طريقنا صعب

البارت ١٧

حضَرة الزعلان بيش مزعلـكْ؟
انه المداريك اكثر من هـلك
تِجرح وتقسـي وشغلتي استحملك
شويـه خل احجي الحجي مو بس الـك
بحظك وبختك كلتـلك يوم لا
ومن عرفتكْ صرت خيط بمَغزلك
تـأمر وتنهي وتريد وماتـريد
الحرام الما يحل حللته الـك
المشكلة التعـزة يتعزز عَليك
والتصير ويـا سَهَل يستسَهلك....🖤

*****..*****..*****..*****..*****..*****..*****

قسورة : صعدت فوك لغرفتي ..صفنت يعني الست راح تنخطب وجاي تحجي وياي ...نزلت من عيني فد مرة ...

حيل جان ببالي غير شي وطريقنا راح يكون شي ثاني تماماً بس اذا انتي راح تنخطبين شكو تردين علية ؟ ليش ماحظرتني او دزتلي مسج كالت بي مااريد احجي وياك .. اي شي خلي تكول بس مو تضل تحجي وياي وهيَ حاجيين بموضوعها وداخلة على زواج ! ...

نتهت سالفتج وياي يارزان ...

رحت سبحت وبدلت ملابسي ..

حتى مااكلت ..بساع ردت اطلع من البيت .. 

وصلت للباب صاحت وراي نرجس ..

نرجس : خوية شسالفتك هسة اجيت ..شعندك طالع ؟

قسورة: وشدخلج انتي ؟ امشي دخلي جوة

نرجس: رد علية بنترة ويحجي بصياح!
مايحجي وياي هيج عادةً ..

نرجس: شبيك قسورة ؟ شصاير .. مشكلة بالشغل ؟

قسورة: نرجس ليش تخليني ازعلج ادخلي جوة وخلي اولي ..

نرجس: بساع دخلت جوة مارديت علي ..
دمعت عيوني ...

من يزعلني احد يراضيني هوَ ..

هسة صارت بالعكس شنو.. !

*****..*****..*****..*****..*****..*****..*****

رزان : بعد ماخلصت المكالمة ويا نرجس ..

ماعندي شي اسوي ..

طلعت ملابسي مال مدرسة وضليت البسهن .. هذا الطويل وهذا العريض .. خلي ماما بعدين تسويهن الي ...

اجتي هبة وضلينا نسولف شوية ...

نزلنا لكينا بابا موجود بس شكلة ضايج ..

اني اعرف شي اكيد على سالفتي ...

هبة: ولج شبي بابا ..

رزان: واني شمدريني ..

هبة: هاي الشمدريني مالتج ممرتاحتلها تعالي صعدي وياي ...

رزان: لاصدكي مااعرف

هبة: ولج على اساس ماعرفج اصعدي خلصيني ..

رزان: يبوو  ..
صعدت وراها ..

دخلنا للغرفة وكالت ..

هبة: يلا غردي

رزان: بابا مااعرف