( Unicode Version)
မိဘမရှိတဲ့တစ်ကောင်ကြွက်ကို ဘယ်သူတွေက တယုတယနဲ့ နွေးထွေးကြင်နာပေးမှာလဲ? ပိုက်ဆံမရှိ အခြေအမြစ်မရှိတဲ့သူ၊ လမ်းဘေးမှာ သူတောင်းစားသာ,သာဖြစ်နေတဲ့ကောင်ကို လူတိုင်းက လက်သင့်ခံမှာတဲ့လား? ဟား...မဖြစ်နိူင်တာမှ လုံးဝကိုမဖြစ်နိူင်တဲ့အရာပဲ။
ဒါ့ကြောင့် ကမ္ဘာပေါ်မှာ ဒုတိယဘုရားသခင်ဖြစ်တဲ့ "ပိုက်ဆံ"ဆိုတဲ့အရာကို ရအောင်ရှာပြီး လူတိုင်းရဲ့အပေါ်ကိုရောက်အောင် သူ ကြိုးစားနိူင်ခဲ့သည်။ထို့နောက် တရုတ်ပြည်၏မြို့တော်ဖြစ်တဲ့ "ပေကျင်း"မှာ ဝမ်ရိပေါ်လို့ပြောလိုက်ရုံနဲ့ လူတိုင်းက ဖိန့်ဖိန့်တုန်အောင်ကြောက်ရတဲ့သူဌေးတစ်ယောက်အဖြစ် အောင်မြင်ခဲ့သည်အထိပင်ဖြစ်သည်။
တစ်ချိန်က လူတိုင်းရဲ့တံတွေးခွက်မှာ ပက်လက်မျောနေခဲ့တဲ့ ဆင်းရဲသားလေးဝမ်ရိပေါ်က အခုချိန်မှာတော့ လူတိုင်းရဲ့ဦးခေါင်းထက်မှာရှိနေခဲ့ပြီဖြစ်သည် ။တရုတ်နိူင်ငံရဲ့ အဆင်းရဲဆုံးဖြစ်ခဲ့တဲ့ကောင်လေးက အခုချိန်မှာတော့ တရုတ်နိူင်ငံတင်မက ကမ္ဘာနဲ့အပြိုင် ရင်ဘောင်တန်းနိူင်ခဲ့ပြီဖြစ် သည်။ ကမ္ဘာ့အချမ်းသာဆုံးစာရင်းဝင်တဲ့ သူဌေးတွေထဲ ဝမ်ရိပေါ်ဟာ ထိပ်ဆုံးသို့ရောက်ရှိခဲ့လေသည်။
_____________________________
Delight Company၏ (၁၁) ထပ်မြောက်တွင်ရှိသော ရုံးခန်းအတွင်းဝယ် ဆိုဖာခုံတွင်ထိုင်ရင်း စာရင်းဖိုင်တွဲများအား ဝမ်ရိပေါ်တစ်ယောက် စစ်ဆေးနေလေသည်။ဆိုဖာခုံ၏နောက်ကျောဘက်တွင် မတ်တပ်ရပ်ကာ ဇောချွေးပြန်နေသူကတော့ ဝမ်ရိပေါ်၏လက်ထောက် ကွမ်ကျိူးပင်ဖြစ်သည်။သူ့Bossရဲ့ဒေါသကို သူအသိဆုံးပဲမဟုတ်လား?
စာရင်းဖိုင်တွဲအား ကြည့်နေရင်း မျက်မှောင်ကြုတ်လာပြီးနောက် စားပွဲပေါ်သို့ ထိုဖိုင်တွဲများအား ပစ်ချလိုက်တာကြောင့် ကြက်သီးများပင်ထသွားတော့သည်။ထို့နောက် လက်တစ်ဖက်ဖြင့် သူ့ရှေ့သို့လာရန်အချက်ပြတာကြောင့် အနားသွားလိုက်ပြီး
"အမိန့်ရှိပါ Boss "
"အခုချက်ချင်း အဲ့စာရင်းတွေကို သေချာပြန်ပြင်ခိုင်းလိုက်...စာရင်းတွေက အကုန်လွဲနေတယ်။အလုပ်ကို ဘယ်လိုလုပ်နေကြတာလဲ?အခုလို စေ့စပ်သေချာမှုမရှိလို့ မတိုးတက်ကြတာ အကုန်လုံးကို ဘယ်လိုမှစိတ်တိုင်းမကျဘူး။ "
YOU ARE READING
Goodbye My Love
Krótkie Opowiadania" နာကျင်မယ်ဆိုတာကို သိနေပေမယ့် ရူးလောက်အောင် ချစ်နေမိတဲ့အတွက် အဲ့ဒီ့အချစ်ကို ဘယ်တော့မှ နောက်မဆုတ်ဘူး..." Start Date-{ 2020/06/05} (Friday)
