بقلم الكاتبة
نور الفريجي
الحساب الرسمي
noor19941987@
🌸🌸🌸🌸🌸🌸🌸🌸💔💔
وبعد الزواج ومرور عدة اشهر
اجه صدام حسين الى المحافظات الجنوبية وشاف الصرايف
وسئل صدام شنو هاي البيوت القصب؟
سيدي هاي الصاريف:
صدام باجر كلهن يتفلشن وتنطونهم قطع اراضي تعويض!!!!
(احداث قبل مجيء صدام وأمر تفليش الصرايف)
بعد انتهاء الزفاف نقية وفردوس تقريباً شهر كامل
جاسم خطب فتنة وصار الزواج
بعد ماطلك حمدية غيابي
لان حمدية نهزمت من بيت جاسم
وفتنة واسمه عليه
فتنة :دائما توز حجية سلطانة ع فردوس ونقية
واصير مكامش من الروس
فتنة:سمينة قصيرة بيضة لسان طويل وكحة لدرجة
فتنة من تتعارك وي حجية سلطانة تروح تكعد بمكابرة الانكليز
الى ان يجي جاسم ويرجعة كتل من المكبرة للبيت
وهود بقى على العزائم والارواح وبعد علاج يوسف اطورت العلاقة مع ابو امراية وظل ابو امراية ينزل ارواح بيتهم
ويوم من الايام جاسم وهود وشهيد ومنتظر كاعدين كلهم سوية
وهود بدا يقراء العزائم والتعويذات
هود:شهيد اني راح اقراة وانت حرك الطاسة البيه جمر ومنتظر انت خلي علج مر على الجمر
وجاسم يشرب جكاير وصافن
ومنتظر وهو يحرك بالجمر مال حطب
طفرت جمرة ع جاسم
وجاسم جان صافن وخايف من سوالفهم
وصرخ جاسم طفر عليه جني طفر عليه جني
منتظر :ركض قبل جاسم
وشهيد :عبر الحايط وركض
هود :صافن عليهم يباوع
شبيكم ولكم ماكو شي
وجاسم:يركض بالحوش جني طفر عليه
شهيد :راح البيتهم هو منتظر
شافتهم محاسن:هاا يمه خولكم بيهم شي
شهيد ومنتظر اثنيهم الوجه اصفر يمة خالي جاسم
دخل بي جني
محاسن صخما بوجهج محاسن شلون ولكم
واسودن خالكم
شهيد :لا ترحين يمه ترى يطفر عليج الجني
وركضت محاسن حافية جاسم خويه شبيك
مابي شي بس شهيد وجاسم وهود لا يراوني جهرتهم
محاسن :يااا شصاير
جاسم:هل الكواويد طفروا عليه جمر متقصدين
انه اللهم
محاسن:جا هود وين
جاسم:وين ادري بصخام هود انه اله
هو اشرلهم كلهم حركوا جاسم
محاسن:لا لا خويه دبسك من هل الكلام خاف يشاقون وياك
هود:عايف النار وكتبة ورايح البيت فردوس
فردوس:اهلي بيهم شي
هود:فردوس ماكو شي بس روحي البيتنا بس باوعي لا تحجين شي شوفي جاسم شماله
فردوس:يا خويه شمالك الكتب سودنتك
هود:هسه ترحين لو لا
لو اكلج لا ترحين
عبد الزراق
هااا هود
هود:روح البيت اهلي وجيس نبض جاسم مابي شي
راح عبد الرزاق ورجع الهود
هود: هاا عبد الرزاق جاسم مابي شي بس متحلف بيكم يكول هود وز شهيد ومنتظر عليه يحركوني بالجمر
هود:ضحك كال يعني مابي جني
عبد الرزاق :ولَك شمالك ياجني
هود:هذوله النواقيص شهيد ومنتظر انه اللهم
ع ركضتهم الركضوها حسبالي جني طفر بيهم
رجع هود للبيت بعد مرور ساعات تقريباً
لكه جاسم يخدر جاي بطاسة الجمر مال هود ولد اختة
شافه هود: جاسم صدك جذب جاي سوي
جاسم:رجاءً لا تحجي وياي بيك بخت اجيت والله ناوي أحط كتبك بطاسة واخدر الجاي عليهن
هود :اكلك شنو صار شبيك طفرت من جنت اقراة
جاسم:عساس ماتدري شنو صار انه شفتك غمزت المنتظر حتى يحركوني بالجمر
هود :لا وروح ابوي ماسويت هيج خويه يتخايلك
جاسم:دنجب يتخايلي انه الكم بسيطة
هود:شاف محاسن كاعدة وتقريباً الوقت تاخر
محاسن خويه دزيلي ولدج اريدهم بشغيلة
محاسن:يااا شوف الوعد اشلونه يكلي اريد ولدج
جا غير ولدي يصيحون خالي دخل بي جني واجوني يركضون
هود: لا خويه ماكو شي دزيهم اريدهم
جاسم:من فوك الطوفة(الحايط) والله يامحاسن اذا اجو اله اذبحهم ذبح
محاسن:ولد اختك ويميلون عليك ويشاقون وياك
صدك جذب منك هاي انت جبير
هود:هسه لو اعرف انه جاسم شعندة كاعد يمنا وعايف فتنة
عمي احنه ناس نسوي عزائم
محاسن :تسمع صوت الباب مال الصريفة ينفتح ع كيف واحد يكول للثاني مد راسك وشوف ياهو كاعد بالحوش
ف محاسن سمعت صوت وطفرت تركض ع الباب وفتحته وأثناء الفتح وكع شهيد بلباب
وفوكة منتظر
شهيد:صدك جذب يمه شبيج ماشوفينا
محاسن: وين اشوفكم وانتم جنكم حرامية اطلطلون ع بيت جدكم
منتظر:سكتي سكتي لا يسمعج خالي جاسم ويكتلنا
جاسم: وروح ابوي ياشهيد اله اخليك بطاست هود وشمر عليك الكتب وابخركم بالصريفة انه الكم
شهيد:الحمدلله خالي مابيك لا جني ولا طنطل
جاسم:ماكو طناطلة غيركم مناعيل الوالدين
راحوا شهيد ومنتظر الهود وظلوا يضحكون ع جاسم
واجه يوسف وسولفوا سالفة جاسم
وظل يضحك
وهاي اول مرة يظلون كاعدين للصبح
وعلى هل كعدة يوسف كال الهود
يوسف: هود ع هاي كعدتك احجينا على المستقبل
جاسم:عفيه بلا نار وشخاط وبخور
اقرأه قراءة بدون هل سوالف
هود :مايصير
يوسف:جاسم خلي شويه نتونس
هود:منتظر روح البيت ابو امراية كله خالي هود يكول ﮼تعال اريدك بشغلة
وفعلاً مرور دقايق واجه ابو امراية وكعد يمهم
يوسف: يله هود اجه ابو مراية اقرانه عن المستقبل
شهيد: لاطش اله انه اول واحد تقرولي مستقبلي
وبدة ابو امراية ينوم هود تنويم مغناطيسي
الى ان ظل يسئل ابو امراية هود وهود يجاوب
ابو امراية: هود شنو شوف مستقبل شهيد بن محاسن
رد واحد بصوت هود: لان هود تحت التنويم المغناطيسي
شهيد ماكدر احجيله على المستقبل بس بعد ايام راح يجيلة كتاب ويروح ومايرجع بعد
سئل ابوامراية: ومنتظر ابن محاسن
رد الصوت هود :منتظر نفس مصير شهيد حتى امه تموت ومايشوفة لا هو ولا شهيد
وأمهم تموت بسبهم
ابو امراية: وجاسم بن سلطانة
رد بصوت هود جاسم خلفتة كله ولد وبنت وحدة وتموت بحادث
ابو امراية: يوسف بن سلطانة
رد بصوت هود: يوسف يقود القطيع
ابو امراية :وهود شنو مصيرة يبقى وياي لو يتركني
رد بصوت هود: هود انه اقتلة
وبعدها كعد هود تعبان كلش
وجاسم صافن ويوسف صافنين وخايفين ع هود
(والكلام هوايه بس تم الحذف منه)
جاسم:ابو امراية بعد مامرخوص تنوم هود هيج ويظل يحجي
وتعارك وي ابو امراية وطلع زعلان من البيت
بس هود مايترك ابو امراية
روحة ومعبودة ابو امراية واليحجي وي ابو امراية يزعل عليه
وبعد مرور ايام
اندك الباب على بيت محاسن
كتاب التحاق شهيد ومنتظر
لان العراق راح يدخل حرب وي ايران
وصار حرب العراقية الإيرانية
العراق وايران
وكان شهيد ومنتظر بالعسكرية
وصل خبر البيت محاسن ان شهيد ومنتظر بالحرب
وبعد وصول صدام الى الصرايف وشاهد منظر الصرايف والقصب امر ب تفليش وتعويضهم
وفعلاً تفلشت الصرايف وتم تعويضهم
وصار البيت بأسم يوسف وجاسم عسكري عندة قطعت ارض فما شملة قرار التعويض وهود استلم قطع من الدائرة اليشتغل بيه
بس بقوا كلهم كاعدين بيت يوسف
وبعد انتهاء الحرب العراقية
وشهيد ومنتظر التحقوا بالعسكرية قبل التفليش
يعني مايدون بيتهم وبيت جدهم تفلشن وعوضوهم
وصار الحرب وشهيد ومنتظر انكطعت اخبارهم
وناس تنتظر اولادهم يرجعون ناس تأسرت وناس استشهدت
ومحاسن ويوسف ينتظرون شهيد ومنتظر
الى ان محاسن ايست منهم فقررت تروح المكان الفوج والالتحاق وبعد ماسئلت عليهم كالولها
ترحين ع الحدود العراقية
فوجهم قريب الفاو
وراحت محاسن ويوسف
وبعد معانات و انتظار يومين كاملة بفوج شهيد ومنتظر
ورجعت محاسن بدون نتيجة وماحصلت خبر عنهم
وظلت محاسن تكعد ع الدرب
وتنعى ع شهيد ومنتظر
ويوسف هو رباهم وكاعد يم محاسن
وبعد مرور تقريباً شهر
اجت سيارت الشرطة والحزب والعالم وياهم
والناس ملتمه ع سيارة
وصيح هذا هذا بيت يوسف
وطلعت محاسن ويوسف على صوت الناس
وشاف يوسف سيارة وعليه تابوت وملفوف بعلم عراقي
يوسف ركض حافي
على سيارة الشرطة ومحاسن بلا حجاب ولا نعال وتركض ع التابوت
واذا بسيارة ثانية مع رتل عسكري ضخم جدا
وقيادات عسكرية
الشرطي:حضرتك يوسف
يوسف :ٱيّےـ نعم انه يوسف
الشرطي وقع ع استلام جثت الشهيد منتظر عبد الصاحب
والشهيد القائد شهيد عبد الصاحب
وصاحت محاسن لا ياربي لا مو اثنينهم
وطبكن السيارات اثنيهن باب يوسف
ومحاسن وكعت ع التابوت
الى هنا ينتهي الفصل الاول
يتبع........
الفصل الثاني
اهداء الى الشهيد العراقي المظلوم💔
مشـــاركة➕تعليق✔️
أنت تقرأ
المُقلة الحدقة
Fiksi Umumحقيقي#اجتماعي#روحاني القصة حقيقية تدور الاحداث عن عائلة تسكن احدى المحافظات العراقية تربطهم الألفة والمحبة لكن بسب الطمع والسحر تتأزم الاحداث الى ان تصل مرحلة القتل تستطرق الرواية بعض من المشايخ الذي يدعون السحروالعلاج وتطهير النفس الى ان يصل الانس...
