#من_أنا 6
سجى:السلام عليكم
الممرضات:عليكم السلام
بتول:كيف حالكم؟
الممرضات:الحمدالله كويسين!
سجى:جت الدكتوره
الممرضه 1:قريب تجي ولتوا مافيش حاله جديده
سجى:شن دخلني في الحالات الجديده البنت الي امس دارت عمليه من يراقب فها؟
الممرضه:انتي مسؤوله عليهم لانه الدكتور قعد مجاش
بتول:تلبس في البالطو...نا بنمشي لقسم الولاده!
الممرضه:اوكى كل وحده تشوف خدمتها والي مقصره بلزاها
سجى:هياااا حبيبتي مش مصحة بوك ارخي عروقك سلم بنتي!
بتول:اششش سجى خلاص خلينا نمشو!
سجى:مش هيا بس اي وحده تفكر تتطاول عليا حاتشوف حسابها!.
بتول:اففف....سجى هيا وقت خلينا نشوفو خدمتنا باش نكملو بكري اليوم
سجى:هدا الي ناقص تلزيني انتي ...وطلعت!
بتول:طلعت وراها!
_____________
سجى:غيرت اليبره للمريضه ....انشاءالله تشفي في اقرب وقت حبيبتي!
المريضه:انشاءالله ❤
بتول:خشت....قعمزت ع كرسي نا دورت عليهم دوره كويسين لقيت الممرضه الي معاي منضمه الجو
سجى:فتحت ستار البالكوني ....اهو الاسعاف ينزلو منها في حالات اشبح شنو عاد ربي يستر
بتول:ترا خليني نشوف قداش ليا ع دم والحالات الصعبه
سجى:اي عاد المشفى الي خدمنا فها من كان يجاها الا الي مفلس
بتول:تشوف للاسعاف ومركزه ع سرير ....شهقت بقووه
سجى:خيرك اللطف؟ حولي حولي متتحمليش تشوفي مناضر هكي انتي!
بتول:لااااا
سجى:خيرك ؟ هسترتي بري قعمزي ستر ربي مجيتيش جراحه!
بتول:تي لا لا الي مدخلينهم توا الياس وكندر !
سجى:شهقت بصدمه....متأكده؟
بتول:اي والله همااا شن بتغبيني فيهم
سجى:نهااار لمغبر خير دعوتهم شن قصتهم؟ وين مانمشو لاحقين علينا!
بتول:اكيد ضربوهم امس لكلاب بسببي ...رجعت قعمزت ع سرير وتبكي ....انشاءالله يسامحوني والله امس معنديش حل غير هكي 💔
سجى:نبي نفهم علاش مطاردينهم هما بذات وعلاش بيقتلوهم ؟اكيد عندهم يد في شي ....حولي تفكيرك السلبي والهي في خدمتك ساد الي صار فينا في جرتهم!
بتول:شن تقولي سجى راهو ممكن يموتو بسببنا!
سجى:متنسيش كنا بننحبسو وكنت انا حانموت بسببهم ....💔
بتول:خليني نا ننزل لقسم العمليات نطمن عليهم ....ونفهم القصه!
سجى:مفضاك وراس امي المره هادي ماني معترفه حتا بيك وخليني برانيه قعدا صغيره نبي نعيش!
بتول:خيرك سجى من قالك بندير حاجه بننزل نسأل عليهم وبس
سجى:باهي مالا نتلاقو لوطااا وردي بالك تجبديلي سيرتهم...وهيا طالعه ...ناقصني مافيا وموت
بتول:وقفت قدام لمرايا ...مسحت دموعها ...وفكرت شوويه ...ونزلت !
قبل ساعتين :-
طقق طقق:-
غفران:في داخلها زعما هدا مني جاي توا
ام الياس:خليك انتي توا نا نفتح ...وناضت!
غفران:لبست وشاحها ....وسمعت صوت الياس
الياس:حاضن امه...استحشتكم يما اسف ولدك مقدرش يجي هدا وين بان الحق
خيريه:دموع في عيونها....وينك ي ولدي والله قلبي حاس انه في شي يصير وانك ممتش
غفران:واقفه تتفرج عليهم ودموعها ع خدودها!
الياس:يماا هاني رجعت معاش تبكي صحتي كويسه وربي ماينسا حد
خيريه:عارفه ي وليدي ....تمسح في دموعها خش فرح بوك من اليوم الي فقدناك وهوا متلخبط وحايس
غفران:ع طول قعمزت ع الارض...وبدت تبكي!
الياس:شافها وهيا تبكي ...تخطا خطوات ووقف جنبها ...خليك قويه غفران زي مانعرفك احنا حانرجعو ادعيلنا بس!
غفران:قامت عيونها فيه وهما مليانات دموع....نا متت بعدك نكسسرت 💔
الياس:حط يده ع جبهته وضغط ع روحه.....اصبري زي ماصبرتي 8شهور هانت...وناض ...خش لبووه
الياس:كان مستاحش اهله هلبا وخاصة غفران استاحش ماضيه ...قعد معاهم ساعه هدرز وحكالهم القصه كامله !💔تأثرو لانه وليد ولدهم لكن للأسف قاتل روح وضروري يتعاقب ...لكن مهما كان حايقعدو مكسورين بس هدا الي صار 💔
