#من_أنا؟9
كندر:سحب سلاحه...طحنا
الياس:بتفتح؟
كندر:لا حيفتحوه براحهم
صقر:كسسر الباب ودخل وهوا ماسك سلاحه
كندر:حلو حلو باعوني زيك الصرصريه
صقر:لا صفيتهم كلهم...وتوا جاي الدور عليكم
كندر والياس:لا اله الا الله!
صقر:موجه السلاح ع كندر ...شن رايك نبدا بيك انتا؟
كندر:جت عينه ع روشن ....علاش خنتني وورطتني في حشيش ؟
صقر:ههه مخنتكش انتا تستاهل هكي يصير فيك وجي من يكسسرك واليوم حياتك بين يديا
كندر:يساوي في حواجبه بي برود....تحط لحشيش في سيارتي وكأنه تاجر حشيش انا؟
صقر:وقدرت تهرب من الشرطه لكن مني مستحيل!
ولحضات حاااصرت الشرطه لمكان وصوت سيارات الشرطه مبطلش
صقر:نصبه ي تافه
كندر:تقدر تقول هكي .... وتوا ورينا عضلاتك قدامهم
المحقق:دخل وهوا ماسك المسدس....حط سلاحك ع الارض ...احنا عرفنا عليك كل شي سلم نفسك
صقر:حط سلاحه ع الارض وقام يديه!
الياس:كندر انتا كنت عارف انه الشرطه بتجي!
كندر:اي كنت عارف بس شن رايك في تمثيل
الياس:كيف عرفت احكي!
كندر:خليهم يطلعو ونحكيلك القصه كلها!💔
المحقق:كندر الياس اطلعو معانا ع مركز نسكرو القضيه متعكم وتاخدو الحريه!
صقر:كيف عرفت انه انا جاي اهني ؟
المحقق:هدا تخصصنا ولسوء الحظ طحت في انجح محقق ع مستوى!
طلع المحقق ووراه كندر والياس وصقر لبسوه كلبشات وركبوه السياره !🔥
في لحضه هادي كنت انا وسجى نستنو في اخر الاخبار وشن بيصير في الياس هل لحقو الشرطه عليهم او مازال كان قلبي ع نااار🔥
سجى:خيرك من لما قعمزت وانتي خايفه خوفتيني معاك؟
بتول:لا خايفه يصير عكس ماخططنا لانه الياس معنداش حظ في شي!
سجى:باهي ليش متصلش بيك المحقق لتوا وقالك؟
بتول:انا وثقت فيه وسلمته الياس هوا قالي مش راح ينضلم وحانوصل للحقيقه
سجى:اي كويس لو هكي بس بدون دليل كيف بيوصل لحقيقه
بتول:هوا هدا الي توا بنوصلوله بس لو تأخرو الشرطه حاتكون حساة الياس في خطر
سجى:قصدك في دليل عند المايسترو هداكه 😂
بتول:اي هوا قالي هكي انه مخطط لشي وانشاءالله ينجح!
سجى:انشاءالله خير ....بس اسمعي شوفي وجهك كيف متغير نفسيتك تعبانه كأنه أنتي الي صاير معاك هدا كله حتى الحوش معاش رجعتي عقلك مع الياس والمشفى والاجرام وبس
بتول:حسيت روحي مرتبطه معاه تعرفي كل يوم يمر نقول خلاص قصة الياس انتهت مجرد شخص وساعدته بس يصير العكس كل يوم يصير معاي شي
سجى:انتي تفكري فيه هلبا حوليه من راسك شوفي وجهك كيف بدا
بتول:امس شفت الياس وامس اثبتلي انه الشخص هدا مش راح يبعد عليا حايكون معاي!
سجى:حولي الخرافات هادي من راسك وأهتمي بروحك
بتول:لاااا انا احساسي ميخيبنيش!
سجى:افففف لخرا يتصل...فتحت الخط...الو
نادر:امتا بتروحي؟
سجى:توا بنطلع علاش تسأل شن المناسبه؟
نادر:جيبي معاك بتول وتوا نفهمك!
سجى:عع علاااش؟
نادر:بدون ماتسألي ديري الي قتلك عليه ونستنا فيك!
سجى:نسال علشان صاحبتي مش انك تكلمت ...بااااي...وسكرت الخط!
بتول:حطت يدها ع قلبها...اكيد في شي صاير صح؟ ليش سألك عليا؟
سجى:منعرفش نوضي بسرعه خلينا نشوفو شن صار معاهم!
بتول:تمام...سلبت البالطو لبست جاكيتي ...وخديتي الشنطه متعي ...وطلعنا نا وسجى!
