#من_أنا؟4
الياس:نا حانرجع ونتزوجها وغفران اكيد حاتشهد ع كل شي نا متأكده انها عارفتني قعد عايش!
كندر:لكن
الياس:لكن شنو؟تكلم؟
كندر:غفران تزوجها وليد ونزل راسه....وحتا حامل منه!
الياس:بصدممه....تزوجت ع خاطر الثأر صح
كندر:اي بعدك صارت هلبا حاجات امك وبوك تمرعشو كل ليله واهل غفران عارفين بنتهم جبتلهم العار فامكانش في حل غير انها تتزوج وليد!
الياس:علامات الحزن ع وجه....تقدر تقولي شن عرف خوتها نا عايش ؟
كندر:ف
كان في راسي سؤال واحد وهوا الياس لو ميت وين جثته لكن توا كثرت الاسئله
الياس:غفران مسكينه نضلمت هلبا في جرتي ومنبيش نطلع في حياتها تاني ونخليها تتأثر حانقعد الفتره هادي بعيد علاها
كندر:ومن قال اني بنخليك ترجع لحوشكم قبل مانكمل شغلي مع لكلاب خوتها!
الياس:ضرب كندر ع كتفه....قعد تغني في نفس الموال
كندر:غمزله...اي وراسك ودرتله لحن جديد😉
الياس:بصوت من كثر الوجع طالع حااااااد كأنه يتكلم من قلبه صوته كان فيه الف معنى...تمام نا معنديش شي نخسسره حبي وتزوجت والقانون مش راح ياخد حقي الا بدليل والدليل مهناش
كندر:ومتنساش انه كندر حااااط الشك في الكل!
الياس:نااا معاااك لن نوصلو وبدون ماحد يعلم بيا عايش!
كندر:صدقني الي حاول يقتلك والي متعاونين معاه توا وصلهم الخبر انك انتا هربت !
الياس:تفكر بتول ع طول....الممرضه الي ساعدتني مش راح ننسالها وقفتها معاي لن نموت
كندر:اي والله لكن ضروري تحكي معاها ممكن تعرضت لي مشاكل في جرتنا!
الياس:غدوه نحكي معاها ومتنساش تجيبلي تلفون معاك ونبي ندوش والف حاجه!
كندر:نا الفتره هادي حانكون مراقب يعني ضروري نخدمها صح نجيب حاجاتي وهكي ونجي نكسد معاك هني وكون مطمن لمكان هدا مستحيل حد يفكر فيه
الياس: مسح ع وجه بيده.....كندر نبيك تمشي لحوشنا وتطمن ع غفران وامي وبوي
كندر:حااااضر انتا تأمر لكن خليني شويه نخطط لي مصيده ي نطيحو احنا ي هما!
الياس:قددع من يومك !
____________
بتول:طلعت من المركز الشرطه كان معز قدامي ونا وراه ...نفكر شن بنقوله لأنه عارفاته ميتحملش ...طلعنا ركبنا السياره ونا مضايقه ع خاطره 💔
سجى:متشبحليش ريح روحك مش انا الي هربته وبعدين انتا قريب ادير حفله انك شديت عليا حاجه
فارس:لا توا ينعرف كل شي غدوه وبعدين نعرف نتصرف معاك
سجى:باهي باهي.....في داخلها علاش قعدا تكدبي ع روحك وعليه وربي لو يحصلو دليل السجن ارحملي من الزواج
فارس:لو تطلعي عندك يد في الموضوع بتتزوجي طول مش راح نخليك معاي دقيقه
سجى:لا متتفضلش عليا خليني مسجونه رد بالك اطلعني !
فارس:اي وتخلي الناس تضحك علينا تحسابيني مهبول
سجى:بالله وقفلي ع محل مخديتش مشقشقات باش نكسد عليهم الليله
فارس:توا ناخدلك من المحل الي جنبنا!
______________
بتول:وصلنا قدام الحوش....معز اسمعني
معز:خدا مفتاح السياره....ونزل بدون مايرد علاها!
بتول:نزلت ورااه....وخششت لغرفتها طوول!
شدى:واخيرا شرفتي شن صار معاكم في جرت كندر ماكندر
بتول:قعمزت ع سرير....وحاطه يداها الزوز ع وجها .....افففف نا منحبش معز يزعل مني
شدى:فووتيه معز توا ...انتي شن درتي وشن صار معاك في الموضوع ؟
بتول:قدرت نهربه الياس لكن شكو فينا لانه ماسكين القسم متعه
شدى:راحت عليكم وانتم مدام عارفين هكي بيصير شن دخلكم فيه من الاساس
بتول:مقدرتش منساعداش الولد بريئ ومضلووم
شدى:وشوفي روحك لي وين وصلتي
بتول:لو انتي في مكاني شن كنتي درتي؟
شدى:اءءء....اي ممكن كنت درت زيك بس
بتول:خلاص يعني تغطي وارقدي وغدوه يصير خير!
شدى:احسن اصلا بنرقد انتم مشاكلكم متمش
بتول:استندت ع سريرها وحضنت لبخده.....نزلو دموعهاا وهيا تذكر في خوها معز كيف نذل قدامهم بس مع هدا هيا مقتنعه انه الي دراته مش غلط 💔
