لأنك الله ❤

تعريف مبدأي❤

انا اسمي يارا ❤ و اي حاجة هكتبها في الكتاب دا هتبقي ليها أساس من القرآن الكريم و السنة النبوية و سير الصحابة

قرأت كتير اوي الحمد لله عن الرسول صلى الله عليه وسلم و عن ربنا سبحانه وتعالى و في الشرع و نقدر نقول بعون الله اي سؤال في الدين هجاوب عليه بطريقة بسيطة نقدر نفهمها كلنا

علشان نعبد ربنا صح و نعرف من هو الله؟؟؟ و زي ما قال ابن القيم رحمه الله : من عرف الله احبه و من احب الله أطاعه أليس المحب لمن يحب مطيع؟❤💛💙

الله عز وجل أحن علينا من أمهاتنا، ربنا لما بيسمع بكاءنا في الليل و احنا قلبنا موجوع مش بيسيبنا ابدا بل العكس ربنا بدموعنا دي بيغفر لينا ذنوب و علشان هو الرحيم... بيكتب لينا الخير حتي لو احنا شيفينه العكس بس لازم نتأكد ان ربنا بيحبنا اوي حتي و لو احنا بنعصيه بردو بيحبنا و بيرزقنا و بيرحمنا و بالمناسبة كورونا دا جند من جنود ربنا و ربنا عز وجل خلقه لسبب معين ربنا وحده يعلمه بس اللي لازم نعرفه ان ربنا لما العبد بيبعد عنه بيبتليه علشان يسمع صوته و هو بيصلي و يدعيه بخشوع و نيه صادقة و ربنا ساعتها يرحمه و يرفع عنه البلاء علشان كده اهم جملة هختم بيها الجزء دا (ربنا قادر علي كل شيء بس قول يا رب) 💙

~~~~~~~~~~~~~~~~~~~~~
"اللهم بعلمك الغيب، وقدرتك على الخلق، أحيني ما علمت الحياة خيراً لي، وتوفني إذا علمت الوفاة خيراً لي، اللهم إني أسألك خشيتك في الغيب والشهادة، وأسألك كلمة الحق في الرضا والغضب، وأسألك القصد في الغنى والفقر، وأسألك نعيماً لا ينفذ، وأسألك قرة عين لا تنقطع، وأسألك الرضا بعد القضاء، وأسألك برد العيش بعد الموت، وأسألك لذة النظر إلى وجهك، والشوق إلى لقائك، في غير ضراء مضرة، ولا فتنة مضلة، اللهم زينا بزينة الإيمان، واجعلنا هداة مهتدين" - دعاء لسيدنا محمد صلى الله عليه وسلم ❤❤