لمن سمعتا جملتها د لساني اتشلا،،،هي بقت تقول الوووو ،،،الوووو،،ناهد،،،ع العموم يا ناهد انا رجعتا الخرطوم وساكنه ف (...)،،،تعالي لي محتاجاك وقفلت الخط..التلفون وقع من يدي وبالجد انا مصدومه،،هي عايزه مني شنو تاني؟؟،،عايزه بي شنوو تاني بعد م طردتني واتخلت عني؟،،عايزه بي شنو تاني بعد. العانيتو د كلو بسببها؟💔،،بعد م كسرتني💔،،خالد بقى يهز فيني. وقال لي د.منو؟،،وامي جات من المطبخ وأحمد بقى واقف قدامي وكلهم مخلوعين،،ومفتكرين انو.واحد من الاهل حصل ليهو شي،،،احمد مشى جاب لي موية وانا بعد تعب حتى قدرتا ابلع الموية،،مرت قريب نص ساعه وهم بسألو فيني ومتحيرين وأحمد شال تلفوني واتصل ع الرقم لقاهو مقفول،،،امي ادتني كف ،،ي داب حتى وعيت واتذكرتا الحصل،،،بقيت ببكي💔💔،،احمد مسك وشي بيدو وبقى يمسح لي دموعي،، وقال لي تسنيم،،م توتريني مالك عليك الله؟؟،،د.منو الاتصل عليك د؟،،قلتا ليهو بصوت مبحوح،،امي خديجه💔،،،طبعا كلهم اتصدمو وبقو بعاينو لي بعض،،امي قالت لي مالا المره المنحوسه د عايزه شنو تاني؟،،قلتا ليها م عارفه بس انا لازم امشي ليها،،خالد قال لي بتهظري؟،،لو بتهظري قولي لي عشان م اديك كف،،،احمد قال ليهو بحده خالد!،،خلينا نفهم ياخ،،،قام عاين لي وقال لي عاايزه تمشي ليها ليه؟؟،،قمتا اخدتا نفس طوييييل،،وقلتا ليهو لي فتره بحلم بي مره وفي زول بضرب فيها والمره د بتكورك وبتقول لي اعفي لي يا ناهد ،،انا محتاجاك تعالي لي،،،ف انا م عرفتا المره د منو،،وكل مره بقوم من النوم مخلوعه،،واسي لمن ضربت لي امي خديجه وقالت لي محتاجاك إتاكدته انو د هي،،مهما كان هي امي الربتني وم بقدر أنكر جميلها علي د،،ف لازم امشي ليها وأشوفها مالا،،،امي قالت لي م تمشي ي بتي خايفه تحصل ليك شي ويكون د مقلب منها ساي،،قلتا ليها م بحصل لي شي أن شاء الله،،أحمد قال لي امشي البسي ليك عبايه سريع انا برجاك ف العربية،،خالد قال ليهو خليني انا بوديها انت اقعد. مع امي،،احمد قال ليهو لالا لازم امشي معاها ،،انت انا م بضمنك،،عصبي شديد وأقل شي بتنفعل،،انا لبستا سريع سريع وطلعتا وامي قالت لي خلي بالك من نفسك كويس وركزي م تقعي ف اي فخ،،قلتا ليها طيب،،خالد قال لي لو حصلت ليكم شي اضربي لي ،،،قلتا ليهو أن شاء الله،،طلعتا لي احمد برا ولقيتو مستنيني ف العربية،،ركبتا معاهو ووصفتا ليهو البيت ع حسب م وصفت لي امي خديجه،،((اكيد ح اقول ليها امي م هي ف النهايه ربتني وكبرتني واكلتني وشربتني وقرتني لحد م اتخرجتا،،يعني مهما كان فضايلها علي كتيره وم ممكن انسى ليها د كلو ))بقينا ماشين ف سكات وانا قلبي د قابضني شديد ،،لمن وصلنا نزلتا ونزل معاي احمد،،دقينا الباب ،،بالجد كنت خايفه شديد لدرجه دقات قلبي د حاسه بيها مسمعا الحلة كلها،،احمد مسكني من يدي قوي وقال لي مالك خايفه؟،،اطمني ماف شي طالما انا معاك..((انا معاي منو؟؟،،هااا؟؟ انا معاي منو؟😔))بقينا ندق ف الباب لحد م سمعنا صوت زول بقول جاي جاي ،،وم الساعه الباب فتح القى ليك حيدر😳،،بقى بعاين لينا مسااافه وركز علي شديد،،تلقائيا لقيت دموعي نازلة،،مشيت عليهو وقلتا ليهو حيدر💔،،،انا ناهد تتذكرني؟،،طوالي حضني وبقينا نبكي💔💔،،بالجد.الموقف كان ببكي شديد لدرجه انو احمد دمع ،،،قلتا ليهو كيفك انت وكيف امي؟،،قال لي امي المرض انتهى منها،،قلتا ليهو سجمي مرض شنو؟،،قال لي خشي ليها جوه،،حيدر ي داب انتبه لي احمد وسلم عليهو،،احمد قال ليهو اخو ناهد انا،،حيدر قال ليهو ايوا اتشرفنا ي ابو الشباب اتفضل،،دخلنا جوه وقعدنا ف الصاله،،البيت كان عادي شديد وم بشبه البيت الكنا قاعدين فيهو زمان،،يعني حق زمان أرحم،،بعد شوية جات مره كدا وسلمت علي وقالت لي كيفك ي بتي أن شاء الله كويسه،،قلتا ليها كويسه يا خالتي ،،قالت لي بقيتي تقولي لي يا خالتي 😂،،قلتا ليها منو انتي؟،،قالت لي اجييي؟ انا خديجه ،،،طبعا كلمه صدمه د.علي شوية،،انا لمن قلبي دقا من الخلعه،،بقت كبييييرهه شدييييد ووشها كلو تجاعيد وعيونها واقعه وضعيييفه ضعييييفه شدييد عصايه ماشى ،،،وحالتها مبالغه،،انا كنت قايلاها وحده من جارات امي ولا اي زول بتعرفو بس طلعت د هي زاتا💔💔،،،مشيت قعدتا جنبها وانا بالجد مصدومه شديد وقعدتا ابكي فيها جنس بكى،،هي زاتها بكت،،قالت لي اعفي لي يا بتي عليك الله أعفي لي،،شوفي بسبب سكاتي عن البحصل ليك د وعشان كسرتك وطردتك وخليتك تايهه وف وقت انتي كنتي محتاجه لي فيهو،،الله ابتلاني بي مرض خبيث وشكلو كدا نهايتي قربت،،وانا م عايزه اموت وانتي م عافيه لي عليك الله أعفي لي،،والله انا الليل كلو ادعي واقرا قران بس عشان الاقيك واطلب منك العفو،،ورسلتا حيدر د كتييير لأي زول عشان يسأل منك،،ومشينا ناس عماتك م لقيناهم وسألنا الجيران قالو قاعدين ف السجن ووصفو لينا،،ومشينا ليهم ف السجن وحكو. لي القصه وقالو انتي السجنتيهم،،وحتى كمان مشيت للضابط وقلتا ليهو عندك رقم ناهد؟،،قال لي م عندي ،،قلتا ليهو طيب عندك رقم الزول الاتصل ليك عشان تجي تقبض ديل؟،،قال لي والله م اظن سجلتو لكن بشوفو ليك،،بقى يبحث ف التلفون وانا بس بدعي انو يلقاهو،،وفعلا لقاهو وإتصل فيهو واداني اتكلم،،كان ولد شاب كدا وقال اسمو مهاب،،قلتا ليهو عايزه رقم ناهد،،بس أداني ليهو بعد م اتضطريت اني احكي ليهو القصه،،،وبعدها اتصلتا عليك عشان تجيني وانا للان الفرحه م سايعاني،،ربنا يحفظك ي بتي بس أعفي لي،،قلتا ليها يمه،،انتي مهما عملتي لي وسويتي لي انتي ح تفضلي امي الربتني،،وح اشيلك جوه عيوني،،وعافيه ليك والله دنيا واخرى،،،واسي د البسي ارح المستشفى ويفحصو ليك ويقومو ليك بالعلاج،،وم تخافي كل شي علينا احنا انتي بس قوي ايمانك واصبري مع المرض وان شاء الله ح تتعاقي💜،،بقت تبكي وقالت لي والله خجلانه منك ي بتي،،،قلتا ليها م تخجلي مني ي امي انا بتك ناهد معقولة بس💜،،حيدر اتحسس من الموقف وطلع برا،،احمد لحقو ولقاهو قاعد ف السرير حق الحوش،،احمد قعد جمبو،،وختا يدو ف كتفو،،وقال ليهو عادي ي حبيبنا م بيناتنا وناهد د للان اختك م اتغير شي..وربنا يقوم خالتي بالسلامه💜،،،حيدر قال ليهو امين ي رب،،بس انا قدر م اشتغلتا وقدر م سافرتا برا لي شغل بس نهائي م بتوفق ف شغلي،،،وانا عارف نفسي غلطتا على ناهد كتيير شديد وعايز اطلب منها العفو بس والله خجلان زاتي ،،م عندي عين اتكلم بيها💔،،احمد قال ليهو صح ناهد عانت شديد ف حياتها د إلا انو قلبها ابيض والله وبتحب الناس كلها وم بتحب زول يكون زعلان منها،،متأكد ح تسامحك م انتو ف النهايه اخوان،،امشي اعتزر ليها،،حيدر بعد تردد وترجيات من احمد حتى قال ليهو طيب..وفعلا جاني جوه وقعد تحت رجولي،،وقال لي اعملي فيني العايزاهو اضربيني كفتيني اعملي اي شي بس أعفي لي وانا بالجد متأسف على أي لحظه كسرتك فيها💔،،قلتا ليهو حيدر قوم،،م صح البتعمل فيهو د احنا اخوان ،،قوم قوم والله عافيه ليك💜،،حيدر قام على حيلو وحضني وباس راسي 💜((المسامح كريم..خلي نييتك بيضه وسامح اي زول أذاك ف يوم ،،وخليك متيقن انوو ربنا م بخليهو نهائي،،اسي شوفو حيدر وخديجه حصل ليهم شنو وبقو يطلبو من ناهد العفو،،ربنا د م بظلم زول نهائي وبجيب ليك حقك حتى ولو كان م بستاهل زاتو،،المهم انو يرضيك💜💜))امي لبست توب وطلعنا كلنا ع العربية ومشينا المستشفى،،طلع عندها سرطان ف الرحم ومنتهي منها شديد،،،كلمتا احمد وقلتا ليهو خليهم يستأصلو ليها الرحم بس،،قال لي اايي اصلا ح يعملو كدا واسي ح تقعد ف المستشفى والعملية بكره،،فعلا رقدوها ف غرفه وبقينا قاعدين معاها،،قالت لي ناهد احتمال م اطلع حيه بعد العميلة،،لو متا م تنسيني من الدعوات وانا بريدك والله ،،صح انتي م من بطني بس بريدك زي كأنك بتي والله💜،،،قلتا ليها يمه وانا كمان بريدك💜+م تقولي كدا ربنا يطول عمرك💜اتصلتا على امي اشراقه وفهمتها الحاصل وقالت لي بجيكم مع خالد،،قلتا ليها طيب..بقينا قاعدين مع امي خديجه ونتونس وأحمد بتعاور عشان يضحكهم شوية😂،،وفعلا بقو يضحكو 😂💜،،ناس امي وخالد جو وامي جابت معاها حلة كبيرة فيها دمعه جداد ،،وسلمت على امي خديجه وقالت ليها ربنا يكتب سلامتك،،قالت ليها الله يسلمك،،امي اشراقه قالت ليها طبعا انا ام تسنيم،،امي خديجه قالت ليها تسنيم؟؟،،قلتا ليها اايي هم اصلا مسميني تسنيم💜😂،،قالت لي ايوااا خلاص تاني بقول ليك تسنيم😂،،،قلتا ليها طوالي 😂،،امي اشراقه بقت تتونس مع امي خديجه،،وشبه حبو بعض💜،،وخالد وأحمد وحيدر بقو بتونسو سوا وانا بتأمل فيهم💜،،قعدنا معاهم لحد المساء وبعدها امي اشراقه قالت لي امشي البيت انا ببيت معاها،،قلتا ليها ي حجه؟؟جادهه؟من متين😂😂😂😂،،قالت لي ي بت امشي م عايزه معاك قلة ادب😂،،قلتا ليها طيب،قالت لي سوقي معاك احمد د عشان من الصباح كان معاك ،،وبكره لمن تجو اعملي اكل كتير وخلي الشغاله تنضف البيت قلتا ليها طيب..تأمري انتي..فعلا انا وأحمد رجعنا البيت،،ومشيت استحميت وغيرتا هدومي ولبستا لي بجامه،،وقلتا بكره ح أكسل اني اصحى بدري. واعمل اكل أحسن أعملو من هسى وبكره بس أسخنو،،فعلا عملتا سلطه اسود وعملتا دمعه بطاطس،،وسلطة بدكوة كتيره ودمعه جداد تاني وعملتا سلطة جزر😂💜🔥،،،طبعا د الحاجات البتحبها امي خديجه شديييد بس للاسف م ح تقدر تأكل لانو ح تكون طالعه من العملية وم صح تاكل طوالي إلا بعد اربعه وعشرين ساعه تقريبا..دخلتهم التلاجه وقلتا بكره اجي أسخن بس،،وعملتا لي بيض وظبطتا فول زي الفول💃💜،،وختيت جنبه و زيتون،،وناديت احمد عشان نتعشى،،قال لي الفول رهيب😂🔥،،قلتا ليهو انت الأرهب💃💜،،،قال لي والله نعسان وتعبان تعب،،قلتا ليهو م بتحلقني😔،،بعد أكلنا لميت الصحانه والشغاله غسلتهم،،قلتا ليها عايني ي رومانه بكره من الصباح نضفي بيت د تمااااام كويس؟،،هزت لي راسها وقالت لي كويس،،مشيت غرفتي وفتحتا المكيف ورقدتا نمتا والله تعبانه تعب😔💜تاني يوم صحاني المنبه العملتو ف تلفوني بدري،،،قمتا عملتا حاجاتي الروتينيه ومشيت صحيت احمد عشان نفطر ونطلع طوالي،،احمد لكن عذبتي عذاااب ابا يصحى لي بالساهل كلو كلو😭،،ف النهايه صحى وخليتو دخل الحمام،،مشيت عملتا الفطور وسخنتا الاكل العايزة اشيلو وختيتو ف العمود،،فطرنا اول حتى شربنا الشاي عشان لو شربنا الشاي اول ح.يحمينا الفطور،،،بعد اكلنا الشغاله جات لمت الصحانه وغسلتها ،،،بعدها مشيت طلعتا هدومي وكنت لابسه اسكيرت اسود ومعاهو قميص لونو زيتي ولبستا معاهو طرحه عنابيه،،كنت محتاره البس معاهو طرحه منقاوية ولا عنايية،،بس ف الآخر شلتا العنابيه😂،،،ولبستا شبط اسود،، مشيت شلتا لي شنطه حجمها وسط كدا لونها اسود ،،ختيت فيها هدوم لي خالد وشلتا من حقات خالد تاني لي حيدر وشلتا لي امي عبايه عشان التوب ح يعيق حركتها وشلتا ليها قميص هزاز مريح عشان تلبسو بتحت العباية،،،وشلتا لي خديجه امي من قمصاني انا حقت الهزاز وشلتا ليها عبايه مني،،لانو حقت امي اشراقه د م قدرها😂،،،بعدها نزلتا تحت عشان اشيل العمود،،لقيت احمد واقف قدام المراية الفي الصاله،،كان لابس بنطلون جينز اسود ومعاهو تشيرت اسود بس اكمامو طويلة،،اسود×اسود كان زابط شديد معاهو💜💜،،قلتا ليهو منور يا وجيه انت😉💜💜،،،قال لي بنورك يحلوه انتي😉💛،،قعدتا اضحك وشلتا العمود ووصيت الشغاله تنضف البيت وطلعنا...وصلنا المستشفى ولقيناهم قاعدين برا قدام للغرفه،،قلتا ليهم لي قاعدين برا؟،،امي اشراقه قالت لي دخلوها العملية خلاص،،في القسم التاني واحنا قعدنا هنا،،،قلتا ليها ايواا ربنا يطلعها بالسلامه بس💔💜،،قالت لي م تخافي مدام السرطان ف الرحم وبطلعوهو،،الحمدلله الم جا ف حته صعبه،،قلتا ليها اي الحمدلله،،يلا هاك جبتا ليك عبايه ومعاها قميص هزاز تلبسيهو بتحت،،وجبتا لي امي خديجه برضو عبايه وقميص من حقاتي،،وجبتا لي خالد وحيدر،،امي اشراقه قالت لي عاد م خليتي شي تسلمي يا ست البنات💜،،قلتا ليها الله يسلمك يا امي💜،،اديتهم كلهم غياراتهم ومشو الحمامات حقت المستشفى وغيرو وجو،،،ف المسافه د فتحتا العمود ورسلتا احمد يجيب عيش،،وف خمس دقائق جا وشايل الكيس قال لي لقيت بتاع دكان جمب المستشفى عندو عيش حااار كمان😂،،قلتا ليهو كويس والله،،م تعبتا زاتو😂،،رصيت العيش جمب العمود وجبنا كراسي زيادة ،،،لمن ديك جو قلتا ليهم تعالو افطرو يلا،،اصلا امي خديجه لمن تطلع من العملية م بأكلوها طوالي إلا بعد اربعه وعشرين ساعه،،،أكلو انتو،،المهم قعدو ياكلو،،وخالد يشيل ويشكر ف اكلي😂💜،،،حيدر قال ليهو والله زمان كنا جاحدين النعمه،،كانت طوالي بتعمل لينا اكل واحنا بنشوفو عادي ومرات مسيخ،،بس تاني والله اكتشفتا انوو ماف طباخه احسن منها،،قلتا ليهو عيد كلامك د تاني ي حيدر خلي احمد يسمعك😂،،احمد قال لي بكسرو ليك تلج ساي م تتغشي ي عويرة😂،،امي قالت ليهو ههه انت اكتر زول بحب اكلها د،،،خالد قال ليها هو ف غيرو قعد ياكل اصلا؟،،😂،،قلتا لي احمد امبارح الفول كيف؟😉وانا شايفه أحسن تعترف لانو ديل عايزين يطلعوك أكال😂،،،،المهم الونسه طالت بيناتنا وبنضحك ومبسوطين،،وم شايلين هم امي خديجه،،عندنا احساس انها ح تبقى كويسه بإذن الله،،بعد ساعتين الدكتور طلع ومشينا ليهو،،قال لينا مبروك ليكم العملية نجحت وتم إستئصال الرحم بنجاح،،،واسي هي كويسه بس خلونا نحولها غرفه تانيه لكن م اسي المساء كدا عشان نطمئن انها كويسه وفتحت عيونها لانو اسي هي تحت تأثير البنج ،،فرحنا فرح اللحظه ديك وامي اشراقه فكت الزغرودته ف المستشفى خلت الناس د كلها تعاين لينا😂،،احمد قال مستحيل انا امشي حته وم نتفضح فيها،،يا من امي يا من تسنيم واحد فيهم🙂،،بقيت بضحك وقلتا ليهو فرحانين ياخ😂💜،،ومشيت عليهو وعيوني رغرغو من الفرح وقعدتا ابكي،،قال لي اها اها قمنا على العواره؟،،الببكي شنو اسي،،حمدلله الطلعت بالسلامه وم عندها شي م تبكي💜💜،،ع الرغم البكى البكيناهو انا وامي اشراقه وحيدر بس الجو كان مفرح شديييد💜ناس امي بعد الفطور مشو البيت رقدو شوية وجو المغرب كدا،،انا وأحمد بس الكنا ف المستشفى،،كلهم مشو البيت بي حيدر،،بقيت بفكر انوو امي خديجه لمن تطلع ح تقعد وين؟،،انا متاكده انو بيتهم القاعدين فيهو د حق ايجار م حقهم مِلك،،وامي د كبرت ومحتاجه عنايه يعني م ينفع تقعد براها وحتى حيدر م ح يقدر يعمل ليها اي شي وزياده ع انو هو شغال،،ح يعمل شنو ويخلي شنو،،،بقيت بفكر وماف حل غير انو يسكنو معانا بس ي ربي امي اشراقه واخواني ح يوافقو؟💔💔المساء جا وحولوها الغرفه التانيه وحتى كمان فتحت عيونها ،،ومشينا ليها كلنا وكانت مبسوطه شديد وقالت هي كويسه 💜💜💜،،،بالجد فرحنا شديد وحيدر د قعد يبكي جمبها💜،،بقينا نهدي فيهم وحتى انا زاتي بكيت والله،،الحمدلله الحمدلله ي رب انها طلعت كويسه💜الدكتور قال لينا ح تطلع بكرا الصباح م عندها شي تاني بقت كويسه بس عشان نتأكد ع كالتها ح نطلعها الصباح،،قلنا ليهو تمام ،،قمتا ناديت امي اشراقه وقلتا ليها ثواني عايزاك برا،،مشينا برا وقالت لي مالك؟،،قلتا ليها امي عايزه اقول ليك د،،بس م تزعلي مني،،قالت لي بسم الله ف شنو؟،،كدي قولي!،،قلتا ليها امي خديجه د محتاجه عنايه وم ينفع تقعد براها وحتى حيدر م ح يعمل ليها كل شي وبالاضافه ل....قاطعتني وقالت لي ي بت تقعد وين ؟،،ف بيتها داك؟،،لالا ح تمشي معانا ومن يوم الليلة ح تكون معانا ف البيت وح نفضي ليها غرفه كامله ولي حيدر برضو،،م تخافي ي بت انا زاتي حبيتها والله شديد ومره طيبه ود غير انو هي باعتبارها امك برضو فلازم أكرمها💜💜،،بالجد ف اللحظه ديك م عرفتا اقول ليها شنو ،،بقيت ببكي فيها،،قلتا ليها الله يخليك لي يا امي والله انتي اكتر زول طيب لاقاني💜،،بس ي امي خالد واحمد ح يوافقو،،قالت لي اكيد واصلا هم القالو لي كدا😂،،قلتا ليها بالجد؟،،يعني كلكم موافقين؟،،قالت لي اايي💜،،قلتا ليها ربنا م يحرمني منكم بس والله😭💜تاني يوم الصباح حممتا امي خديجه ولبستها وطلعنا،،قالت لينا شكرا ليكم يا جماعه والله خجلانه منكم م عارفه اقول ليكم شنو،،امي اشراقه قالت ليها معقولة يا خديجه م بيناتنا احنا بقينا أهل،،قلتا ليها امي انتي اسي ح تمشي بيتك عشان نلم حاجاتك وحاجات حيدر وح تسكنو معانا هناك ،،،امي خديجه قالت لي لالا عاد د كلام شنو د،،،امي اشراقه قالت ليها لالاالااا مافي كلام ي خديجه بس تلمي هدومك وارحكي هناك اقعدي معانا ي مره انتي وراك شنو🌚،،،خالد.قال ليها والله احنا فرحانين بيك شديد وب حيدر برضو،،حيدر قال ليهو والله انا كمان مبسوط بيكم وحظها تسنيم عندها اخوان زيكم،،قلتا ليهو شنو ي حيدر؟،انتي م اخوي ولا شنو؟،،احمد قال ليهو انت زاتك اخونا يا زول ماف فرق💜💜،،امي خديجه كانت معارضه شديد وحيدر برضو عارض على موضوع انوو يقعدو معانا،،بس بعد تعب وتحانيس وحتى رضو،،المهم مشينا بيتهم ولمينا حاجاتهم،،كلها وقفلو الباب ومشو لسيد البيت سلموهو المفتاح وطلعنا،،كنت فرحانه شدييييد انو اهلي الاتنين اتلمو تاني💜💜وصلنا البيت لقينا الشغاله نضفت البيت تماااام ومبخراهو كمان،،امي خديجه قالت عاد تمام والله بيت زي البيت ماشاء الله عيني بارده،،امي اشراقه قالت ليها الله م ضراك +البيت نور بيكم والله،،،امي اشراقه ساقت امي خديجه وورتها غرفتها واصلا الشغاله كانت مرتباها ليها ونضفتها،،وخالد ساق حيدر ووراهو غرفتو،،وقال ليهو انت قاري شنو؟،،قال ليهو هندسه حاسوب،،خالد قال ليهو من يوم بكره تنزل معانا شغل ف الشركه،،حيدر قال ليهو عندكم شركه والله ماشاء الله،،لكن ياخ م عايز خليني ف شغ...خالد قاطعو وقال ليهو انا م بستأذنك انا بوريك الح يحصل بس🌚💜،،حيدر قال ليهو خلاص كويس😂،،وبقو قاعدين مع حيدر برتبو ليهو ف هدومو وانا مشيت رتبتا لي امي خديجه هدومها وإمي اشراقه. بتعمل ف الاكل،،بعد خلصنا مشينا أكلنا واي زول ع غرفتو ورقدنا نمنا😂💜المساء كدا كنا قاعدين كلنا ف الصاله وفاتحين الكوره ،،((امي اشراقه عادي بتلبس قمصان ف البيت ومع حيدر بإعتبار هو ولدها برضو وعمىو قريب ل خالد،،وامي خديجه لسه م اتعودت على خالد واحمد لكن بتتعود😂))،،وانا اصلا ما فارق معاي😂،،كلهم اخواني...الكوره كانت مولعه شديد بين بارميونغ و جوفنتوس...والاولاد مركزين شديد،،وانا زاتي مركزه معاهم ،،،وامي اشراقه وامي خديجه قاعدين بتونسو وف عالم تاني ويشيلو ويضحكو😂💜💜بعدها امي اشراقه قالت لينا يوم الجمعه عاملين كرامه ليها ونعرفها على الاهل برضو ،،قلتا ليها فكره حلوه..امي خديجه قالت لينا م عايزه اجيب ليكم مشاكل خايفه م يتقبلوني،،احمد قال ليها بالعكس ظريفين والله ح يتقبلوك وهم اصلا بحبو الناس والونسه شديد#جا يوم الجمعه والاسبوع داك كلو م حصل فيهو شي جديد غير انوو حيدر نزل الشغل ف الشركه من ناس خالد والجماعه كلهم...وانا وامي مشينا السوق واشترينا ليهم السوق كلو ،،هدوم وحزم وحاجات كتيره😂😂💜،،،،المهم جا يوم الجمعه وبقينا نجهز والناس بدت تجي وامي خديجه كانت خايفه م يتقبلوها أو يحسسوها ب حاجه،،بس ويييين كلهم سلمو عليها بالاحضان ويا ام ناهد ويا ام ناهد😂😂😂💛كانو مبسوطين بيها شديد وخالاتي برضو قعدو واتونسو معاها،،وهي زاتا فرحت شديد لمن لقتهم متقبلنها وظريفين،،وحيدر برضو مسكوهو ليك ناس مهاب ومؤمن ومجاهد وباسل المجانين ديل بقوهو مجنون زياده😂😂،،مشيت لي مهاب وقلتا ليهو ابو مواهب،،مشتاقون ياخ😂💛،،قال لي بالاكتر ي زولتي +ابو مواهب د شنو؟،،عندي بت وانا م عارف؟،،قلتا ليهو اسمك مهاب،،وجايه من الموهبه وقلتا ادلعك بأبو مواهب🌚💜،،بقى بعاين لي كدا🌚،،قال لي فلسفتك د ياها البتضيعك،،قلتا ليهو كيف؟،،قام رفع حاجبو وقال لي عايزه تعرفي؟،،قلتا ليهو ااي😂،،قال لي طيب مدام انا ابو مواهب رايك شنو تبقى انتي ام مواهب،،كيف وكيف؟😉،،قلتا ليهو كيف يعني؟،،قال لي امشي انتي هطلة ساي بفهمك ف وقت تاني ،،،قلتا ليهو طيب طيب،،عايزه اسألك انت اديت رقمي لي امي خديجه صح؟،،بتدي رقمي للناس ساي؟😒،،قال لي انا عارفها انو د امك بعد م حكت لي القصه،،واديتو ليها عشان تتلاقو ،،ولا اقول ليك كلام؟؟اسي د امشي اقول ليها ارجعي تسنيم م عايزاك،،وكان متحرك جدجد،،وقفتو وقلتا ليهو هيييي بهزر ياخ😂😂😂،،قال لي كلبه 😂الكرامه كانت فطور،،بقينا نشيل ونخت ونرص ف السفره ويجو الاولاد يشيلو وينقلو برا السفره حقتهم،،بعد خلصنا من موضوع الفطوره بقينا ف التحلية،،وطبعا عملتها انا💃💜،،وبعدها بقينا ف الشاي،،اتلمينا كلنا ف الحديقه برا،،ربا قالت لينا ارحكم نضرب لسجم انجم د،،وفعلا ضربت ليها بالإيمو،،قالت ليها البايرة لمن يعرسوها بتنسى اسمها قالو وبتعمل اسم جديد تبع الدبلة وكدا،،انجم قعدت تضحك وقالت ليها يا زولة انا طول حياتي د معاهم وكرهتوني واسي انا ف مدريد عليك الله خلوني استمتع ،،اصلا جاياكم جاياكم 😂😂😂،،قلتا ليها انجم الكعبه والله مشتاقين ،،بقت تصرخ ف التلفون وسلمت علي،،وقالت لي متجمعين ولا شنو،،قلتا ليها اايي قالت لي بمناسبه شنو ولا ماف شي؟،،قمتا حكيت ليها اي شي،،قالت اي ايوااا حلو ياخ بركه الجبتوهم هنا،،اديني اسلم عليهم،،اديتها تسلم علي امي خديجه وحيدر،،وقلتا ليهم د انجم اختي،،وبعدها امي اشراقه شالت التلفون وبقت تتونس مع انجم...بعد مده طويلة من الونسه والضحك والغناء وك العادة مجاهد جايب معاهو جيتارو،،والمره د.غنا لينا باسل،،غايتو صوتو مستور بس خلوهو🌚💜،،،احمد قال لينا مدام احنا ف مناسبه سعيده وكدا عندي كلام عايز اقولو،،الشباب كلهم قالو ليه عايز تعرس،،عايز تعرس نوران😂😂،،نوران غايتو خجلت،،اختها نور قالت ليها لالا م اتعرفنا بالخجل😂،،احمد قال ليهم بالضبط كدا عايز اعرس نوران😂💜..المهم بعد نقاش طويل وجاد وحاد 🌚،،وافقو بالعرس بعد اسبوعين بس لاحظو؟🌚💔،،ع الرغم انو الوقت بقى ضيق بس كانو فرحانين ليهم شديييد💜،،بس انا والله القصه اكلت معاي جنبه وكيييييف احمد يعرس نوران ويمشي يخليني🌚💔💔"أحبتتك بقلب بريئ...أحببتك ك حلوى تعشقها طفلة...لا أريد الابتعاد عنك...فأنت مأمني...إبقى بجانبي أرجوك...ف أنت لا تعرف ماذا سيحدث لي بعد الفراق"💔
يتبع.....
