وتوالمنة ،
وخذانه الشوگ يَم كِل باب
يلـ كِلشي حلو بوجهك
طلع لون الگمر چذاب 🖤...
*****..*****..*****..*****..*****..*****..*****
رزان : بساع كتلة ..
انتَ حبيت گبلَ؟ ...
حيل خفت من ردة فعلة بس لايصيح بية ...كال ورا مااخذلة صفنة ...
قسورة : شجاب هذا الموضوع هسة !
رزان : هيج بس احب اعرف .. عادي عادي لتجاوب براحتك .. سويت نفسي اكوم عود اريد اروح ...
قسورة : اكعدي ..
رزان : لا هو سوء الفهم وعرفناه وهسة ماكو مشكلة مو ؟
قسورة: لاماكو مشكلة ..
رزان : اي لعد هاي هيَ خلص ..ولو انتَ مبين بس تريد تروح ..
قسورة : لا !منين تجيبين هلحجي انتي ؟
رزان : مبين ..
قسورة : لامبين ولاشي بس انتي تردين تعرفين اذا حبيت قبل لو لا ...
رزان : اي اريد اعرف ...
قسورة: مااحب احجي بهذا الموضوع ..
بس راح اختصرلج ميخالف ...
اي حبيت مرة وحدة وتجربة فاشلة حيل وتعلمت منها الحمدلله ..
رزان : اي ومجربت تحب بعد ؟
صفن بوجهي وابتسم !
كال ...
قسورة :مدري بعد الله اعلم ..
رزان : اي ادري الله يعرف بس انت همات تعرف ..حبيت بعد او لا ؟
قسورة : وانتي ليش تردين تعرفين ؟
رزان : هيج فضول ..
قسورة : بعدين تعرفين ...
رزان :لااريد هسة اعرف ...
قسورة : لاماحبيت بعدها ولاراح احب ..
رزان : ضوجني مااعرف ليش ..بساع رديت بدون تفكير ...
هههههه الله يسلمك حيل مخلص الها بعدك تحبها ...
قسورة : منو كلج بعدني احبها شبيج بنتي ؟
كتلج ماحبيت بعدها شسوي يعني اجبر روحي احب ؟
رزان : اي اوكي ...
قسورة :ههههههه
رزان :اكو شي يضحك ؟
قسورة : لابس تذكرت فد شغلة ..
رزان :اي كُلي ضحكني وياك ...
قسورة : بعدج تفكرين بية ؟هههههه
رزان : ها ! لايابة منين تجيب هلحجي انت ؟
قسورة : انتي كلتي من چنة ببيتكم ..
