صنعت من ضعفي قوة..

البارت السادس (رغم قساوة عيناه)

للكاتبه:ZahraaKh24
<♪ملاحضه:بعض احداث هذا  البارت مستوحى من احداث حقيقه♪>

كن‏ت أرفض دائمًا الإنتماء لأي قلب ، لأي مكان ، لأي أغنية..وأتيت أنت ضارباً بخطوطي الحمراء عرض الحائط !

ساهر: صحيت الصبح ولازم اروح للدائرة كمت غسلت ولبست لبس الضابط وطلعت من الغرفه الساعه 9الصبح شفت امي وروان ديسون اكل كلت
ساهر:صباح الخير
العمة نورة:صباح النور يمه هلا بيك
روان:درت وجهي وكلت صباح النور
ساهر:باوعتلهه وشدعوه عيني متباعين هنا شسويتلج صلختج لو ذبحتج
روان:لا اخويه حقك 😕وبعدني دايره وجهي
ساهر:اي طبعا حقي يلا دوري وجهج ولتصيرين حاقدة
روان:لا مو اني الاحقد على ابن امي وابوي
ساهر:اي عفيه بس دير بالج بعد  وادري بيج موغلطانه بس ععصبت من كلام محمد ومتحملت وبعد لتسوين هيج وحته لو بدون قصد مامسموح افتهمتي 🤨
روان:صار معلوم
ساهر:زين عفيه. يلا صبيلي خل اتريك اريد اطلع
روان:اوك
بعدين رحت صبيتله واكل حسيت شويه براحه لان كالي مغلطانه يعني يعرفني مويم هالسوالف ابتسمت وصبيت حته اكل هسه يلا ارتاحيت كعدت اكل واجتي سارة
سارة: كعدت ملكيت روان غسلت وطلعت لكيتهه صابه تريد تاكل ومبتسمه هااا صباحوشهلبتسامه الحلوة 🧡

روان:هلاوو حبي صباح النور مثلج غير 🥰
سارة:لاصدك شنو سر هالابتسامه
روان:ههه لا لج ماكو شيء بس حاجاني ساهر
سارة:وهم اله عين يحاجيج هذا البعير 🤭
روان:انجبي لج غير اخوج واكبر منج
سارة:نسيتي الكتله البارحه لو شاربه شيء شووو تدافعيله شبيج
روان:هو غير يخاف علينه وع مصلحتنه يعني مو قصده يإذيني وعصب لان محمد ابن الجيران وصله هيج خبر عن اخته اي اخ يسوي هيج يعني شلون يعوف الناس تحجي ع عرضه
سارة:لج شسويلج متكليلي هسه لو انتي غلطانه بيهه مجال بس مغلطاانه يحظيييي
روان:اي هو كالي ادري بيج مغلطانه
سارة:اي واذا كال ميصير هيج عالطالعه والنازله يرزل عيب تره
روان:يوووو سارة شبيج
سارة:وبعدين نسيت البارحه انتي ليش انثولتي وبس تبجين عبالك مسويتلج مكسورة لو رايحه وياوتحبين تحسين
روان:انجببببيي سارة شنو هالكلام متستحين انتي شنو احبه شنو اروح وياه. 😡
سارة:شنو يعني متحبي ??🙄
روان:لج شنو احبه لج عيني ميصير هالكلام وبعدين انتي متعرفين اختج اني مو هيج ياعووبه كله منورة نبأ تزرع بيج هالافكار ماكو بعد مااخليج تمشين وياها
سارة:ولج لاااا شدخلهه نبأ بعدين هي صديقتي والوحيدة الي تفهمني هسه مااكلج عوفي سجى
روان:ليش وشبيهه سجى
سارة:اي غير تحسين اخوهه
روان:وشدخل هاي بهاي
سارة:انجبي هسه وضلي كل مايصير شي ضلي بس اعوي وابجي مثل الخبله
روان:انجبي يلاا ولي منا صبحت بوجهج الوصخ مادري شلون يومي يصير
سارة:وجهج انتي ياوصخه
العمة نورة:شكو يمه شكوو اصواتجن طالعه
سارة:تعالي يوم شوفي روان شتكول تكلي وصخه
روان:يوم هي البدت وتغلط ع ساهر
العمة نورة:كااافي كافي ولجن فتيتن كلبي كافي كلمن تروح تشوفلهه شغله تلتهي بيهه والمدارس موبدت ماتقرن
سارة:مالي خلك اقرة بالليل عوود واقره
روان:بس للعرك. والكلام الفارغ عندج خلك
سارة:انجبيي😡
العمة نورة:خل يجي ابوجن واني اكله😠
سارة:لالا يوم رايحه بس لتكوليله فدوة 😬
روان:اي مو يخرب الوجه الملائكي👼 الي شايفه بابا بيج 😒
سارة:خل اروح احسن مو مال واحد يحجي وياج عوبه جبانه خواافه ومديت لساني. اعيب عليهه 😛
روان:ديلاا ولي منا
ياربي وتالي وياها شكد عنيده وراسهه يابس 😒