لأنك الله ❤

اكتئاب ما بعد رمضان

*"اكتئاب ما بعد رمضان"🌝🙆‍♀️*

ناس كتير بعد رمضان بتحس انها مهمومة لأسباب كتير
بس من أهم الاسباب دي هي ان حجم العبادات اللي كنا بنعمله في رمضان وبتوصلنا بربنا كان كافي يهدّي قلوبنا
فلمّا بعد رمضان الصلة بتقل .. بنحس بخنقة شوية
وده بيؤكد حقيقة ان الصلة بالله هي من اكبر اسباب الراحة والطمأنينة في حياة الواحد، زي ما ربنا قال
*{ وَمَن يُؤمِن بِاللَّه .. يَهدِ قَلبَهُ }*💙

عشان كده لو عايز الدُنيا تُظبط معاك نفسياً شوية زي رمضان
فارجع للي كنت بتعمله في رمضان حتي لو بكميات قليلة وده طبيعي مانبقاش بنفس الحال زي رمضان، بس عالأقل حافظ علي الـ٥ عبادات اللي ربنا قال عنهم بيثبتوا الواحد ويطمنوه

١- الصلاوات_الخمسة في وقتها اللي ربنا قال عنهم
*{ إِنَّ الإِنسانَ خُلِقَ هَلوعًا ... إِلَّا المُصَلّين }*💙
اللي خلقك وبيحبك بيقول ان الانسان بدون الصلاة صح
هايفضل مُضطرب وبيقلق دايماً ومتوتر💔

٢- قيام_الليل اللي ربنا قال عنه
*{ إِنَّ ناشِئَةَ اللَّيلِ هِيَ أَشَدُّ وَطئًا وَأَقوَمُ قيلاً }*💙
مش شرط ١١ ركعه زي رمضان بس عالاقل ركعتين وركعة وتر..💪🏻

٣-الدُعاء اللي ربنا قال عنه
*{ أَمَّن يُجيبُ المُضطَرَّ إِذا دَعاهُ وَيَكشِفُ السّوء }*💙
صحيح رمضان خلص بس لسة ربنا موجود وقريب ومُجيب

٤- الذِكر اللي ربنا قال عنه
*{ أَلا بِذِكرِ اللَّهِ تَطمَئِنُّ القُلوب }💙*
وأهم ٣ اذكار *"لا إله الا الله - الإستغفار - الصلاة عالنبي"*✊🏻

٥- القُرأن اللي ربنا قال عنه
*{ كِتابٌ أَنزَلناهُ إِلَيكَ لِتُخرِجَ النّاسَ مِنَ الظُّلُماتِ إِلَى النّور }*💙
مش لازم جزء وجزئين زي رمضان بس عالاقل صفحة واحدة
تحافظ بيها علي صلتك بكلام ربنا ونور الوحي الشريف

"رمضان بيثبت حقيقة ان الصلة بالله هي اكبر اسباب الطمأنينة
فلو عايز تكون مطمّئن زي ماكُنت في رمضان
فارجع لشوية من اللي كنت بتعمله في رمضان

*هاتلاقي ربّ رمضان لسة ابوابه مفتوحة ولسة نفحاته بتتنزّل وبيستجيب وبييراضينا مش لأننا نستحق ولكن لأنه كريم* 💪

~♥~♥~♥~♥~♥~♥~♥~

صلوا  علي شفيعنا 🌸