لأنك الله ❤

الحجاب الشرعي ❤💛💜

ربنا لما خلق حواء خلقها من ضلع أعوج من أدم... و الضلع دا محتاج حماية علشان ميتكسرش
ف ربنا سبحانه وتعالى عمل ل حواء و جميع بناتها حماية...علشان هن غالين أوي عند ربنا و عايز يحفظهم...يا تري ايه هي الحماية بقي؟؟؟! *

"الحجاب الشَرعي إللي رَبنا أمرنا بـيه" 💛

-كُلنا عارفين سورة النور إللي بدايتها "سُورَةٌ أَنزَلْنَاهَا وَفَرَضْنَاهَا وَأَنزَلْنَا فِيهَا آيَاتٍ بَيِّنَاتٍ لَّعَلَّكُمْ تَذَكَّرُونَ"

فرضناها؟! آه السورة كُلها فرض،
كُل آية فيها فرض علينا، يعني إيه فرض؟ يعني عمل واجب على كُل مُسلم وتاركه آثم،

يقول الله تعالى :"وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا ۖ وَلْيَضْرِبْنَ بِخُمُرِهِنَّ عَلَىٰ جُيُوبِهِنّ "

-وإيه؟

*وليضربن بخمورهن علي جيوبهن*

يعني إيه *خِمار*، يعني غطاء الرأس ونازل مغطي منطقة الصَدر.

الله سبحانه وتعالىٰ بدأ بلام الأمر ليدل على وجوبية تنفيذ الأمر ده.

سُبحان الله فِي ذِكره لكلمة" وليضربن" ، سبحان الله، يعني بيقولنا إن الخمار ده لازم يكون مُحكم بحيث مفيش أي هواء كده يطيره.

*على جيوبهن* ، لحد جيب الجاكيت كده وده يخلينا نقول إن هيبة الخمار وجماله في طوله عشان يغطي ويكون مُحكم ولا يصف شيء.

-أنتِ تقصدي إن الحجاب الشرعي هو الخمار ؟؟!! يعني الطرحة كده مش حِجاب ؟!!

= للأسف يا غالية
الله سبحانه وتعالى حكيم وعليم بيكِ، إحنا جواهر وغاليين فـ الله سبحانه وتعالىٰ بيغلينا أكتر،.

''حاجة كده في النص"
"تيقني يا جميلة بإن أوامر الله سبحانه وتعالى حاشاها إنها تكون بتؤذي أو مش مفيدة لينا، حاشاه والله ده بيخليكِ غالية في عين نفسك وفي عين الناس.

*-ليه البعض لحد الآن مش عارف أو مش عايز ياخد خطوة للخِمار*؟

=لأسباب وهي :-

-أهلي مش موافقين وبيقولولي لسه بدري عيشي سنك

-أنا خايفة يكبرني والناس تقولي كبرتي نفسك ليه، دي الطرحة احلى عليكِ

-خايفة من انتقادات صُحابي فإنهم يتريقوا عليّ ويا شيخة والجو ده.

-أنا كل ده مش هاممني أهلي موافقين والحمدلله لا يهمني كلام حد لكن أنا لسه مش عارفة أخد قرار لحد الوقتي.

*-طب إيه هي مواصفات الحجاب الشرعي*..!!؟

=ألا يقصد به الشهرة بين الناس.
ستر جميع بدن المرأة على الراجح (هناك من يستثني الوجه والكفين).