س : لماذا نقرأ سورة الكهف؟
ج / نحن كمُسلمين بنقرأ سورة الكهف لأن نبينا صل الله عليه وسلم أخبرنا إنها نور بين الجُمعتين ، والنور ده يعني هداية ، بيهديك لإختيار الصح من الغلط ، بيدُلك على العمل الصالح اللي يوصلك لـ رضا ربنا ، ودي هداية إسمها هداية إرشاد ، كل اللي محافظ ع قراءة سورة الكهف عارف كلامي ده كويس ، عشان هو عاشُه و شعر به بنفسه بينه وبين ربه.
و لكن لماذا سورة الكهف عن باقية سور القرآن ؟!
لو ركزت و انت بتقرأ فيها هتلاقي ٤ قصص ، والـ ٤ قصص فيهم أربع فِتن ، و هي دي الفتن اللي اتحصرت فـ دُنيتنا دلوقتي ،
' قصة فتية الكهف ' = و فيها فتنة الدين .
' قصة أصحاب الجنتين ' = وفيها فتنة المال .
' قصة موسى عليه السلام و الخضر ' = وفيها فتنة العلم .
' قصة العبد الصالح ذي القرنين ' = وفيها فتنة السُلطة
.
و بالطبعً كل قصة فيهم فيها دروس وعِبر ومواعظ مُهمة جداً.
ايضا الرسول صل الله عليه و سلم قال لنا ان الذي يحفظ منها أول عشر آيات ربنا هينجيه من أكبر فتنة هتيجي للبشرية على الإطلاق وهي فتنة المسيح الدجال.
و ايضا قراءتها سُنة عن نبينا صلوات اللَّه و سلامُه عليه 💙
#لنقرأ_لنتدبر_♥
~♥~♥~♥~♥~♥~♥~♥~
"اللهم إني أسألك علماً نافعاً، ورزقاً طيباً، وعملاً متقبلاً"- دعاء لسيدنا محمد صلى الله عليه وسلم. 💚
اجعلوا لي نصيب من دعائكم و لا تنسوا ان لكم بالمثل ان شاء الله 💜
أنت تقرأ
لأنك الله ❤
روحانياتهو كتاب هتكلم فيه عن موضوعات كتير بطريقة بسيطة علشان نفهم ديننا صح و نقدر نطبقة و نحبه و نبقي قدوة للجيل اللي جاي ان شاءالله ❤
