البت الجات داخله قبل نور دي اسمها ربا،،وظريفيين شديد ياخ😂،،اها بقينا شغالين ف المطبخ،،وانا ماسكه السلطات كلها بي انواعها،،وربا ونوران عاملين زي الضرات😂،،وميناب ونور بس اديهم الضحك د،،بس بعد شوية كدا احمد جا داخل المطبخ،،ولقا ليك ديييك ي الونسه والضحك والرقيص😂،،بقى بعاين لينا،،ميناب قالت ليهو ابو الحوت،،شنو لكن🌚،،قال ليها ميناء كيفك مشتاقين والله🌚💕،،قالت ليهو كميييات ياخ+انا قلتا ليك تاني م تقول لي ميناء..اسمي ميناااااببب😒،،قال ليها انتي شايفه ولدي الحوت عشان تقولي لي ابو الحوت😒،،قلتا ليهو احمد كدي سلم خلي الشكل😂،،مشى سلم عليهم ولمن جا على ربا قالت ليهو حبيبي والله مشتاقين شديد شديد😔💜((بتحاول تغيظ نوران😂))،،طبعا احنا كلنا فهمنا وبقينا نضحك،،احمد قال ليها كتييير يحبيبتي الخبر شنو💜،،ومالك بقيتي سمحه كدا ومنوره،،،نوران اتجاوزتهم الاتنين وبقت عامله فيها طرشه،،ربا قالت ليهو منوره بيك والله💕،،احمد اندمج شديد وقال ليها كيفو روحي😔،،هنا نوران فقدت السيطره😂،،بس نزلت ليك فيهم الاتنين ردح ردح ردح😂،،لمن احمد طلع من المطبخ ميت ضحك😂،،امي شغاله ليها ي بت والله هو بحبك.انتي بس والله بكاوي فيك ساي😂،،ربا قالت ليها خلي روحك رياضيه ي بيبي😂،،ميناب بدل م تطفي النار جابت ليها حطب🌚💔،،قالت ليها مدام ماف دبلة بينكم يبقى احمد.د.لينا كلنا😌،،نوران اتغاظت شديد بس سكتت،،احمد جاها راجع وسمع كلام ميناب قال ليها حتى ولو ماف دبلة بينا أنا م بشوف غيرها😌❤️وغمز لي نوران وقال ليها ي هبلة احنا بنكاوي فيك وبحاول اختبر نسبه الغيرة،،لكن د طلعت1000%😂حققتي الرقم القياسي ماشاء الله عليك برااااافوو 😂👏،،وطوالي طلع😂،،طبعا بقينا نضحك ف هبالتو د😂،،بعدها جات داخله وحده كدا لابسه داااك ي التوب السمح،،والدهب د يكشكش،،وجزمه كعب عالي،،والحنه م تديك الدرب وريحه الصندلية سابقاها،،والمكياج د يسوي كدي👋،،قالت لينا كيفكم يجماعه والله مشتاقين،،،دخلت وسلمت عليهم كلهم،،وامي شغاله ليها وييين ي هدى انتي مختفيه كدا؟،،اها معتصم رجع ؟،،قالت ليها لالا والله لسه عليهو شوية،،والله ناس امي زاتهم كرهوني وقربو يقولو لي طيري😂😂،،اها لمن جات علي،،امي قالت ليها د.تسنيم بتي،،اها سلمت علي برضو بالاحضان،،وريحة الصندلية مباااالغه حلوه شديد😂💜،،قالت لي حلاتك والله م بتشبهي اخوانك،،انجم قالت ليها اي لاننا سمحين صح😍👏،،قالت ليها لاا هي اسمح😌💕،،قامت قالت لي انا بت خالتك ابتسام واسمي هدى،،متزوجه لي سنه وزوجي مغترب وانا قاعده مع ناس امي،،اتشرفنا😍،،قلتا ليها الشرف لي💕،،ميناب قالت ليها وين هديل وهند؟،،قالت ليهم ضربتا ليهم م ردو لكن بجو..((عشان م تتلخبطو...ميناب وربا اخوات....نور ونوران اخوات تؤام...وهند وهدي وهدى اخوات...وانا وأنجم اخوات😂))بعد خلصنا تحضيرات ف المطبخ واي شي،،طلعتا الصاله ولقيت البيت نضييف ومفرش ومبخر ومرتب،،طوالي مشيت دخلتا غرفتي ولقيت الساعه 2((عندي ساعه معلقه ف الحيطه))،،مشيت استحميت وطلعتا الفستان البرتقالي ولبستو،،ولبستا حلق دهبي ومعاهو سلسل رفيق دهبي وخاتم صغيروني دهبي،،ومعاهو شبط لونو اسود،،ومعاهو طرحه سودا،،هو الفستان لونو برتقالي غاااامق وفيهو نظام حزام رفيييع شديد ف النص لونو اسود فكان حلو شديد،،قمتا سرحتا شعري ورفعتو كعكه ولفيت الطرحه🧡،،بعدها انجم جات داخله غرفتي كانت عايزه ليها حاجه بس لمن شافتني قالت لي الصلاة على النبي😍ايه الجمال د،،تعالي اقعدي النمكيجك،،اها قعدتا ليها ومشت جابت الموس وشالت لي وشي((بالنسبه للاولاد م ح يفهو شالت وشي د شنو😂،،الوش بكون فيهو شعر كتير ف بقومو يشيلوهو بالموس وينضفو الوش🙂))بعدها جابت شنطه الميك اب حقتها وبقت تمكيج فيني،،وجات ميناب مسكتني من بعدها لانو انجم نادوها وميناب تمت الباقي😂،،بعد.خلصت تقريبا تمت ساعه،،قومتني ووقفتني قدام المراية ،،وطبعا انا اشيل واحلف انو د م انا ،،لمن اتخلعتا عديييل،،طبعا اول مره اتمكيج كدا،،انا حدي بس كحل وروح وبدره🌚💔،،طلعتني حاجه كدا مباااالغه،،ياخ بقيت سمحه سمااااحهه🙈❤️،،قلتا ليها شكرا ي ميمي🙈❤️،،قالت لي على شنو حبيبتي❤️طالعه قمر بس ماشاء الله❤️قالت لي يلا انا نازلة اشوف ديل عايزين شنو،،اها هي طلعت وانا بقيت واقفه قدام المراية واصلو م مصدقه انو د انا😂😂،،قمتا نزلتا ليهم تحت ف المطبخ وبقيت بعاين ليهم،،كلهم بقو بعاينو.لي إلا انجم وميناب بضحكو،،امي قالت لي كيفك.ي بتي أن شاء الله خير عايزه حاجه؟؟،،قلتا ليها لا بس عايزه اشوف اذا محتاجين شي ولا كدا،،ربا قالت لي انتي منو؟،،قلتا ليها كيف يعني؟،،هدى قالت لي قصدها انتي بت منو يعني وساكنه وين؟؟،،انا عرفتا انو الناس د طشت😂،،قمتا قلتا ليهم ف ولد برا وقفني وقال لي خشي ساعدي الناس د،،هنا انجم وميناب اتفقعو ضحك وانا بحمر ليهم عشان هم م يكشفوني،،نوران قالت لي شكلو د.احمد.احيييييي انا من الولد د.يقعد.يقابض ف بنات الناس كدا،،،ف نفس اللحظه احمد جا داخل ،،نوران قالت ليهو بالغتا ي احمد يعني ماسك البت ف الشارع ومدخلا لينا؟،،احمد عاين ليها بإستغراب وقال ليها انا م دخلتا اي زول،،قامت قالت ليهو ود شنو؟،،وأشرت علي،،أحمد عاين لي مسافه كدا وقال ليهم والله ولا بعرفا😂،،طبعا انا خلاص كملتا ضحك،،قلتا ليهم دقيقه دقيقه ي جماعه معقول م عرفتوني؟،،للدرجه د.اتغيرتا؟،،نور قالت لي شكلك د.م غريب علي بس اتردتا اذا د انتي ولالا😂،،قلتا ليها اييي انا زاتي تسنيم،،معقولة؟؟😂،،طبعا حصلت لحظه بتاعة صمت رهيب😂،،بقو بعاينو لي مخلوعين وإحساس د.كضب وكدا،،طبعا انا شكلي كان متعب شوية وف هالات تحت عيوني ومن العيا والمرض الكتير شكلي بقى كعب ،،ف ميناب وأنجم زحو لي الهالات وعملت ماسكات وم خلو لي شي وف النهايه رجعتا لطبيعتي😂❤️،،بقو شغالين لي انتي سمحه بس مبهدلة روحك وحلاتك و...الخ،،هدى قالت لي من هسى ولدي محجوز لبتك🙈❤️،،قلتا ليها طوالي وبدون مهر تعالو شيلوها😂،،احمد قال لي م قادر اصدق انو د.انتي؟،،احم احم.احمدي ربك ي نوران انوو د طلعت اختي وإلا كان ح يحصل شي م يعجبك😂😂😂،،نوران ضربتو ف كتفو وقالت ليهو لمتين عيونك د ح تكون زايغة كدا ،،لمها شوية عليك الله،،احمد.قعد.يضحك وقال ليها شوية بس؟😂،،((احمد د غياظ😂))طيب عيوني ليك،،وانتي ي تسنيم طالعه حلوووه ربنا يحفظك ي بت واتحصني🌚💜،،قلتا ليهو طيب + تسلم😂🧡..اها بعدها جا واحد كدا سمح سماااحه لاحولا ولا قوة الا بالله،،د.مستحيل يكون من سكان الأرض ديل،،نوران قالت ليهو لا بلاي؟ جاي ليه؟؟،،قعد يعاين ليها ويضحك،،سلم عليهم كلهم ولمن جا علي سلم علي عادي،،وكلموهو انو انا تسنيم وكدا،،سلم علي تاني سلام حلو وبحراره كدا،،انا م مركزه ف السلام زاتو،،الود سمح لدرجه العواره،،قال لي انا محمد اخو نور ونوران،،،قلتا ليهو اتشرفنا🧡،،قام عاين لي امي وقال ليها مؤمن د جا معاي وينو م دخل؟،،قالت ليهو لالا،،بس فجاءه ف اللحظه دي جا داخل واحد وعرفتا انو د مؤمن لانو امي سلمت عليهم وقالت ليهو مؤمن كيفك!،،اها سلم عليهم كلهم وبرضو لمن عرفني سلم علي بحراره كدا،،وقعدو يتونسو وظريفين شديد وطبعهم زي احمد واااااحد🌚،،،محمد قال لي امي اوعا تكونو خليتو نوران د تطبخ معاكم؟،،امي قالت ليهو والله طبخت جنس طبيخ😂،،قال ليها اعفيني م بقدر.اكل،،والله امبارح من وجع البطن م نايم وبطني د بتكورك عديل التقول عايز أولد،،،انا قعدتا اضحك وقلتا لي نوران يخس عليك ي نوران معقولة تأكلي اخوك حاجه م نافعه؟،،قال لي عليك الله وريها تخليها تطبخ زي الناس،،نوران قالت ليهو والله م حابه اوريك الحصل شنو ف اللمه الفاتت والاكله العملتها بس الستر سمح🌚👏،،محمد طوالي سكت وقال ليها انا قصدي انو الاكله من شدة ما هي حلوه لمن بطني كوركت وقالت عايزه تاني،،قالت ليهو بلاااايي!😏،،مؤمن قال ليها اي ياخ انتي كمان ف زول بطبخ زيييك؟،،قالت ليهم اايي ايي خليكم بتمدحوني كدا عشان لوو قمنا وكشفنا المستور صعبين احنا😏👏،،بقيت بضحكك فيهم ياخ حلوين شديد😂😂😂،،محمد قال لي تدوم الضحكه،،مؤمن قال لي ضحكه د ولا قلبي🙈،،نوران قالت لي د بتاع مشاغلات ساي متخلف خلاص😂،،مؤمن قال ليها انتي اطلعي منها،،كيفك ي السمحه؟🙈،،قلتا ليهو كويسه والله وانت؟،،قال لي بخير والله 😂،،محمد قال لي لو باريتي مؤمن د حقك راح،،نور قالت ليهو البباري الجداد بوديهو الكوشه😂،،ف اللحظه د جو داخلين اربعه شباب كدا،،ف واحد فيهم مشى سلم على. ميناب وقال ليها شنو ي زولتي الشوق بحرر..والصلاة على النبي بقيتي قمر بس،،متين الكلام د ي حبيبتي🙈❤️،،ميناب قالت ليهو انت لسه ف حركاتك د يا باسل😂👏،،وف واحد تاني قال ليها ي بت دا م بنعدل،،،دا اتخرب خلاص😂،،هدى قالت ليهو خربانه من كبارها😂،،قال ليها هويي انا محترم والله😂،،قالت ليهو اايي ظاهر ظاهر مهاب حبيبي المؤدب😂👏،،في واحد تاني قال ليها شنو ي هدهد،،تعالي احضان 🙈❤️،،قالت ليهو حسام حبيبي والله مشتاقين🙈،،قال ليها الشووق محيط يزولتي🙈❤️،،،ف واحد تاني قال ليهم زحو لينا يخوانا،،امشو تمو شوقكم واحضانكم د هناك🌚👋،،ربا قالت ليهو اوووو وسيم زولي ياخ🙈،،،نوران مسكتها وقالت ليها اسكتي الليلة انجم بتوريك ليهو م تنداحي😂،،طبعا انا عرفتهم كلهم ،،حسام ومهاب وباسل ووسيم حبيب انجم،،جو سلمو علينا وأنجم الخجل كتلا😂،،وامي تشيل وتقرص فيها بتحت ،،بعد طلعو شغلناها لينا لمن طلعت خلت لينا المطبخ😂😂،،بعدها جا داخل واحد كدا بكون قدر خالد أو اكبر،،قال السلام عليكم ،،سلم علينا وطلع د بكري اخو ناس هدى،،وبعدو جا داخل ولد كدا سمح سماحه😂❤️،،اها عرفتا انو د مجاهد اخو حسام،،وبعد شوية الناس بدت تجهز وخالاتي بدو يجو،،وخالتي ابتسام د مسكتني وبقت تبكي،،انا زاتي بكيت لمن المكياج خرب،،وخالتي بدور وحياة وزينب ،،بكيييت معاهم بكى💔،،سلمو على سلام حلو وكلهم بتشابهو وبشوشين شديييد❤️،،،بعدها جو هند وهديل،،وبرضو فتحو معاي بيت بكى😂❤️،،هند متزوجه وقاعده مع راجلا في بيت نسابتها،،وهديل برضو متزوجه بس قاعده هي وراجلا براهم،،راجلا اسمو منتصر،،وهند راجلا اسمو متزمل،،وكدا العائلة اكتملت😂❤️❤️((لو م قدرتو تحفظوهم..ارجعو الحلقه الفاتت وبتحفظو ليكم❤️))اها انجم جات وظبطت لي المكياج بعد م خرب من البكى،،وهي زاتا لبست واتمكيجت وطلعت احلى مني،،وكل البنات دخلو يتمكيجو التقول جاين يخطبوهم😂،،بقيت بشغلا لي انجم،،شنو لكن😂،،احييييي انا من وسيم،،اسم على مسما ،،يسوي كدي الولد😂👋،،عاد لقيتك م هينه😂،،قالت لي تسنيم اسكتي احسن ليك😂😂🙈❤️بعدها رصينا الاكل ف صينية الرجال،،ومشيت ليهم برا،،لقيتهم خاتين سراير كتيره ف الحديقه والترابيز واي واحد راقد وبتونس😂،،قلتا ليهم هيي اتنين فيكم يجو يشيلو الصينيه،،مجاهد وأحمد قامو،،مؤمن قال لي م عايزة تدينا الرقم ي السمحه🙈😂،،قلتا ليهو اتلما👋،،حسام قال محمد الجبهه وصلتك؟،،محمد قال ليهو لالا لكن كدي شوف باسل بتكون وصلتو😂،،باسل قال ليهو وييين قبيل مشت مني شوف خالد😂،،مؤمن قال ليهم م ظريفين على فكره🙂💔،،مهاب قال لي قدر شنو انتي ي تسنيم،،حسام قال ليهو قدري😍،،مهاب قال ليهو معناها قدري انا برضو🤣،،قلتا ليهم اايي صغار احنا🤣،،باسل قال لينا كان انتو صغار معناها انا شنو وعمري 23😂،،خالد قال ليهو كان نفسي افرق بين اعماركم بالحق بس انتو لمن ولدوكم انا م مولود لسه🤣،،،مؤمن قال ليهو كت كت كت قال قال م مولود انت حاضر فتح الاندلس ي زول وبقو يضحكو كلهم😂😂😂👏راجل هند قال ليهم ممكن انا اكون اصغر واحد فيكم🌚،،راجل هدى قال ليهو اسكت م تفضحنا ياخ انا وانت قدر بعض😂،،مؤمن قال ليهم اي انتو اسكتو احسن خليكم برا الدائره😂قلتا ليهم فظيعين ياخ😂هي انا ماشى الغداء 😂،،اها دخلتا جوه ورصينا حق النسوان وختيناهو وبقينا ناكل،،بعدها لمينا العدة حقتنا وحقت الرجال وغسلناها ومعانا الشغاله عشان كتيره شديد م بتقدر.ليها براها،،بعدها بقينا ف منوال الشاي وم الشاي،،سوينا الشاي،،وقعدنا كلنا ف الحديقه وبقينا نشرب ف الشاي ونتونس وشرطوني ضحك😂حرفيا ياخ ونستهم معاي د.نستني اي شي حصل معاي ف حياتي د،،بقيت بس مبسوطه بيهم شديد وم عايزة امشي منهم،،عوضوني عن اي شي،،د اول مره في حياتي اقعد.مع ناس بالطريقه د واتونس معاهم،،وحتى كمان لاحظتا لنفسي اني بقيت ايجابيه شديد وشخصيتي.نوعا ما اتغيرت،،بقيت مبسوطه بنفسي شديد❤️المغرب اذن ومشينا اتوضينا وجبنا الفرشه الكبيره وفرشناها وأحمد صلى بينا جماعه💜،،صوتو وهو بقرا حلو شديد وببعث الامان ياخ💜،،بعد صلينا قعدنا تاني وتابعنا ونستنا،،النسوان بقو براهم والرجال بتونسو براهم واحنا البنات برانا💜...مجاهد قال ليهم رايكم شنو الجمعه الجايه نمشي المزرعه؟،،قالو ليهو طوالي م عندنا مشكلة ،،وفعلا اتفقنا يوم الجمعه الجايه نمشي المزرعه،،ميناب وربا قالو لي الليلة بايتين معاكم🙈❤️،،قلتا ليها احلفيييي زااابط شديد😭🧡،،مهاب وباسل قالو بايتين برضو🤣❤️،،،انجم قالت لي اتعودي تاني ي تسنيم،،ديل كل يوم ببيتو معانا وكل يوم مكشوحين ف بيتنا لو بسبب ولا بدون سبب🤣،،ميناب قالت ليها انتي لاقيانا ي بت😏👋قلتا ليهم شرفتو ياخ طوالي تعالو❤️،،قالو ليها اتعلمي اتعلمي من اختك😌بعدها قامو وودعونا وكل زول مشى بيتو ومهاب وباسل وميناب وربا قاعدين معانا❤️باسل قال لي ارح اوضه احمد ونجيب البلاستيشن ونشغلو ف الصاله ونغلبك😌،،قلتا ليهو م بعرف العب انا🤣،،مهاب قال لي ارح نعلمك،،وفعلا مشو جابوهو وشغلوهو وبقو يعلمو فيني،،لكن ف النهايه باسل غلبني😭🤣😂❤️
"يبدو أن روح الطفوله بدت تنمو من جديد،،اصبحت احب اللعب والركض خلف السيارات ف الشارع،،اصبحت أحب الرقص والغناء،،اصحبت مرحه وضاحكه اكثر من اللازم،،اصبحتُ أحب هذه الحياة من جديد❤️"
يتبع.....
