💔تزوجني انتقاماً ولكن..💔. ( قيد التعديل)

❤الفصل الثاني❤

في شركه الاسد للمعمار. بعد انتهاء الاجتماع دخل خالد ومعه جاسر المكتب

جاسر: أخيرا ده كان اجتماع طويل ومتعب بس انت ازي قدرت تقنعهم بالمبلغ ده

خالد: انت اول مره تعرفني ولا ايه وبعدين ديه صفقه عاديه يعني مش مستاهله تاخد أكبر من حجمها

جاسر: طب انت هتعمل اي بعد الشغل إحنا يعتبر خلصنا

خالد: لا انا مش هعمل حاجه انت الي هتعمل قولي جبت اخر أخبار سليم وولاده ولا لأ؟

جاسر: يابني انت مش هتنسي الموضوع ده خلاص بقا يا خالد انا خايف عليك يا صحبي تندم بعد فوات الأوان.

خالد: انسي انت يا جاسر بتقولي انسي وانت اكتر واحد كنت معايه في كل لحظه وعارف قد اي انا تعبت واتعذبت بسببه هو ومراته دول قتلو أمي وأبويا واخويا الي كان لسه مولود يا جاسر ودلوقتي بتقولي انسي لا معلش يا صحبي انا عمري ما هنسي وهيفضل هدفي الوحيد هو الانتقام ولو انت مش عايز تساعدني خلاص انت حر مش عايز مساعد منك .

جاسر: انا اسف يا خالد انا عارف انك اتعذبت كتير بس انا خايف عليك ترجع تندم في الاخر اصل الصراحه يعني ولاده ملهومش ذمب انك تنتقم منهم .

خالد: لا انا عمري ماهندم بس انت اعمل زي ماقولتلك شوفلي آخر أخباره

جاسر: تمام يا صحبي

خالد : نهي تعالى عايزك

جاسر: عايزها ليه؟
خالد : هتعرف دلوقت

دخلت نهي بعد ان تركت على الباب
نهي: نعم يا بشمهندس خالد

خالد: عايزه تنزلي اأعلان تقولي فيه ان احنا عايزين مهندسين ذو خبره قسم برمجه كمبيوتر بس اهم حاجه انهم يكونوا متخرجين مش لسه بيدرسو

نهي: تمام يا فندم

جاسر: انا جعان انت مش هتاكل ولا اي

خالد: لا اكل انت انا مش هاكل دلوقتي لاني ماشي وبعدين أخاف الصراحه من اختك مي .

جاسر: اه صحيح ههههههههه انا منساش آخر مره كان بره فيها وهي كانت مستنياني كانت هتولع فيا وفيك الصراحه

خالد: ربنا يخليهالك وقولها بقا تشد حيلها عشان تشرفنا قريب في الشركه

جاسر: يارب انت رايح القصر ولا الفيلا بتاعتك

خالد: لا الفيلا

جاسر: برضو يا خالد انت مش هتبطل الي انت بتعمله ده شرب وبنات بطل بقا لو عايز تنتقم بجد لازم تكون بصحه كويسه

خالد: انا عارف انا بعمل اي سلام

جاسر: ربنا يهديك ياصحبي