صنعت من ضعفي قوة..

البارت الخامس (لم تكن غلطتي 😔)

للكاتبه Zahraa.Kh.24

------------------+++++++++++---------------
‏لا اسعى لتصحيح ظن احد بي لان خالقي يعلم مافي قلبي وهذا يكفيني .🥀
-----------------+++++++++++-----------------

بعد مانمنه الظهر مثل كل يوم كعدت عصوت ساهر الي يعيط
ساهر:روااااان...ولج رواااان وينج
روان: كمت بسرعه من فراشي حته اشوف شكو
شفت ساهر عيونه حمر دم و شراينه مبينه من الاعصاب وبس يعيط
هااا اخويه شكوو
ساهر:تعالي اكعدي هنا
روان:هاا اجيت
امي جانت واكفه وليث وغيث واكفين وبس يسئلون يردون يعرفون شكوو وبلحضتهه اجه سامر
سامر: شكو شبيك تعيط صوتك واصل لباب الشارع
ساهر:تعال شوف اختك التحبهه شمسويه
روان:شمسويه اني 😢
ساهر:اليوم محمد ابن ابو حسين شايفج واكفه وي واحد وتاكلين بنص الشارع وتتمضحكين 😡
روان:هااا هو...(وتذكرت تحسين 😮)
ساهر:احجي ولج صدك هالحجي
روان:ساكته ودموعي تنزل ومغركه عيوني
سامر:روان حبيبتي احجي لتخافين كولي صدك هالحجي اني متأكد ماكو هيج شيء احجي لتخافين
روان:هوو...اه اه اه 😢😢
ساهر:شووف موووو غلطانه ومتكدر تحجي اليوم اهلج احركهم احجي منو هذا ولج احجي اني تالي عمري يكولولي اختك شفناها وي واحد ولج اليوم اذبحج اليوم متخلصين وراد يلزمني من شعري وكفت وره سامر
سامر:ولك شبيك شهالهمجيه وين عايشين احنه
ساهر:جيبهه يمي وخررر خل اربيهه
سامر:اني متأكد ممسويه شي غلط بس خافت ومتكدر تحجي من وره صوتك العالي
ساهر:وتدافعلهه هم دوخرررررر
ودفع سامر واخذ روان وضربهه راشديات. كام سامر
سامر:وخرر عنهه ودفع ساهر ...ولج روان احجي لتضلين ساكته كولي صدك انتي هيج سويتي ??احجي
روان:هزيت براسي. اي..بس هو..
سامر:شننو بس شنو احجي
ساهر: ها شكلتلك كالت اي بعد شتحجي
سارة:سمعت اصوات وعياط وكعدت فازه اني ماكعد نومي ثقيل بس كعدوني باصواتهم
سارة:هاي شبيكم شكووو باوعوا عليه ومهتموا ورجعوا كملو عياطهم
ساهر:مو كلتلك اختك هاي بعد يحرم عليهه طلعت الشارع ومدرسه ماكو كتبهه هسه احركهن
روان:لااا 😢😢
سامر:مو بكيفك يجي بابا ويقرر
ساهر:بابا راح للقريه مالته بالبصرة يشوف اعمامي وولو كان هو هنا جان سوه مثلي الي راح اسوي
سامر:لا موبكيفك لازم نعرف شكو وشلون بدون منفهم نحكم يالجبير (يالبعير 😡)
سارة:اكلك ليث شكوو
ليث:اختج لاكينهه تمشي وي واحد غيرر
سارة:شنوووو يمته ?
ليث: اليوم غير من رجعتن عالاساس متدرين
سارة:ياااااا تحسين 😮
ساهر لزم روان يريد يضربهه منو هذا احجييي منووووو
روان: بس ابجي وارجف والكلمة ماتطلع مني
والله ماسوييتت شي. اني ....
سارة:ساهر ساهر اسمعني
ساهر:شرفت الثانيه ولي مني لا وياهاا وعلي اكسرجن
سامر:شبيك ساهر تخبلت
سارة:بقوة وصوت عالي وانته منووو حته تسوي هيج باختي وهي ماغلطانه وشنو وتضربهه وبابا مموجود بالبيت
ساهر:ولججججج ساقطه شلووون تحجين وياي هيج وترك روان وراد يلزم سارة وثار سامر كدامهه
سامر:سارة اخوج الجبير شلون هيج تحجي
روان:بس ابجي وماكدر احجي ومتت خوف 😢😰😬
سارة:اخوي الجبير على عيني وراسي بس مو يسوي هيج بدون ميفتهم السالفه
ساهر:حقيرة بدون تربيه تعالي اربيج ياسالفه سالفة اختج ام الولد بصوت عالي
سارة: اني بابا مربيني واعرف تربيتي واختي هم مربايه والولد الي وياهاا ..
ساهر:تكووول الولد الي وياهااا حته اختج اكدت عليج يالمامربايه ويعيط ويتهدد وسامر وليث لازمي
سارة:لاا خل اكمل
سامر:ساهر اسكت خل تحجي شبيك
سارة:الولد الي شايفهه وياه هو تحسين ابن ابو تحسين واحنه اجينه واجه يريد ياخذ اخته واجينه وياه
ساهر:جذاااابه شلون محمد يكول شفتهم وحدهم
سارة:رحت اريد اكبس كتابي وي سجى اخت تحسين (ماكلت سوارات لان يكب عليه ادور كتاب احسن)
وضل هو وي روان حته متضل وحدهه والعالم بنص الشارع
ساهر من سمع هيج هدأ وخصوصاً تحسين ابن جيرانه ونعرفه من زمان وواثقين بي ويعرفوا يحسب عرضه من عرضنه وميقبل علينه وهو صديق ليث وغيث وسامر وابن المنطقه
سامر:هاااا سمعت يالفهيم يالجبير يالعاقل ضربتهه وهي ممسويه شي متخاف من الله انته
ساهر:عفت الخوف من الله الك ..ودار وجهه ع روان وهاي مو معناهه موغلط السويتي شنو توكفين بنص الشارع واذا تحسين ماتستحين. شطولج واكفه وي ولد بعد انتم كبرتوا مو زعاطيط بعد حته حجي متحجين وياه وحته سلام متردين باجر يطلع غير حجي افتهمتي وهاي الكتله تستاهليها وطلع وركع الباب وراه
روان:وكعت بالكاع وابجي😢
سامر:رلايهمج اني اعرف بيج مو غلطانه بس ليش محجيتي مجان خليته يمد ايده عليج بس انتي ليش مدافعتي ليش سكتي 😠
روان:بس ابجي وماكدر احجي 😢
سارة:هي هاي بس تعرفين تبجين
سامر:اخذيهه خل تغسل وترتاح وساهر يجي ابوي والله كريم حسابه بعدين
اخذتني سارة للغرفه واني ارجف غسلتلي ونينمتي عالجربايه وغطتني واني ابجي بحركه. لان موغلطانه
وانضربت على لاشيء ليش لان ماغلطت بس يلا شسوي هو يبقه اخوي الجيبر ويريد مصلحتي ودموعي مااسيطر عليهن ..غفيت من كد ماتعبت من البجي
.......

كعدت بليل الساعه ب2 واحس جسمي منتهي صح هو ضربني بس مو هواي بس احس جسمي مااكدر اشيله الضرب ماله دخل كلبي ديحترك وحرك كل عضو بجسمي لان مجنت غلطانه هو هذا الكاتلني اني مو غلطانه اوووف ياربي ..المهم كمت حته اروح للمطبخ حته اشرب مي احس ريكي يابس نزلت ومن كد مامااكدر ماطلعت صووت واسمع واحد واكف ويحجي بعصبيه بالتلفون
..ولك كلتلك تنجب وتعوف هالسوالف متخاف الله وبعدين اذا صار شي وين نروح من ابوهاا ولك سالفه جبيرة هاي لاتلعب وي هيج ناس انصحك توخر هالسوالف من بالك وتسكت تره تطيحنه بمشكله واني اوكع وياك اني غلطت من البدايه شاركتك. .
روان:هذا منو الديحجي وشنو مشكله وياسوالف
بعدين قطع الاتتصال ومر يااا هذا ساهرر 😳
بس شنو مافهمت حجيه مااعرف شكو يمكن شيء يخص شغله مالي دخل رحت اشرب مي شربت ورجعت اريد انام بس ضل بالي مشغول علساهر ربي يكون وياك ويحميك ويبعد عنك اولاد الحرام.

ساهر راح دخل لغرفته كعد عالجربايه ومرتبك ويهز برجله
اوووف شسوي هسه وي هذا اني شورطني استغفر الله ياربي. وفوكاها خطيه طلعت عصبيتي بـ روان اووف بس الي اشوفه موقليل ماريد اخواتي يمرن بإي شيء مماثل للي اشوفه بلبنات هنا وبحكم شغلي لازم اشوف هيج واني اخاف عليهن اكثر من اي شيء اووف ياربي

ثاني يوم صادف جمعه ومداومت كعدت الصبح بـ9 وسارة جانت نايمه طبيت سبحت وطلعت شفت امي تسوي ريوك كلتلي
شلونج يمه شلون صرتي
روان:الحمد الله
يمه لاتشيلين بكلبج عل اخوج تره هو يحبج ويعزج ويخاف عليج
روان:معلوم يمه بس تره اني مو غلطانه ليش هيج يسوي
يمه وانتي هم بس تبجين وماحجيتي وخليتي يمد ايده عليج
روان:اي جنت خايفه بس يلا يمه الله كريم
ونعم بالله يمه مثل ماكتلج الحقد يخلي كلبج اسود ييمه وانتي كلبج ابيض لاتحقدين يبعد امج
روان:اكيد يمه وعلشنو احقد هو من حقه يخاف عليه وبست راسهه بس كلبي محروك مادري يمكن لان مو غلطانه يالله الله كريم ..
بس ساهر ليش هيج جان عصبي يمكن عنده مشكله بشغله ضل بالي عليه 💬

يتبع......