جاسم
سقر عفته مواتة حضروا روحكم احتمال اليوم باليل تموت لو باجر
فا ياجاسم اريد منك شغلة؟
جاسم كول خوية؟
يوسف: جاسم اذا ماتت سقر تخلي فتنة تحضر الفاتحة كدام العالم
وثالث يوم من تخلص الفاتحة أزين فتنة صفر وطلكة
اما اذا اعترضت راح اذبه بالسجن بتهمت القتل
جاسم:اصلاً انه بعد مالي نفسه بيه بعد هل السواليه السوتة
يوسف: خوش انه حدي وياك الثالث يوم الفاتحة
فتنة تزين وتطلك
ومن طلع يوسف  من الغرفة تلاكة وي فردوس
يوسف:فردوس  ماريد ٱيّےـ حجي زايد بخصوص سقر
سدين حلكج ولا ماتحجي شي وي فتنة
فهتي لو لا؟
فردوس:يوسف تريد تستر على فتنة بهل جريمة مالته
يوسف:فردوس اذا حجيت شي وفكيتي حلكج اله ارميج.
وطلعت فردوس ماحجت شي
وبعد مرور ساعات
وطلع يوسف وسلم على الناس وكاعد يسولف وياهم
ويتفاجىء يوسف بسيارة الحزب
وجماعة الفرقة الحزبية نزلت على يوسف
وبيدهم كلابجات
ونزلت فردوس من سيارة الشرطة
وأشرت على يوسف
هذا المتسترعلى جريمة حرق بنت اخويه
الي حركتها امه فتنة
وصارت هوسه
واجه جاسم واجت فتنة
وجماعة يوسف الرفاق وكفوا وي يوسف
الى ان واحد صاح الكل تصعد بسيارة وشافة يوسف
طلع واحد من أعضاء الاجتماعات السرية
غمز اليوسف
واكله لا ماكو شي استاذ يوسف مجرد استفسار وترجع
ورجاءً ماريد كلابجات يصعد معزز مكرم
بنهاية هو حادث قضاء وقدر
واحنه مااجينا
الا الأخت فردوس قدمت دعوة ضد يوسف وفتنة
وراح يوسف وياهم وماخلاهم ياخذون فتنة
وبحكم معارف يوسف سقطوا الدعوة
ورجع يوسف ماطول بس مسافة الطريق
بالمستشفى محاسن يم سقر اخت يوسف ام شهيد
خلاه يوسف يم سقر لان هاي الوحيدة العاقلة نوعاً ما بخواته
واجه اتصال على بيت صديق يوسف على التليفون الأرضي
من المستشفى المتصل محاسن دزت خبر البيت يوسف ان سقر
فارقت الحياة
محاسن تصف حالة سقر
بعد ماتركني يوسف يم سقر
وانه الفاكدة الشبان
وانتظر منهم خبر
بلكت عليه يصيحون
محاسن ولدج ردوا من السفر
وبعد ساعات من الالم والوجع وصرغات سقر مازالت بأذني
تلوب مثل الطفل ماتكدر تنام
اذا نقلبت على صفحة اليمنى تصرخ
واذا على اليسر تصرخ
واذا نايمة على ظهرها تصرخ
احس روحي تريد تطلع عمة النار احسة بمعدتي
انه لازم اموت بعد الحياة ماتفيديني
الدنيا مو حلوة صارت بعيني
كلشي ماشوف عميت عمه احترك
شعري واحتركت عيوني واحترك جسمي
احس المكان اظلم الظلمة خنكتني
بديت احسن حرار تذوب بفصوص عيوني
بنات عمتي هسه يظلم يخافن مني
كله تخاف مني عمه محاسن سمعييني
عمه انه جاي اشوف جدي زاير علي وبيبتي سلطانة عمه حتى رقاش كاعدة منتظرتني جاي يحضرون مكاني لان انه راح اروح يمهم ٱيّےـ اروح يمهم احسن هم مايحجون وياي بيبتي دللني دلالل
اروح هناك يم رقاش واخيط وأصير اشهر خياطة
عمه جاي اشوف رقاش صيح عليه
تريد تاخذني وياه بس ماتقبل تدخل لان انتِ كاعدة
بس طلعين اروح وياه
الى ان اجاني الدكتور وطلعني
وعفتة بين صراخات وصراعات ونزاعات
وي روحها الي تريد تطلع
من عفتة صاحت عليه
عمة لا طلعين بس طلعين راح ياخذوني
لا طلعين عمه
لو ماطالعة جان ماتت
ٱيّےـ بس طلعت من الغرفة وصلت يم الكرسي جلوس فارقت الحياة
وماتت سقر
وصارت الفاتحة وناس تبجي وناس تلطم
وفتنة تطلم بنص النسوان
وآخر يوم الفاتحة وبعد ماخلصت وناس راحت للبيت
اجه جاسم وبيدة مكينة حلاقة
ودخل للبيت
وصاح
وين فتنة؟؟؟؟؟؟؟