#من_أنا؟ 8
سجى:مصدومه تشوف لسياره لمضلمه قدامها....وترجف مع بعضها ...حست انه نادر مخطوف وهدا فخ ويبو يشدوه ....من الخوف مقدرتش تنزل ....بس قعدا تشوف ليش السياره مافيش حد نزل منها...💔
نادر:ههههه مازال شن شفتي مني ....ع اساس متحبنيش ...فتح باب السياره ..ونزل بكل اناقته ..كان لابس فانليا صوق رقبه ووشاح حاطه ع رقبته...يشوف لي سجى ويبتسم
سجى:تنهدت...شن يدير الحيوان هدا ...نا غبيه صدقته ع طول 🤦♀️
نادر:طقق ع مرش السياره..!
سجى:نزلت المرش...شنو تبي؟
نادر:حبيبي كنتي بتلحقيني ع مشفى حبيبك بين الحياه والموت
سجى :لا ماشيه بنشتم في موتك ...حول من قدامي لانك مهما درت معاي مش راح نحبك ...وكيف بتوخر السياره
نادر:شي متفهميش في الرومانسيه كنت دايرلك جو ونبي نتعشا معاك برا!
سجى:بالله شنو تحسابني خفيفه باش نتنازل بسرعه ونكون في حضنك
نادر:بصوت متعصب...سجى اكبري
سجى:اطلع من راسي نادر ..احنا فتره ونطلقو لو عندك ذرة انسانيه!
نادر:من بيخلص حق بوك؟
سجى:تففوووه....جت ع وجه..وخرت بي سياره بقوووة ...ورجعت للحوش
نادر:قرب من سيارته...وقعد يضرب برجليه ع عجلة السياره....لن جاااه اتصال من رقم غريب!
نادر:الوو
الشاب:اهلا سيد نادر ...نا من طرف كندر...قالي نكلمك تحط مبلغ كبير في حسابه
نادر:كندر مسافر علاش المبلغ؟
الشاب:منعرفش قالي كلمه واطلب منه هكي وقالك ضروري
نادر:تمام...هوا وين توا؟ وكيف وصلك؟
الشاب:كلمني ع نت نعرفه معرفة قديمه!
نادر:تمام...سكر الخط ...زعما مسافروش وعلاش بيدسو عليا؟...ركب سيارته وطلع
______________
بتول:مقعمزه بين الممرضات وسارحه...اسبوع وخاشين في ثاني ليش مكلمنيش او حاول يكلمني ؟ معقوله الياس محبنيش ؟ خيرك بتول الشخص كيف يحاول ينسا غفران مستحيل يحبني؟ لو مافيش مافيا وسلاح وضلم كان الياس قريب عليا ممكن كان حبني زي ماحبيته !...بس لو حور متفرمطش فيا لأنه راح ننحبس مؤبد لو حد عرفني ساعدتهم؟💔
دليله:شاده كوب قهوه وتشرب...بتول نبي نحكي معاك في شي خاص لو ممكن؟
بتول:اءءء...تفضلي ؟
دليله:حور الي تخدم معانا شنو علاقتها بيك مره مره نشوف فها تحكي معاك!
بتول:منعرفهاش نا تعرفت علاها اهني واصلا مش حابيتها
دليله:لكن ع حسب علمي هيا مش تمام وحبيت انبهك منها!
بتول:بخوف...كيف يعني؟
دليله:اي حور مش كويسه تخدم اي شي علشان لفلوس راهو!
بتول:بلعت ريقها بخوف...في داخلها...يعني في اي لحضه تهددني وتعاود فيا الحيوانه...امممم انا بنوقف خدمه هني مستحيل نرضا نخدم مع اشكال زيها
دليله:ابعدي علاها بس مدوريهاش وردي بالك تحكيلها سرك!
بتول:هزت براسه...والخوف بدا يسيطر علاها....ممكن ننسجن؟
_____________
في لحضه هادي حطيت جميع الاحتمالات قدامي نتوقع في اي لحضه يخشو الشرطه ويطلبو اسمي ...فقدت الثقه بنفسي 💔...مستحيل ننكشف معز شن يصير فيه ...لااا مستحيل نتحمل 💔
