راحة بال

الجزء 03

لميت الحاجات ومشيت غرفتي ورجعتا لسرحاني تاني ......بتذكر في يوم صاحبتا واحد واسمو بسام،،م أنكر.انو بسام د كان لي ابو تاني واخو واخت وكل الناس الفقدتهم💜💜،،كنت كل م ازعل أو اتضايق بمشي ليهو وهو الوحيد الكان بخفف علي وكان عارف عني اي شي،،يعني بإختصار بعد بسام دا انا نفسياتي رجعت احسن من الاول بكتيير..وحتى كمان اهتميت بنفسي وبقيت بعمل ماسكات وحركات ..بس د كلو عشان معنوياتي عاليه وانو بسام جمبي💜💜💜،،وكان عندي نفس لي اني اصلح من نفسي 💙،،تلفوني د م اتذكر انا اخر مره فكيتو من يدي متين..إلا لمن يقطع شحن ولمن اجي انوم..باقي اليوم كلو بكون ماسكاهو ي إما بتكلم معاهو واتس أو مكالمه،،حرفيا ملا لي يومي وعوضني عن حاجات كتيره بي حبو لي واهتمامو ب اقل تفاصيل يومي،،وكلامو معاي وحنيتو وخوفو علي ،،يعني مهما اتكلم م ح اقدر اوفي حق بسام د💜💜💜،،فضلو علي كان كبييير شديييد💜،،وحتى كمان هو الشجعني وقال لي امشي اشتغلي واقري كل يوم سورة البقره ماف زول بقدر.يعمل ليك عمل ولا عين ولا سحر ولا اي شي..وفعلا عملتا القالو لي ونزلتا شغل في محلو..هو اصلا عندو مستشفى بي اسمو وكمان بعالج فيها وكدا..ف بس مسكني الحسابات وكدا وم كان بقصر مني ولا اي شي..💙ومرت سته سنين على حبنا دا وعلى شغلي ف امان الله معاهو💜💜💜،،ف يوم كان عازمني غداء..ف اتفقنا بعد نخلص دوامنا ف المستشفى نطلع نتغدا سوا...وفعلا بعد خلصنا طلعنا،،بقينا ناكل ونتونس وندي وناخد ف الكلام،،بعدها قلتا ليهو عارف ي بسام؟،،قال لي احكي،،قلتا ليهو قبل فتره اتقدمو لي كذا ناس وانا رفضتا بس عشانك،،اها انت م ناوي تعمل خطوه جاده؟،،حسيت بيهو اتوتر كدا وقال لي لالا قريب ان شاء الله،،قلتا ليهو انت المانعك شنو؟؟عندك مستشفى وعربيه ماشاء الله وساكن ف احسن البيوت ووو..الخ ،،قال لي ناهد😂،،قلتا ليك أن شاء الله بنكون معاكم قريب،،قلتا ليهو طيب😂،،بعد أكلنا وصلني البيت..وعلى غير العاده وقف قدام بابنا،،هو كان كل يوم بوصلني بس بقيف لي في نهايه الشارع عشان ماف زول يشوفنا..بس الليلة غريبه وقف لي قدام الباب ،،وحتى كمان بتذكر انو اخوي شافنا..وووببب علينا وسجمنا ووالله يرحمنا😭😂😭💔،،بس حيدر اخوي جا علينا وصاري وشو،،بسام نزل وسلم عليهو،،قام حيدر حمر لي وقال لي خشي جوه،،انا طوالي دخلتا..بعد حكايه ربع ساعه كدا وانا طبعا قلبي ف يدي وقاعده ف غرفتي💔💔،،بس حيدر جا ولز ليك الباب د حسيتو ح يتكسر..جا مسكني من شعري وقال لي د شنو البتعملي فيهو د..ودقاني دق اليوم داك لمن استفرغتا دم(لاحولا ولا قوه الا بالله)بعدها قفل علي باب غرفتي بالطبلة..ومشى رقد نام زي الم حصل شي..وطبعا الوقت داك ابوي كان سافر لي شغل وكدا..وامي ولا هاميها ولا جات قالت لي عملتي شنو ولا اخوك مالو،،ود اكتر شي وجعني💔،،شلتا تلفوني واتصلتا على بسام م برد،،وانا بس بطني واجعاني وببكي من الألم💔💔،،بعد شوية جاتني رساله من بسام كاتب لي فيها" عايني ي بت الناس ..انا م بحبك ولا اي شي ود كلو بس عشان اقضي بيك زمني م اكتر..وبعدين انا متزوج وعندي بت..ف ابعدي مني وربنا يوفقك واعتبري انو بي كدا انتهينا احنا"..طبعا انا ف اللحظه ديك بقيت م بعرف اقرا عربي عديييل من الصدمه💔💔،،حاسه اني بقرا ف الغاز وكلام م مفهوم ..أو انا نظري بقى ضعيف..طوالي اتصلتا عليهو،،رد لي وقال لي نفس الكلام الفي الرساله وقفل الخط💔💔،،قدر م حاولتا اكذب اضاني م قدرتا،،معقولة؟؟؟سته سنين احنا مع بعض وحب يجي يتخلا عني بالبساطة د؟..ياما كان دائما بقول لي انا م لي غيرك وانا م ح اشوف غيرك وانتي كل حياتي وانتي اكسجيني البتنفسو يجي يقول لي انا متزوج؟؟لا وكمان عندو بت؟؟؟،،وجع البطن زاد زياده وجريت فتحتا الشباك الفي غرفتي واستفرغتا دم💔،،وراسي د وجعني شديييد لدرجه اني بقيت بصرخ💔💔،،د كلو وماف واحد من اهلي قال كدي اشوف البت د حيه ولا ميته💔الصداع شقا راسي وبقيت م قادره اتنفس عديل وبشيل نفسي د.بالقوه💔💔،،وببكي بي حرقققه،،يعني انا ضيعتا سته سنين من حياتي ساي كدا؟؟؟،،بسام د كان املي الوحيد.اني اطلع من الحته العايشه فيها د ويريحني..اسي كمان يجي يدوس على قلبي ويمشي كأن شيئاً لمن يكن؟؟،،ياما اتقدمو لي كم وكم وانا برفض وكلهم ناس كويسين ومن أسر كويسه بس انا رافضه أي زول بحجه اني بحب بسام وح استناهو لحد م يدق يابنا💔💔💔،،وحتى كمان امشي شاكلتني وقالت لي زولك د.م راجل لانو لو راجل كان جا دق بابنا ..وبعدين المانعو شنو؟؟،،حتى كمان انا اتشاكلتا مع امي واتحديتها وقلتا ليها بسام ح يجي يتقدم لي،،ضحكت فيني وقالت لي طيب منتظره انا،،،اسسسيي انا لو امي سألتني تاني عنو اقول ليها شنو؟؟؟اقول ليها كلامك صاح طلع م راجل ولا اقول ليها شنو؟؟ ليييي عملتاااا فييييني كدا ي بسااام لييييي😭😭😭😭💔،،عملتا ليك شنو انا عشان تأذيني بالطريقه د💔💔💔،،م كفايه الأنا عشتو قبل م اعرفك ؟؟عشان تجي انت تزيد الطين بله؟؟😭😭،،وحالتك عارف عني اي شي ومال لو م كنت عارف كنت ح تكسرني كيف؟؟💔😭😭😭😭،،اسي ضميرك د.مرتاح؟؟ح تنوم مرتاح كدا؟؟وريييييني ح تمشي من ربنا وييين😭😭😭💔💔انت سبب كسرتي د وسبب وجعي د كلو💔💔،،استحملتا كتيييير وبلعتا كتيير عشانك عشان انت قاعد وح تهديني وتزح لي زعلي،،عشان عارفاك ح تسندني لو وقعتا،،طيب طيب حاليا ح يسندني منو؟؟💔💔💔💔،،انت عارف انا م لي غيرك ي بسااام حراااممم عليك والله 😭😭😭💔،،بقيت ببكي كل يوم بالطريقه د واتنهد💔💔لا بأكل ولا بشرب،،واصلا ماف زول بجيب لي اكل زاتو،،بس حيدر فكا الطبلة من الباب وخلاني كدا💔💔💔،،لي يعني اهلي ديل قاسييين كدا💔💔لي م عندهم رحمه كدا💔لي بعاملوني كدا💔💔م بتهم انا؟؟انا م بتهم؟؟💔💔عملتا شنو ف الدنيا د ي رب عشان تعاقبني كدا😭😭😭😭،،والله انا م مقصره لا ف صلاة ولا صوم ولا اي ركن من أركان العباده لي طييب بحصل لي د.كلو😭😭😭😭💔💔💔بعد الحصل لي من بسام د.انا اتغيرتا 360درجه..بقيت زوله تانيه وشخصيه تانيه .وحتى كمان مشيت قدمتا استقالتي من الشغل تبعو،،ولا كلف نفسو يعاين لي حتى وقال لي استقالتك مقبوله وفرصه سيعده واتفضلي،،اتخيلو بهذا الاسلوب💔،،م قادره اصدق انو د بسام اللي بحبني اللي بخاف على زعلي واللي عامل الف حساب ف كل تصرف بطلع منو عشان م يأذيني💔💔،،اللي ساعي على ضحكتي..واللي م برضى فيني؟؟د هوو؟؟؟؟اكيد لاا د واحد تاني والله،،م ممكن الإنسان يتغير دفعه واحده كدا💔💔عشتا أيام صعبه صعبه شدييييد ف حياتي د💔💔مرت سنتين وانا بحاول اتجاوز بسام د💔والحمدلله قدرتا غايتو لانو شغلتا نفسي بحاجات تانيه وطورتا من نفسي وقريت كتب وحتى كمان عملتا ماجستير في ادارة اعمال،،،وبقيت شبه متماسكة 💙،،ود كلووووو ماف واحد من اهلي قال ناهد د الايام د.مالا متغيره كدا،،ولا الحاصل عليها شنوبس بنادوني للاكل وي ناهد تعالي سوي الشاي وتعالي نضفي البيت ،،وتعالي اعملي عصير لي اخوك وتعالي سوي القهوه لي أصحاب اخوك،،وتعالي غسيلي الهدوم،،وتعالي لمي صينية الاكل ،،وتعالي غسلي العده وتعالي قدمي البارد.للضيوف.. بسسس د الوقت البعرفو فيهو ناهد..في يوم امي جاتني قالت لي ناس خالتك.ديل جايين..قلتا ليها طيب..مشيت نضفتا البيت ولمعتو وعملتا البخور ومشيت استحميت وغيرتا هدومي..لقيت امي بتعمل ف الشاي وطلعت الكيكه من الفرن..قالت لي لمن يجو قدمي ليهم ديل..قلتا ليها طيب .وبعد مسافه كدا الجرس دقا واخوي فتحو((ابوي الفتره الفاتت كان قاعد لكن تاني سافر لي شغل وبقعد ع الأقل سنه قال))جو داخلين ناس خالتي((خالتي اخت امي وعندها ولدين بس وابوهم ميت))صلحتا طرحتي ومشيت سلمتا عليهم..بعدها امي جات وسلمت عليهم ((وانا شبه تعاملي مع امي وحيدر رجع زي زمان))..مشيت المطبخ وعملتا ليهم العصير ووديتو..بعد.مسااافه كدا مشيت سخنتا الشاي وختيت الكيك ووديتو ليهم..وبقيت بتونس معاهم ونشيل وندي وناخد ف الكلام..بعدها خالتي قالت لي امي والله حازم(ولدها)،،د قال عايز يبيت معاكم وكدا لانو طوول منكم،،امي قالت ليها اجي ي رقيه؟؟من متين بتستأذني؟؟طوالي خليهو يبيت ،،البيت ييتك ي ولدي،،قال ليها تسلمي ي خالتي م انعدم منك..(ولدها التاني اسمو عبدالله)اها خالتي مشت ومعاها عبدالله وحازم قاعد معانا..طبعا حازم د عندي معاهو قصه براو..بعمل لي حركات كدا م ياها وطبعا هو اكبر مني ،،تقريبا قدر حيدر اخوي،،ف بس عندو قلة ادب بعرفا براو..ف انا طوالي شلتا رجولي وعلى غرفتي..في اقل من ربع ساعه انا نمتا..بس تاني احس ليك بي صوت باب غرفتي قفل وفي زول واقف قدامي،،طبعا عندي نور صغير جمبي طوالي فتحتو واذا القى ليك حازم💔((طبعا د كلها ذكريات بتتذكر فيها ناهد حاليا من لحظه قالت لميت الحاجات ودخلتا غرفتي ورجعتا لسرحاني تاني🌚،،عرفتو؟؟يعني د م حاصل حاليا..د حاجات بتتذكر فيها ناهد ف الماضي))

#اقتباس..

 ‏"الخصوصية قوة ، فالناس لا يمكن أن يُفسدوا شيئاً لا يعرفونه" .👌💙

يتبع.....