أحلام يتيمة

الجزء الاول والاخير

البارت 1
اني ساره طالبة سادس علمي يتيمة الاب والدي جان عامل واتوفة بمرض سرطان بالدماغ بعده امي صارت تخبز وتسوي طرشي كبه حتى تعيشني وتوصلني اني واخوية العمره 6 سنوات اني قصيرة شوي عيوني زرق شعري اشكر بيضه لا سمينة ولا ضعيفه

ساره:- كعدتني ماما الصبح كمت هي دتحضر الخبز والطرشي والكبة حتى تاخذهم تفتر على مدارس والمحلات اني كمت كعدت اخوية
حسوني ....حسوني يلا حبيبي اكعود دوام
كمت بدلتة وريكته وحضرت جنطتة اني اعرف ماما معدها فلوس ونهاية شهر والي جامعتهن راحن للكهرباء ولايجار البيت وللنت اني دائما ما اصرف يوميتي كولها تنطيني الف ونص اصرف خمسمية وابقي الف طلعت من المجمعتهن وحطيتهن بجنطة حسوني
ام ساره :- هاي فلوس حطيها بجنطه حسوني
ساره:- لا ماما خليهم عندج اني ذيج الفترة لعبت نفسي من الحلويات وجانت فلوسي تبقة جمعتهم هذا الشهر اني انطي لحسوني يوميتة
ام ساره :- اعرف بيها مجمعتهن وملعبانة نفسها من الحلويات بس تعرف معندي فلوس اوووف شبيدي عليكم يا يمة لو عندي امكانية ما انقص عليكم ولا شي الحمدالله والشكر ربي على كل حال

البارت 2
ساره :- شفت امي دمعت عيونها حضنتها وبستها يمه كافي فدوة رحتلج ليش دتبجين هسه والله اني ذيج الفترة ما اشتهي وجنت اشتري بخمسمية والله مسحت دموعها
رحت لبست صدريتي وحطيت كتبي بالجنطه ورجعت لماما رتبت وياهة الغراض بالعربانة ولميت مواعين الريوك غسلتهم بسرعه طلعت اني وماما وحسوني ماما قفلت باب البيت للاحتياط ولو هو مابي شي ينباك حتى وبيتنة احنة 50 متر عبارة عن حمامات ومطبخ وغرفه واحنة عايشين بمنطقه شعبيه بست راس ماما حسوني شافني هو هم يريد يبوس راسهة رحت باتجاه وهي باتجاه وصلت حسوني لمدرستة ورحت للثانوية اني
اني سادس طبعاً اني قريت بالعطله بس يوتيوب وجنت ما بين اساعد ماما بشغلهة وما بين اقرة والملازم بنية جانت بالسادس صديقتي من كملت خطية انطتنياهم وصرت اقرة بيهم
فتت للمدرسة لكيت نادين تبجي
ساره :- صباح الخير حبيبي شبيج تبجين
نادين :- بصوت وشهكة صباح النور
ساره:- شبيج احجي منو وياج
نادين :- اول مفتت للثانوية غزل وصديقاتهة كالو ها وصلت العبده دباعي باعي وجها بلون حذائها
تعالو اعرفكم على نادين
نادين بكدي بنت ناس زناكين ابوها يشتغل دكتور جراح وامها دكتورة اسنان نادين صاحبة عيون وساع بشرتها من نوع السمرة طوخ شوي ضحكتها اجنن سمينة خدودها تخبل عدها اربع اخوان واخت كولهم مزوجين وهي اصغر وحده هادئة كولش وفقيرة
ساره:- تعالي وياي اخذت بيدها ورحت لغزل كمت لزمت غزل من قميصها ..... اذا اسمعج مرة ثانية حاجية ويه نادين الة اسحلج بالكاع افتهمتي انتي شنو حتى تعيبين عليها اهلج انطوج خبز بس منطوج تربيه

(أحلام يتيمه)

بقلم #لبنى_القيسي

البارت 3
معلموج شلون تحترمين غيرج معلموج ميصير تتنمرين على اي احد معلموج انو هاي خلقة الله سبحانه وتعالى الله خلقها تروحيلها فدوة انتي وعشرة من امثالج
جان تدفعني
غزل:- امشي ما بقة عليه الة بنت ام الكبه تعلمني شلون احجي
ساره :- اي اي انتي بنت ام الكبة ام تاج فوك راسج وراس الخلفج بالقليل امي ما اذت انسان بحجاية لليوم امي تتعب وتشتغل حتى توكلنة لكمة حلال وتوصلنة امي انطتنه تربيه قبل ما انطتنة اكل شنو عبالج اخجل لو استحي من تكولين بنت ام الكبه اي اني بنتها وافتخر انو هي امي
جتي المديرة
المديره :- شكو شصاير
ساره :- ست ........ وهذا الصار
المديره:- غزل وراية للادارة
ساره :- نادين الى متى تضلين تهتمين لحجيهم وتسكوتين وتبقين تبجين بابا ميت الف مرة كوتلج لا تهتمين لكلامهم ولاتسكتيلهم رديهم شبيج انتي
نادين :- اي بس الديحجو صح اني زركه وسمينة وشكلي محلو
ساره:- انجبي واكلي تبن ماريد اسمع هذا الحجي مرة ثانية والجمال مو جمال الشكل الجمال جمال الروح وانتي روحج بجمال حور العين
وحضنتها فتنة للصف اخذت جنطتها وكعدتها يمي وكوتلها مدكومين منا مفهوم
نادين :- وك
ساره :- كملنة دوام رحت للبيت لكيت ماما راجعه ومسوية غده ومبدله لاخوية تغدينة خطيه نامت تعبانة من كد متفتر من مدرسه لمدرسه من مكان لمكان هي اني فتت غسلت الملابس وكعدت اقري بحسوني هي كعدت كالت راح تروح للمحلات توديلهم الطلبيات مالتهم وتجيب غراض محتاجتهم للطبخ كملت قريت حسوني وكعدتة على التلفزيون بس شلون اقرة وية صوت

(أحلام يتيمه)