#من_أنا؟ 3⃣
بتول:ركبت السياره ....وبدون مانفكر في حد الا هوا بس كأنه مافيش خطر عليا حسيت انه الشخص هدا مفروض عليا نساعده....❤
معز:شن بتول باين غيرتي رايك وعجباتك المشفى
سجى:بلعت ريقها....لالا خلاص اصلا هيا كانت تستنا فيا نوافق ونا وافقت وغدوه حايكون اخر يوم لينا
بتول:تشوف لي سجى بعيون مصدومه....شن تخرطي سجى انا اصلا فكرت وقررت منوقفش خدمه لانه مش راح نحصلو المشافي كلهم مليانات بالممرضات
معز:وهدا الي كنت بنقولكم عليه ي خوفي تبطلو معاش تحصلو مكان
بتول:نخصت سجى ...وبصوت هادي سكري فمك خلي نحكيلك شن صار وبعدين لبزي عليا!
سجى:احمدي ربك اني قعدا ساكته ومعاودتش ع البيئه وهدا الي داير روحه فاقد الذاكره
بتول:ملامح وجه تغيرو...اس استريني سجى خلينا نوصلو ونحكيلك
معز:خيركم شن توشوشو في شي صاير معاكم ي بنات؟
بتول:شافت لي سجى....اءءءء لالا كنت نفهم فها انه لو وقفنا خدمه مش راح نحصلو خدمه
سجى:ع اساس وجهك وجه خدمه ومعاش انتي😏
معز:اي اي كملو في المشفى هدا لن ربي يفرج اهم شي يخلصو فيكم نهاية الشهر خير من بلاش!
بتول:اي الحمدالله...تلفتت لروشن السياره....في داخلها ضروري اول ماروح نكلم شدى وهيا اكيد حاتساعدني!
سجى:معز نا وصلني لحوشنا والصبح اخطم عليا متنساش لانه عايشه مع عيلة يهوديه
معز:هههه عيب ي سجى هادو اهلك في النهاية!
سجى:لا نهاية لا بدايه ...بالله درس هني!
معز:هي تفضلي!
بتول:تشوف لي سجى كيف زعلانه ...شفتلها بمعنى مافيش حل الا هكي!
سجى:نزلت....وسكرت باب السياره بغل🔥
معز:ههه خيرها سجى من مزعلها ؟
بتول:مش عارفه ديما هكي هيا توا الصبح تلقا جوها ي سلام!
معز:غريبه البنت هادي!
بتول:اي ....بعد ربع ساعه وصلنا للحوش ...نزلت من السياره وقلبي يقبض فيا لن خشيت لدارنا 💔
🌟مـــيُـــلــو حــــسسـٰـــن🌟
🌟مـــــيُــــلــــووو حــــسـٰــن🌟
شدى:روحتي؟....وأخيرا تصدقي استحشتك كأنه ليا قرون مشفتكش
بتول:تسلب في حوايجها...اسمعي بنخش ندوش ع سريع وبنطلع نبيك في خدمه مهمه!
شدى:😳😳...خيرك بتول واكله حاجه؟
بتول:غير افتحي النت بسرعه نا ثواني بس ونطلع نفهمك!
شدى:تت تمام خشي أهو نستنا فيك!
بتول:متشبحليش هكي شدى زي مانحكيلك صايره معاي قصة مش ساهله ...وطلعت!
شدى:غبر فيك ي بتول كانا يطلع موضوع حب ما حب...؟
__________________
سجى:طلعت من الدوش لصاله طول!
كريم:ع من تحلي في فمك بكري ع تلفون ادير في الجو قدام صاحباتها ع اساس نحكم في العيله
فارس(بو سجى):ناقصها غير تتكلم معاك
سجى:خيرك انتا وياه فهموني وله خسرتو في تجارة لحشيش جاي تحل في فمك معاي؟
فارس:تعالي اضربيني خززي عليك وع ربايتك
سجى:الحمدالله امي ميته من لما صغيره انتا الي ربتني !
فارس:هدا فاش فالحه ي كلبه وربي مازال تقللي ادبك معانا تنحرمي من الطلوع
سجى:اسلوب معدوم عندكم اثقفو راكم في 2020
كريم:بوك بيزوجك راهو بلكي تحسابينا ساكتين وكانا تخدمي خلاص!
سجى:افففف متملوش من الهدرزه النيه ...وناضت خشت لدارها!
فارس:وانتا من قالك جيبلها سيره تباها تهرب من الحوش تجيبلي العار؟
كريم:هادي تهرب هيا بالله اسكت انشاءالله يجاها واحد ويتزوجها !
