صنعت من ضعفي قوة..

البارت الرابع (ضحكتكي اسرتني ❤️)

للكاتبه Zahraa.kh.24
--------+++++++++++++++++--------
‏يصبح كل شيء مذهل عندما تضحكين 💛
--------+++++++++++++++++--------

تحسين: هلاوو
سجى:هلاو تحسينوو
تحسين:باوعت على البنيه الي كل مااشوفهه ابتسم لاارادياً بس هي ولايمهه ولامعبرتني ثكيله ومؤدبه صح مااشوفهه هواي بس تجي الصدف وحدهه واشوفهه وكلما اشوفهه صايره احله وعيونهه متشيلهن من الگاع من الطفوله اشوفهه وي سجى وكبرنه سوة وكبر حبهه بكلبي بس ماكدر اكوللهه اخاف ترفضني اعرفهه ماتحب تلتهي عن دراستهه بشي وخاصتاً هسه هي بالسادس اريدهه تطلع احسن شيء وتتوفق. )
هلاوو روان
روان: بخجل وعيوني بالكاع ..اهلا تحسين
تحسين: هي كالت تحسين لو ابتسامتي لوحدهه شكت حلكي ...شلونج شخبارج
روان: بخير الحمد الله
تحسين: دوم بخير اشوفج(دسئليني شلونك)
سارة: وانته شلونك
تحسين: للحضه كلبي نبص بسرعه عبالي هي سئلت طلعت هاي سارة
تحسين:هلاو سارة الحمد الله انتي شلونج
سارة:الحمد الله بخير
تحسين: بعدج مشعوذة 🧟‍♀️
روان:هههههههه 😂😂 ضحت بصوت سمعوني
سجى: سمعت روان تضحك بصوت عالي وتفاجئت
تحسين:ضليت صافن على ضحكتها ومبتسم شيصير لو اصبح بهاي الضحكه الحلوة وامسي بعيونه 😍
روان:انتبهت تحسين صافن عليه وسجى وسارة متفاجأت لان اني بطبعي انطوائيه واستحي ومااضحك بس ماعرف ليش شحسيت مادري والله عيب هسه شلون اعدل الموقف سكتت وكلت ..ضحكتني سالفة المشعوذه 😅
تحسين: هههه اي اذا هيج كل يوم اكولهه مشعوذه بس خل نسمع ضحكتج
روان:باوعتله باستغراب 😕
تحسين :هااا لاا قصدي يعني مشايفج تضحكين وهاي المشعوذة جانت اشكال تسوي للجهال بعدهه لو شوي عقلت
روان:لا والله ماعقلت بعدهي مثل ماهي هاي اذا مازايده😂
سارة:هاي حته انته تحسين شمسويتلكم انتو مشعوذين 😏يلا رايحه بس اريد اشوف نبأ واجي راحت تشتري
روان:وين ولج تعالي ماكو روحه خل نرجع للبيت
سارة: حبابه حبابه مااتأخر تحسين كوللهه الله عليك
سجاوي فدووة
سجى:ولج خليهه واني اريد اروح وياهه هم البارحه خليت كتابي بالمكتبه حته يكبسه وانتو ضلوا هنا هسه جاين
روان:بس..
تحسين:لابس ولا بسين هسه يجن شسالفه
روان: استحيت وسكتت وكلت ..ماشي مو تتإخرن
تحسين: لا.  اتأخرن
روان:شنوو
تحسين:هاا لا قصدي على راحتجن اذا ممكمل الكتاب انتظري  احنه هنا منروح
سجى:اوك
راحن وضلينه بس اني وروان وعيونهه الحلوات
تحسين:تعالي هنا سيارات وعالم تباوع
روان:اوك
تحسين: اي شعندج ماعندج من زمان ماشايفج
روان:هه ماعندي شي
مرر ابو شعر بنات واني كولش احبه بس استحيت اشتري خاف يكول عليه زعطوطه بس بقيت اباوع للعربانه
تحسين:شفتهه تباوع بأتجاه شي باوعت وشفت شعر بنات ههه جانت دوم تبجي وتريد شعر بنات وميكفيهه واحد لان تحبه...رنونه شوي وجاي
روان:وين ??
تحسين: هسه جاي لتخافين ماروح(نضرته الي باوعت بيهه وكالت وين نضره متوصف كإنهو تكول للامان لتعوفني يارب اكون اني امانج)
روان:اوك..راح وضلت نفسي يم الشعر بنات بس درت وجهي مشفت ابو العربانه يله بعدين اشتري اووف 🙁
وره شويه اجه تحسين وشايل بإيده علاكه بس متروسه ركزت بيهه طلع شعر بنات اتفاجئت
تحسين: اشتريت اول شي اربعه بس كلت هي تحبهم حيل خل اخذ بعد ورجعت..شفتهه كاعده ومنتضره
تفضلي ..
روان:هاي شنو
تحسين:شعر بنات الج
روان: بتفاجئ وابتسامه صغيرة الي ??
تحسين:اي ولتكولين ماريد والله ازعل
روان:ابتسمت واخذتهن من ايده
تحسين: واني متنطيني
روان:هااا لا اسفه هسه انطيك
تحسين: هههه
فتحت الجيس واخذت وانطيته كال
تحسين:وانتي متاكلين ??
روان:لا مو هنا
تحسين: واني ليش اكل هنا
روان:لا مو عيب
تحسين: واني مو عيب اكلي واسكتي لتطولينه
روان:سكتت وطلعت واكلت
تحسين: هي تاكل واني كلبي ممصدك كاعد يمهه ❤️
روان:وين راحن شو اتأخرن
تحسين: خليهن ..
روان:هااا 😕
تحسين:قصدي خليهن هسه يجن اكيد داتكبس كتبهه سجاوي
روان:اي

سجى:سارة تعالي خل اشوف ابو المكتبه كبس الكتب
سارة:هنا رايحه يمج اشوف نبأ وصديقاتي واشتري وياهن عنده سوارات.كولش حلوات
سجى :اوك ونلتقي هنا
سارة:اوك
رحت حته اشوف سوارت وجان الرجال الي يبيع شااب صاك يكطع ضليت جامده بمكاني كال
اجتي نبأ هاا ولج شبيج
سارة ..سارة ..الووو.
سارة:هااا
نبأ:وين صافنه الصفنه مو الج😂
سارة:هااا لاماكو شيء (بإرتباك)
نبأ:يلا خل نروح نشتري من هاي السوارت
سارة:هاا لا ماريد
تبأ:ولج شبيج انتي موتي نفسج عليهن وهسه مانردين دمشي ونجبي
واخذتني ورحت وياهه
الولد ابو المحل :تفضلن يحلوات
نبأ:انريد من هذنني السوارت.
الولد ابو المحل: وانتي ??
سارة:هاا اني مثلهه
وجابهن ودانختار حطيت ايدي على سوار واجت ايدي فوك ايده
هو ضل صافن بوجهي واني هم صفنت اخر شي ابتسم واني ابتسمت ووخرت ايدي بسرعه اخذنه السوارات ورحنه اوووف وكع كلبي شنو هاي
نبإ:اي اي وكع كلبج 😜
سارة:انجبي اسكتي لاتسمعج روان توكع كلبي صدك😅

بهذا اليوم مااعرف شنو الي صار حسيت شعور غريب ماحاسته من قبل يمكن بعدني صغيرة عهااسوالف بس ماعرف شنو الي صار ايدي صارت على ايده يووو اني شجاي افكر اس اس ياكلبي انجب لابنعال
😂😂😂مشاعري معوقه 😅

اجتي سجى بعد مكملت كتبه يلا سارة اختج منتظرتنه
سارة: ماتعوفيهه يم اخوج بلكي ياخذهه ويخلصني.😅
سجى:غير تحس الثوله صار سنين يحبهه ومايكول وفوكاهه محلفنه منكول الا هي تحس بحبه لان يكول الحب الي ميحس بي المقابل ميسمه حب
سارة: :عااد انجبوا عالاساس هو روميو د خل يكلله ويخلصنه شسالفه 😕
سجى:اخوي مو من هذا النوع يراقبهه من بعيد بس يخاف ترفضه
سارة: صخم الله وجهه اذا ترفضه غير صاك يموت 😜
سجى:هههه ولج الا اكول لروان اختج منحرفه
سارة: تدري ماكو دااعي تكوليله  😜😂
سجى:هااا 😂😂
وصلنه ولج سجى شوفي طيور الحب ياكلون شعر بنات اول مرة اشوف طيور هيج ياكلون 😂
سجى:اسكتي ولج لاتسمعج روان 😅
روان:اي واخيرا اجني هذني
تحسين: هاا اي وابتسم ابتسامه مزيفه (جنت اتمنه اضل كل عمري وياج)
روان: ليش تأخرتن ضل بالي يمج سارة
سارة: وشكوو عليه ماخليتي بالج هنا 😜
روان: شنوو 🤨
سارة: قصدي ميصير عليه شي يعيوني 🤗😋
روان: اوك يلا نمشي
سجى:وين متجين تدخلين شويه ويايه
تحسين: جنت اتمنه تكول اي
روان: لا يكلبي هسه الكه ساهر بالباب اعذريني فدوة
سجى:اوك. حبيبتي براحتج 😘
تحسين:نزلت راسي خاب املي ردت بس تنور بيتي 😔
راحت ودارت سجى وجهه عليه ومبتسمه
سجى:هااا شو خدودك حمر ومبتسم وعيونك يلمعن شكوو 😜
تحسين: اسكتي ولج 😄
سجى: فديت هالغمازتين وينج روان تعالي دوم يمنه بلكي يضل هيج دوم
تحسين: اي والله
سجى:يكول اي والله 😂😂
تحسين: كافي ولج اسكتي
سجى:  اول مرة تحب يئلبي واول يوم اتهنه 😋
تحسين:كافي ولج وركض وراهه
اجتي امي
ام تحسين:هلا ولكم شكو شبيكم(ام تحسين مرة جبيرة واهم شي عدهه اولادهه وتحب تحسين كلش واهم شي عدهه سعادة تحسين وسجى وراحتهم )
سجى:ماما ابنج ولهان
ام تحسين: شنو يمه ??
تحسين:لالايمه قصدهه جوعان اني جوعان يلا خل ناكل ويخزر بسجى انو اسكتي 🙄
سجى:اي جوعان 😂
ام تحسين:تعالواا اكلووا يمه صبيت الغده
سجى:يلاا تحسين تعال مو جوعان 😂
تحسين: اجيت لا اجيت اكسرج عوبه
سجى:اي اي تعال اكل ياالولهان قصدي يالجوعان 😂😂

رجعت للبيت وهمزبن ملكينه ساهر كدامنه جان بده التحقيق والسيم والجيم. رجعنه ودخلنه اتغدينه وصلينه ونمنه اني وسارة ...

يتبع....