صنعت من ضعفي قوة..

البارت الثالث (اوبرا وينفري)

للكاتبه Zahraa.kh.24

بعد 4 ساعات كعدت من النوم صارت بال5 العصر كمت غسلت وسمعت صوت سامر يحجي بره وياه ساهر وليث وغيث كاعدين وسارة هم وبابا وماما يعني كولهم موجودين
روان:مرحباا شهلمه الحلوة
سامر:مراحب رنونه تعالي احجيلي شلونه يومج الاول بالسادس
روان: والله الحمد الله يوم عادي
ساهر: من طلعتي بالشارع خوما وكفتي بنصه وتمضحكتي
روان:لاخويه شسالفه تعرف بيه اني ماحب اسوي شي متقبل بيه
ساهر: اي عبالي مو تدرين بنفسج تكعدين واول واحد يجيج الله وياج
روان: نزلت راسي بحزن 😔 ونزلت دموعي 😢
سامر:هاي شبيك ساهر شلقصه شكو تره هي هم اختي وماشفت منه شي غلط ميصير هالكلام
ساهر: اكلك سامر اني ماكلت شي بس خليتهه تاخذ حذرهه بصفتي اخوهه الجبير (البعير. معليكم اني كلت 😂)
سامر:وشكو وتاخذ حذرهه عدنه حرب لو معركة اليرموك
ابو ساهر:كافي اسكتوا اجيتوا بعدنه بسم الله ساهر ادري بيك انته الجبير بس يمكن نسيت ابوك موجود
ساهر: لايابه يطولنه بعمرك ويخليك فوك راسنه وباس ايده(لوكي مو بيده 😂)
سامر: رنونه حبيبتي روحي. وليش هالدموع محد يستاهل دموعج وشوفي اكو شي بالثلاجه سويلي جوعان شفت امي كاعده وماحبيت اكومهه وتدرين اني احب البيضه من تسويهه سويلي بيضه
روان:مو تدلل ثواني واجيبلكياه ومسحت دموعي
غيث:واحسبي حسابي هم
روان:اوك
ليث: واني هم
العمة نورة: هاي طلعتوا كلكم جوعانين والغدة السويته ضل بللثلاجه
سامر:هههه لا يايمه بس ماجنه نشتهي وهسه عصريه جعنه
روان:يلاكايمه اسوي
سارة:رنونه حبيبتي سويلي هم
روان:تدللي يالوصخه 😂
سارة:اني اعلمج انتي الوصخه
ساهر:كافي ولجن ماكو احترام (احترمن البعير 😂)
سارة كامت وراهه للمطبخ: احترام بعينك هذا شبي
روان:متعرفين طبعه هو هذا طبعه
سارة: على نفسه ليش سكتي مرديتي عليه. وفوكاها بجيتي عابتلج شكد ضعيفه وعوبه والله لو اني جان كلتله اني اعرف اتصرف وعندي عقل وعندي اب وهو يحاسبني ومااكو احد اله دخل بيه
روان:عزززه بعينج 😰 ولج ماتخافين غير يكوملج يسگطج
سارة:هههه ميكدر بابا كاعد واني مو غلطانه
روان:حبيبتي غير اخونه الجبير ويخاف علينه قابل هو يكرهنه
سارة:اي على عيني وراسي بس تصرفاته هم لازم الهن حدود
روان:ديلااا كافي وخلي زيت بالطاوة لا اخلي على راسج 😂
سارة:انجبي يالجبانه 😋
روان:يلاااااا
سارة:اي اي افتهمنه وخليت الزيت بالطاوة
اكلج روان ممكن سؤال??
روان:اسئلي بس اذا بايخ تنكتلين
سارة:لعد خل اسكت 😷
روان:اي سكتي مالي خلك الدوخه
وره شويه اشوف سارة تريد تحجي وتسكت وتلوج مثل اليريدون يعدموه 😂
احجي احجي لا تموتين
سارة:انتي راح تضلين هيج جبانه وتخافين من كولشي ودمعتج بطرف عينج هذا العالم يرادله واحد كدهه ويحجي والي عنده السان محد يحجي وياه بس اليسكت ياكلونه
روان:صفنت بوجهه هاي منين جايبه هذا الحجي وصدك سؤالج بايخ هاي اني وهاي طينتي وربي هيج خلقني وشعدنه هسه احنه حرب
سارة:اي حرب هي الحياة عبارة عن حرب
روان:وانتي اله الحرب موو 😂
سارة: روان ضلي ضلي هيج جبانه
روان:كاافي لااصيح بابا يعلمج شلون اني جبانه
سارة:مومال واحد يحجي وياج رايحه
روان:يلا ولي خفتا وراحه
سارة:😒
وطلعت ابد منرهم اني وهي شخصياتنه تختلف من السما للكاع بس اني احبهه غير اختي الصغيرة وبعدهه طفله ا..لحياة حرب 😂😂 ولج ياحرب
هاللله يالله
(روان تضحك ومتدري انو هي الحياة صدك حرب ☹️)
كملت الطبخ وسويت وي البيض جاي. وصحت الكل اجوي ياكلون
سامر:فدوة لخيتي الي سوته اني ليش ماحبه بس منج
روان:الف عافيه
غيث: عالاساس هسه هي منال العالم هي بيضه
سامر:كوم سويهه مثلهه بله
غيث:ارجو المعذرة وزارة الدفاع 😂
ليث:هههه ادور نصيحلك وزارة الدفاع
سارة:😂😂
روان:واحله وزارة دفاع 😍
اكلنه وكملنه وصعدت افتح كتبي اشوف شعندي وكع كتاب من كتبي من الرف ووكعت صورة اخذته وصفنت عليهه وابتسمت
هههه بعدج هنا يا اوبرا وينفري
(الصورة الي ببدايه البارت هي هاي)
اني طموحي اصير مثلج طموحي اصير سيدة اعمال ناجحه وافتح شركه واكبرهاا من الصفر الى اكبر مايمكن طموحي هذا الي محد عرف بي من عمري 10سنوات واطمحله واريد اكمل كلية ادارة اعمال واحقق حلمي .. مريتي بهواي شغلات وهواي مصاعب بس ضليتي مثابرة حياتج جانت عبارة عن غدر وصعاب والم بس مايئستي صدك تستاهلين احلم اصير مثلج.
رجعت الصورة وكمت شفت كتاب الانكليزي
اووووه نسيت الواجب مال عبارة الانكليزي جبت ورقه وقلم وكعدت عالكرسي افكر شنو اكتب عبارتي لازم تكون مختلفه ومميزة وتمثلني اممممم....
اكتبه بالبدايه بالعربي واترجمهه بعدين