لأنك الله ❤

الصلاة💜

الصلاة هي الصلة بين العبد و ربه و للأسف تحولت الصلاة من عبادة الي عادة و الخشوع قل جدا بس وحدة وحدة كدا مع بعض هنحاول نرجع للصلاة تاني ❤

الصلاه بطعم جديد ❤

الخشوع قل في الصلاه ؟! .. 😕

ساعات بتبقى عايز تجدد شوية معاني عن الصلاه علشان ترجع لك " روح " الصلاه تاني , 🙂

فـ البوست ده , بعض من معاني الصلاه , هو طويل شويه , بس دي صلاه لازم نلم بيها 🙂

و برضه يعتبر نقطه في بحر , ( و من جاهد نفسه في الصلاه , حضر مع الله ) ❤
لعلها تكون سبب في تجديد بعض المشاعر
الخاصه بأجمل علاقه على وجه الارض , علاقتك بربك في الصلاه 🙂 : 😉

-أستقبلت القبله .. ❤
و حطيت أيديك في وضع التكبير , و الدنيا ورا ضهر ايديك ..

-و بدأت التكبير بـ " الله أكبر " !

( الله أكبر من أن يخطر على قلبك غيره , الله أكبر كم أن تؤثر على الاقبال عليه نفس أو أهل أو كبير أو صغير ) 😕

* في اللحظه دي , أعرف ان بيحصل حاجات غريبه جداً حواليك ؟!
1- ربنا عز وجل بينصب وجهه لك , بكيفيه لا يعلمها الا هو .
2- ذنوبك كلها أتجمعت ع كتفك , علشان تتساقط مع كل حركه .
3- لا في أكل , ولا شرب , ولا حتى إبتسامه , حتى نظراتك بحساب .
5- في شيطان مخصص بيحضر , متخصص بس ازاي يضيع الصلاه . و الشيطان دا أسمه  " خنزب " فلما تسرح قول اللهم اني اعوذ بك من خنزب هتلاقي نفسك ركزت و أسئل مجرب 😉❤

. عايز تعرف تقف ازاي بين أيد ربك ؟!

تخيل لو دخلت مكان , لقيت ناس واقفه باصه في الارض و حطين ايديهم الاتنين ع قلبهم كده 😞

و ناس تانيه رافعه راسه بتبص لك في وشك 🙂 هتعرف تفرق
بين العبيد و الملوك ولا لأ ؟! 😉

( خلي وقفتك قدام ربك , و عينيك باصه في الارض موضع القبله , الـ يشوفها يقول عبد واقف , شكلك شكل عبد )

- في حد بيدخل على ملك من غير ما يحيه ؟!

ينفع تبعت لصاحبك رساله من غير ما تمهد في الاول ؟!

و لله المثل الاعلى , حيي ربك بدعاء الاستفتاح ,
الادعيه كتير أوي , أخترتلك منها واحد بمعناه 🙂 🙂

"اللهم باعد بيني وبين خطاياي كما باعدت بين المشرق والمغرب ، اللهم نقني من خطاياي كما ينقى الثوب الأبيض من الدنس ، اللهم اغسلني من خطاياي بالثلج والماء والبرد " ❤

يعني ايه ؟!
اللهم باعد بيني وبين خطاياي كما باعدت بين المشرق والمغرب  :
يعني الذنوب الـ لسه معملتها يارب أبعدها عني اوي .
.
اللهم نقني من خطاياي كما ينقى الثوب الأبيض من الدنس :
دي الذنوب ال انا عملتها يارب نقني منها علشان يرجع عملي ابيض تماماً .
.
اللهم اغسلني من خطاياي بالماء و الثلج و البرد :
بالماء : علشان الذنب يتمسح تماماً .
الثلج و البرد : علشان مكان الذنب بيكون في نار الندم إنك أخطأت , فـ يجي
الثلج يبرد مكان الذنب الـ محته الماء , و البرد يجعل كأن شئ لم يكن 🙂 !

- أستعيذ بالله من الشيطان : الشيطان هيجي ساعة الصلاه يفكرك بمشاكل حصلت
من سنين و يقترح عليك أذكى الحلول , و الشيطان خلق من خلق الله , و ان كنت
لا تراه فإن الله يراه و يقدر عليه , الجأ لله ييبعده عنك ساعة صلاتك , مالك الا الله . 🙂

- سمي بالله الرحمن الرحيم , و أعرف ان التسميه دي معناها ان ال هتقرأه في رحمات
كل سوره فيها رحمات كتير , أستشعرها :)) .

- أبدأ الفاتحه , و بعد كل أيه أسكت ثانيه إسمع رد ربك عليك في قلبك , أنت حالاً
كليم الله , لكنك لا تسمعه , لكن هو بيكلمك حالاً , عارف زي المذيع أول ما اللمبه
الحمرا تنور ان ع الهوا , بيخاف و يرتبك , هو شايف حد ؟
هو بس " عنده يقين " أن في ناس متابعاه حالاً 🙂! .

- الركوع : انا عند المنكسره قلوبهم من أجلي 🙂 , يارب عقلي ده مهما عظم
فـ هو أمامك صغير جداً , سبحان ربي العظيم ! , عارف لما تكون بتحب حد أوي
و بتدافع عنه دايماً , اهو أنت بتعمل كده في الركوع , بتنزه ربك عن كل الـ بيقول
فيه ما ليس فيه , أو بيعصيه , التسبيح تنزيه إنه أعظم من كل ده سبحانه .

- سمع الله لمن حمده : أيديك أتحررت 🙂 
في غيرك من مخلوقات تانيه بتمشي ع أربع
, أنت الحمدلله ربك حررك , و أنت بتقول سمع الله لمن حمده ❤

كأنك بتسمع جواك حاجه بتقولك ربنا بيسمع الـ بيحمده , تقوم أنت قايل ربنا
و لك الحمد , و تكمل بدعاء الـ ورد عن النبي الـ أتسابق عليه بضع و ثلاثين
ملك أيهم يكتبه " حمداً كثيراً طيباً مباركاً فيه " 😉

- و تيجي لأهم محطه في الصلاه كلها " السجود " :
❤
أقتراب من الحبيب .. قرع باب الله .. لا تنحني الا لله . اللحظه الـ إبليس بيبكي بسببها 😢
. اللحظه الـ بتكون أقرب ما يكون لحبيبك .. أطلب .. و أحكي .. ❤

و طول فيه أوي .. مفيش جعان بيشبع من لقمه ولا أتنين.. 😉

كان في واحد فضل
طول الليل ساجد و يقول : متى ألقاك و أنت راضٍ عني ؟! .

- و تيجي التحيات : شكرا ع لقائك يارب , بدأت بتحيه و خلصت بتحيه

تخيل كده ؟! 🙂
النبي صلى الله عليه وسلم , بعمامته البيضاء , بوجهه المشرق المبتسم , بشعره
الاسود , نعله المخصوفه , وانت قدامه و بتقوله : السلام عليك يا حبيبي يا رسول الله
و هو يرد عليك 🙂

و تكمل تحياتك بالتشهد , و أنت بتجدد العهد كل مره مع ربك بإن هو ربك وحده
و محمد رسوله , و تخلص التحيات و تدعي كتير أوي , أصله وقت اجابه برضه ,
و بعدين تعلن للكون كله السلام , و تسلم على الكون كله ع يمينك , و على شمالك ,
أنت جيت من عند السلام , و هتعيش مع الكل بسلام , الكبير و الصغير , الحيوانات ,
و الارض , كل ما خلق الله , جرب تقعد بعد الصلاه نص ساعه متقولش كلمه وحشه 🙂
ولا تتعصب , جرب ترجع للناس و قد جئتهم من عند الله , جرب تخرج من الصلاه ,
بالصلاه :))

اللهم أجعل صلاتنا سر تحولنا للأفضل 🌸💚

~~~~~~~~~~~~~~~~~~~~~

طب تعرف أن السيدة عائشة رضي الله عنها قامت الليل كله بآيه... الليل كله بآيه؟؟؟... أه والله ما هو هم كانوا عرفين معني الصلاة و حبينها ❤💛

اللهم ارزقنا لذة الصلاة التي علمها عبادك المخلصون و أولئك الصالحون 💜