مهاب اتخلع من كلامي،،قال لي بت عمتك منو؟؟،،قلتا ليهو الناس الكنت قاعده معاهم ،،بس يلا عمتي د بتها،،ف اللحظه د جات هند وقاطعت كلامنا وقال لي عندي ليك.مفاجاءه🙈،،قلتا ليها احكي،،قالت لي ح تبقى خاله😂،،م عارفه بس فرحتا ليها شديييد وقمتا وحضنتها وقلتا ليها مبروك حبيبتي،،ومشيت باركتا لراجلها وخالتي ابتسام امها،،،وبقينا قاعدين على شكل دائره كدا،،مجاهد كان جايب معاهو جيتار،،باسل قال ليهو لاااا عليك.م.تغني صوتك الشين د😂،،مجاهد قال ليهو انا؟؟بميااعه كدا وصوت بت😂،،انا صوتي شين؟؟،،خالد قال لي باسل ي زول خليهو عشان ودوهو الدورة المدرسية زمان جاي يعمل فيها ولا عمر الامين زاتو😂،،ميناب قالت ليهم هييييي انا م برضى 😤،،قلتا ليهو غني غني ي مجاهد،،،احمد قال ليهو ارح غني وأشيل معاك،،واحمد مشى جاب التربيزة عشان يدق فيها😂،،نوران قالت ليهو بس براحه علينا ،،قال ليها هو انتي الليلة ح تشوفي مواهب جدعه اوي💛،،،وبس احمد بقى بدق ف التربيزة،،مجاهد قال ليهو لالا وقف وقف،،،الحزن النبيل م عايزه ليها دقه،،قال ليهو ايوااا انت عايز تغني الحزن النبيل؟،،قال ليهو اايي،، وبس بدو يغنو"" وبقييييت اغني..علييك غناوي الحسرة...وللاسف الطوييييل ...وبقيت بغني عليك غناوي الحسرة...وللاسف الطوييييل ...عشان اجيب ليك الفرح..رضيان مشيت للمستحيل...ومعاكي ف اخر المدى...بعتيني لييييه ...بعتييني ليييه..لحضن الاسا وسبتيني للحزن النيل..."قمتا انا بقيت بغني معاهم "ومشيت معاك كل الخطااااااوي الممكنه...وبقدر عليها وبعرفا....أوفيت وما قصرتا فييي حقك...ولا كااااااان عرفه غيرك بصادفاا...وقدر هواااااك يجيبني ليك...جمّع قلوبنا وألفاا...وقدر هواااااك يجيبني ليك جمّع قلوبنا وولفا...وكتين بقيتي معااايا...في اعماااااقييي..اعماق مشاعري المرهفه. لا منك ابتدت الظروف لا بيييكي انتهت الأماني المرهفه"💛عمو منتصر قال لينا د حقت مصطفى سيد احمد؟،،قلتا ليهو اايي ،،قال لينا سمحه والله وابدعتو💛💛💛💛،،،ربا قالت لينا عايزين اغاني هجيج احنا😂💃،،احمد قال ليها طوالي وبقى بدق،،""عييااااان م بنوم،،انا قلبي اشتغل بالهموم...عيانه شيلوني...ف سريري ختوني...لو م بتعالجوني بقميصو غتوني....م بنوم انا قلبي اشتغل بالهموم..الخ"😂😂😂💃وتاني نوران غنت لي احمد" الدنيا بتحلى لو انا وياااك...هغيير عمري...بلحظه هواااك..ما كان قلبي بيعرف حب..ولا عندو غالي لولاك...على وعدي يا وعدييي..وحدي انا..انا يلي بعمري ببقى انا..انااا يلي بريدك لي انا..انا يلي بحبك وحدي انا"💛💛💛💛احمد عمل حركه ظريفه كدا وغطا عيونو بيديهو نظام خجلان😂🙈،،طبعا ماف داعي اوريكم التشغيلات كانت كيف والعجب الحجه😂😂،،احمد ونوران ديل باعتبارهم مخطوبين عديل لانو كل الاهل عارفين بيهم💛بقينا بس قاعدين واي زول يغني ومجاهد وأحمد يدينهم وجعتهم من العزف والدق😂،،بعدها وسيم قال لينا بالمناسبه السعيده د عندي.كلام عايز. اقولو،،،قام عاين لي خالد واحمد وعاين لي امو واخوانو،،،وقال ليهم انا قدامكم بقول الكلام د وعايز بتكم أنجم على سنه الله ورسوله،،طبعا حصلت لحظه بتاعة صمت رهيييب..وبما انو احنا اصلا عارفين انو انجم عايزاهو وهو زاتو عايزها ف كنا عارفين جوابها...بس هي كانت مصدومه وفرحانه ف النفس الوقت ...م قادره تعبر عن.فرحتها ابدا💛..ود السبب الخلاهم يوافقو بيهو 💛💛،،بس ف ساعتها فكينا ليك الزغاريت د والساعه كانت 11😂😂😂👋،،وشغالين مبروك وربنا يتم ليكم على خير وهي من الفرحه بكت😂💛💛((ي رب حالنا كلنا))،،وسيم قال ليهم شهر بس وتكون عندي ،،قلتا ليهو شنوو لكن اصبر حبه😂،،قال لي لالا معليش صبرتا كتير انا😂،،،وع كدا اتفقنا بعد شهر يكون عرس انجم..بكري قال ليهم خلاص انا بعد شهرين عشان م تتعبو،،خالتو ابتسام قالت ليهو كدا التعب بدأ ي داب😂،،،وبعد نقاش طويييل اتفقنا عرس بكري بعد شهرين وأنجم بعد شهر..بعدها بقينا قاعدين ونشرب ف الشاي ونتونس ساايي،،قمتا مشيت قعدتا جمب مهاب كان سرحان طول قعدتنا د،،قلتا ليهو مالك؟،،قال لي اها قبيل م تميتي لي كلامك،،قلتا ليهو شوف ي مهاب،،م ح اكضب عليك ابدا ف اي كلمه اقولا...عماتي ديل بتاعين شيوخ وكعبين عديييل..وبتها يسرا د م عارفاها اذا زيها ولالا لاني م احتكيت بيها شديد،،بس يعني احتمال كبير تكون زيها ويمكن انت اسي كاتبنك😂😂😂،،ابعد ابعد من الأسرة د انا م صدقاا اني بعدتا منهم،،لانو والله كتبوني كتابه لمن الدفتر اتملا😂😂😂👋،،،عاين لي بصدمه وقال اسي انتي بتضحكي عادي كدا؟،،قلتا ليهو عادي والله بقى ماف شي بفرق معاي،،،قال لي انتي عارفه لحد م هي جات الشركه كانت بتعاين لي بنظرات عجيبه حسيتها ح تاكلني،،وفجاءه بعد كم يوم من الاختبار حقها ولمن م قدرنا نقبلها حسيت اني عايز اساعدها رغم اني م بعرفا بس اتجاهلتا الشعور د وقلتا بقيت زول خيري وكدا😂،ف ساعدتها ف تاني م عارف فجاءه لقيت نفسي حبيتها،،قلتا ليهو مهاب بتقدر تبيت معانا الليلة؟،،قال لي ماف طريقه لانو. ح اودي ديل البيت وكدا،،قلتا ليهو طيب وديهم وتعال ضروري شديد،،قال لي كان كدا خلاص بجي،،قلتا ليهو تمام وم تشيل هم كلو ح يتحلا،،قال لي ان شاء الله،،،الساعه 12كلهم مشو بيوتهم...ومهاب ح يرجع تاني يقعد معانا ،،وانجم من الفرح مشت نامت طوالي ولا اتفاهمت معانا😂،،وامي زاتا رقدت،،قالت لي من لحظه طلعتو قبيل انتي ومهاب احنا م رقدنا وشغالين تجهيزات ،،،قلتا ليها تسلمو والله فرحتوني شديد💛،،قالت لي على شنو انتي بتي وتستاهلي اكتر،،واحنا بس بنحاول نعوضك عن الايام العشتيها تعب وبكى ديك،،مشيت بستها ف رأسها وقلتا ليها ربنا يخليك لينا ي احلى ام💛💛دخلتا غرفتي وبقيت قاعده وبفكر،،،انا يخوانا لحد الان مسكينه وم جبت حقي من ناس عماتي لكن انا بعرف اجيبو كيف بدون م اعرض زول ف عائلتنا.لخطر،،وبقيت بس بفكر بفكر لحد م مهاب جا،،احمد فتح ليهو الباب ،،قال ليهو مالك نسيت شي.؟،،قال ليهو لالا بس بايت هنا عندك اعتراض😒((زول جوه بيتو بشاكلوهو))،،احمد قال ليهو طيب خش اتعودتا انا😂،،قمتا قلتا ليهو اخيرا جيت،،تعال ارح نمشي الحديقه،،احمد عاين لينا باستغراب نظام ف شنو وعايزين تعملو شنو،،قلتا ليهو تعال انت زاتك😂،،بقينا قاعدين احنا التلاته،،ومهاب حكى لي احمد اي شي عن حبيبتو،،احمد قال لي والله د قصه غريبه خلاص كل م نقول اتخارجنا من الناس ديك يظهرو تاني،،واسي انتي ح تعملي شنو؟،،قلتا ليهو ممكن تجيب لي مصحف ؟،،احمد مشى جابو لي جا وانا اساسا كنت متوضيه،،قلتا لي مهاب ح نربطك معليش😂،،قال لي ي زولة انا م عاملين لي عمل ولا اي شي،،قلتا ليهو م مشكلة لو عملو ليك بظهر ولو م عملو ليك تكون رقيه شرعيه عادية،،وفعلا انا وأحمد ربطناهو،، كنت متاكده مليون ف المية انو د عمل،،بقيت بقرا ليهو،،اول مره كان عادي بس تاني حسيت بيهو ح يرجع،،احمد جرا وجاب ليهو سلة،،ورجع فيها حاجه لونها اسود وبتطلع بقع بقع((اعوذ بالله ))،،وبقيت مواصلة ف القراية وهو بقى يقول لي وقفي وقفي راسي واجعني،،وانا ابيت اوقف كلو كلو،،لدرجه انو قدر يفك الرباط الربطناهو ليه وكان عايز يدقني بس احمد مسكو وانا لسه مواصلة قراية لحد م رجع تاني وطوالي غمر،،حتى بعداك وقفتا،،احمد د بقى مخلوع وم قادر ينطق زاتو،،قلتا ليهو مالك مخلوع كدا؟؟،،قال لي اول مره اشوف لي شي زي د،،،قلتا ليهو عادي انا كل مره بشوفو😂،،المهم شيلو دخلو جوه،،قام شالو وانا قريت ف السلة الرجع فيها د تاني،،ودفنت الكيس ف الشارع وكشتحتا فيهو موية عادية ،،بعدها نضفت الحته عشان ماف زول يشك،،ومشيت مليت كباية الموية وقريت فيها سورة البقره كامله وختيتا جمب مهاب،،،بعد عشره دقائق صحى،،خليتو يشرب الموية،،بعدها قال لي الحصل شنو،،قمتا حكيت ليهو،،بقى يتحسبن عليهم،،قلتا ليهو انت حصل طلعتا معاها برا واكلتو؟؟،،قال لي اايي مره واحده وهي الاصرت انو ناكل برا،،قلتا ليهو بس ختت ليك العمل ف الاكل وانت استفرغتو خلاص،،،قال لي لاحولا ولا قوه الا بالله 💔،،قلتا ليهو انت حاليا كويس بس يلا ارقد ارتاح وبكره بوريك نعمل شنو،،وانت زاتك ي احمد ارقد،،وانا مشيت غرفتي بس م قدرتا انوم،،الليل كلو افكر اعمل شنو بكره وانتقم منهم كيف ووو..الخالصباح بدري صحيت وعملتا حاجاتي الروتينيه،،مشيت صبحتا على امي قلتا ليها وين ديل.؟،،قالت لي خالد شغال وانجم مشت لربا وقالت بايته معاها وأحمد ما صحى،،قلتا ليها امبارح مهاب جا وبات معانا بس انتي كنتي نايمه،،،قالت لي صحيي؟،،كويس 💛،،الحاله واحده وطوالي هم معانا😂،،،قلتا ليها اايي،،بس عايزه اقول ليك د،،قالت لي شنو؟،،قلتا ليها عندي صحبتي عايزه ازورها وطيبه ومسكينه كدا،،وح يوديني مهاب،،م بنتاخر،،قالت لي سمح امشي،،قلتا ليها شكرا ليك ي ست الكل،،قالت لي م تشكريني عاد انا عايزاك تكوني مبسوطه طوالي💛💛💛قمتا مشيت غرفه احمد وصحيت مهاب براحه وقلتا ليهو قوم قوم ارح،،قال لي طيب،،احمد صحى بحركتي وقال لي مالك؟؟،،قلتا ليهو طالعه مع مهاب،،قال لي وين؟؟،،قلتا ليهو فاطرين برا😊💛،،قعد يضحك وقال لي شكلك اتعودتي😂،،قلتا ليهو يعني م اطلع💔،،قال لي امشي امشي بس م تتاخرو،،قلتا ليهو طيب💛،،مشيت لبستا احلى لبسه عندي وقشرتا قشرة السنين وداك ي الميك اب والعطر د م يديك الدرب ،،طلعتا لقيت مهاب جاهز،،واحمد رجع لنومو....ركبنا العربيه انا ومهاب وقلتا ليهو ارح مطعم ((...))،،،وصلنا المطعم وبقينا نتونس 💛،،فجاءه اشوف ليك مهاب بعاين وراي،،اتلفتا واذا به القاها ليك بت عمتي يسرا،،،قامت جات علينا وعاينت لي من فوق لتحت شكلو م عرفتني،،قالت لي مهاب،،خير عرفني الاخت؟؟،،مهاب قال ليها انتي منو عشان اعرفك؟؟،،قالت ليهو كيف يعني انا منو؟،،انا حبيبتك لو نسيت اذكرك،،،قلتا ليها حبيبتو بوييين بقلبي😍💜،،قمتا عاينتا لي مهاب وفي وشي ابتسامه مستفزة وقلتا ليهو البيئه د حبيبتك😂👋،،،عاينت لي وقالت لي وهي بتكوروك فيني انتي صمي خشمك د عليك م سالتك انا،،قمتا وقفتا علي حيلي وطاااااخ اديتها ليك كف لمن الناس كلها بقت تعاين لينا،،،قلتا ليها اسمعي ي ماما ماف زول بتجرأ يعلي صوتو علي فهمتي،،وحبيبك الانتي واهمه بيهو نفسك د م حبيبك ي بت،،لو م عارفه اعرفي انو احنا مخطوبين😍💜،،ومهاب د حقي وابعدي منو. ي ......،،،ايوا صح صح اسمك يسرا بت سهير عمتي صح ولا م صح😉💛،،بقت تعاين لي بصدمه وقالت لي انتي...انتي...انتي ناهد؟؟؟،،قلتا برااااافوو😍👏،،قالت لي كيف كيف يعني؟...مهاب جا وقال ليها والله لو م كنتي بت كنت عملتا فيك عمايل وم كنتي ح تتحركي إلا جنازة،،بس عاذرك لأنك بت،،وناهد د اااا اقصد تسنيم د بت خالتي لو م عارفه يعني وانا خاطبها رسمي وشوفي الدبلة ياها د...وانتي اتعالجي اول من نفسك المريضه و الانانيه الفيك الأكتر من اللازم د بطليها.. بعدين فكري ف الحب..تمام؟؟قالت لي لا لا كيف يعني انا م فاهمه هو ود خالتك؟؟،،قلتا ليها ي ماما اهلك ديل م اهلي وطلعو متبنيني سااايي وانا اهلي ديل ولقيتهم .....الخ،،وحكيت ليهابقت مصدومه شديد وبعدها قربتا عليها وقلتا ليها لو لو لو فكرتي مجرد تفكير انك تأذي واحد مننا إتأكدي انو السودان د م بشيلنا،،واسي ح تمشي معانا لي امك حبيبه عشان اسمعها نفس الكلام😍👏..قمتا جريتها وركبتها العربيه وهي ابت تقاومني لانو مصدومه شديدوصفتا لي مهاب البيت ونزلنا كلنا،،دقيت الباب بكل قوتي قرب يتكسر ف يدي،،مهاب قال لي براحه حبيبتي بتكسري ليهم بابهم،،،قعدتا اضحك بمياعه وقلتا ليهو اي صح لو كسرتو م عندهم شي يصلحوهو بيهو😂،،،جات فتحت لينا عمتي،،ولقت يسرا بتها وطوالي اتحاضنو ويسرا قعدت تبكي،،قالت لينا مالا وانتو منو؟،،قلتا ليها اهلا اهلا سهير بحالا مشتاقين والله😍👏قالت لي اهلين م عرفتك انتي منو؟،،قلتا ليها معقولة ي عمتو تنسيني كدا انا بت اخوك حافظ..م كان العشم ياخ😂،،بقت تعاين لي بصدمه وقالت لي ناهد؟😳،،قلتا ليها شنو لكن م ح تفضلينا جوه؟،،زحت لي من الباب وهي بتعاين لي بصدمه،،قمتا دفرتها ودخلتا،،قعدنا ف الصاله وقلتا ليها وين عثمان؟ قالت لي عثمان اغترب وسافر برا،،قلتا ليها حلوو،،قالت لي د منو المعاك د؟؟،،قلتا ليها ود خالتي وحكيت ليها القصه،،،قالت لي صاح اي احنا كنا عارفين وابوك قال لينا م نتكلم قدامك بس احنا اصرينا نوريك وهو كان بدفع لينا قروش كل شهر عشان نسكت ولمن م يدفع. بنعمل فيكم عمل ،،واحنا اصلا م كنا ح نكلمك لانو عايزين القروش ولوو كلمناك م ح يدفع لينا تاني ،،،طبعا بقيت مصدومه💔،،عشان كدا كانو ساكتين ليهم،،ابوي د كان بدفع دم قلبو عشان يأكلنا وعشان ماف زول بأذيني💔💔،،لكن الليلة ي ابوي ح اجيب ليك حقك وحقي،،قامت عمتي قالت لي اعفي لي عليك الله ي بتي،،ف اللحظه د تلفون مهاب ضرب عاين ليهو وغمز لي واداني التلفون،،،قمتا ابتسمتا وقلتا ليها طيب ح اسامحك بس بشرط،،قالت لي قولي،،قلتا ليها وريني الحاجات البتعملي بيها العمل د،،عايزة اشوفا بس واشرحي لي بعملوهو كيف قالت لي جدا..،،مشينا معاها غرفه كدا وكان في حاجات كتيره مختوته وقالت لي طبعا لمن تكوني عايزة تعملي عمل لي زول لازم تجيبي ليك حاجه متعلقه بيهو يعني مثلا سبيبه من شعر راسو((عشان كدا الله قال الحجاب فرض لسلامتك من الزي ديل❤️))او مثلا تشرطي قطعه صغيرة من هدومو البلبسها طوالي و فيها ريحتو ولو م قدرتي تصلي لي حاجه بتتعلق بيهو ممكن تختي ليه العمل ف اكل عشان يخش بطنو،،وغالبا لمن نكره زول شديد ونكون عايزنو يموت بندفن ليهو العمل ف المقابر والبحر ومرات مع الضب ،،وحركتو وتصرفاتو بتبقى زي الضب ومتى ما الضب مات هو ح يموت،،وو...الخوبقت تشرح وتشرح ..قلتا ليها ابتهال بتعمل عمل برضو صح؟؟،،قعدت تضحك وقالت لي هي دي العلمتني😂ومعاها حبوبتك كمان قلتا ليها ايوااا ...لمن خلصت قلتا ليها د اخر مره في حياتك ح تعملي عمل وبقيت بضحك😂😂😂،،قالت لي كيف؟،،قلتا ليها اصبري ح اوريك،،طوالي ف اللحظه د سمعنا صوت عربات الشرطه برا وجو هاجمو المكان ومسكوها هي وبتها،،طبعا خافت شديد وقالت لي غشيييتيييني ي حقيييره💔💔،،،مشيت قربتا عليها وقلتا ليها نونو م تبكي لسه انتي م شفتي شي،،كم سنه وسنه انتو بتعملو فيني كدا 😂😂👋،،اها يلا ارفعوها،،قالت ليهم الحاجات د م حقتي وم عندكم دليل،،قلتا ليها قولي والله😂👋،،فجاءه مهاب والشيخ الكان بقرا لينا داك جا،،والشيخ اتكلم مع الشرطي وقال ليهو كل م اقرا ليهم يا اما مدياهم عمل ولا عين ولا اي شي يضرهم وطوالي صورتها بتظهر لي هي ومعاها مره تانيه((ابتهال))،،وحلف ليهم مصحف ،،قلتا ليها د دليل واحد وانا تاني عندي واحد طلعتا تلفون مهاب من جيبي وفتحتا ليهم التسجيل بالاسبيكر وهي بتشرح لي كيف تعمل العمل،،قعدت تصرخ وقالت لي حقيييييرهه انتي بت.....،،قلتا ليها تفتكري اني ح.اسامحك كدا سااييي انتي زاتك.هبلة والله وبقيت بضحك😂😂،،يلا يلا ماشين لي ابتهال وحبوبه احنا عشان يونسوك ف السجن م تكونو براكم انتي وبتك،،رفعوهم ف عربية الشرطه وانا مهاب مشينا بيت ناس حبوبتي ومعاهم ابتهال ،،والشرطه ماشى ورانا وبرضو هاجمناهم ،،ورفعوهم ف عربية الشرطه ومخلوعين شديد،،طوالي سجنوهم والشرطي قال لينا بنشوف القاضي بقول شنو لكن غالبا ح ياخدو سبعه سنه على الاقل ولا عشرة،،قلتا ليهو تمام💛،،مشيت ليهم ف السجن وعاينتا ليهم،،ته ته ته ته حننتوني والله،،يحليلكم ح تقعدو عشره سنه هنا😂،،شفتو. الدنيا د بتدور كيف؟؟؟،،البتعملو برجع ليك،،انا من وعيت ف الدنيا د.م سلمتا منكم ابدا واسي انتو م ح.تسلمو مني ومن ربنا،،ح تقعدو هنا لمن تتعفنو،،ولينا لقاء يوم القيامه..يلا ابقو عافيه😂👋طلعنا انا ومهاب وقلتا ليهو اخيرا ياخ ارتحنا،،قال لي جبتي قوة القلب د.من وين والبرود د،،قلتا ليهو والله ياخ الدنيا د.بتعلمك.اي شي،،قال لي فعلا...((امبارح لمن مهاب غمر وأحمد شالو غرفتوو انا شلتا تلفون مهاب ورسلتا لي يسرا رساله وقلتا ليها ع اساس انا مهاب بكره عازمك فطور في مطعم((..))،،ياهو نفس المطعم المشينا ليهو انا ومهاب الليلة وهي ف نفس الساعه طوالي ردت لي وقالت لي تمام بجي..انا ضمنتا انها ح تجي وبقيت بفكر ف اني كيف انتقم منهم،،،والصباح لمن ركبنا انا ومهاب ف العربيه قمتا حكيت ليهو بالعملتو وهو طوالي فتح بلاغ واتصل على الشرطه ،،وقالو بصلو بعد ربع ساعه وقال ليهم ادوني تلفون قبل م تصلو،،واتفقنا انا ومهاب نعمل فيها مخطوبين وبنحب بعض قدام يسرا عشان نغيظها،،،وشلتا الدبلة حقت امي ولبستها ومهاب اصلا كان عندو وحده مشتريها قلة ادب ساي وطوالي لابسها😂،،،ولحد م لاقينا يسرا ف المطعم ومشينا بيت عمتي ولمن تلفون مهاب ضرب وغمز لي ع اساس خلاص ناس الشرطه قربو وفتح المسجل حق التلفون واداني ليهو وانا ختيتو ف جيبي وقلتا لي عمتي احكي لي بتعملي العمل كيف عشان يكون دليل،،،وفعلا حكت لي وبعد خلصت،،، الشرطه جات ومسكوها هي وابتهال لانو الشيخ قال ياها د.المره البشوفها وف نفس الوقت سهير اعترفت ف التسجيل انو ابتهال وحبوبتي معاها...وحبوبتي د نشييطه ونجضيه م بغلبها اي شي وهي البتمشي تجيب ليهم حاجات العمل وتشاركهم فيها.. د كل القصه))قلتا لي مهاب ارح لف باللفه د قال لي ماشى وين.؟،،قلتا ليهو لف بس،،فعلا لفا وبقينا ماشين لحد.م قلتا ليهو اقيف هنا...نزلتا ودقيت الباب فتح لي راجل كبير،،استغربتا وقلتا ليهو وين خديجه وحيدر؟؟؟،،قال لي اييييك ديل سافرو البلد وانا كنت جارهم هنا وأجرو لي البيت د،،قلتا ليهو ح يجو متين؟،،قال لي ح يستقرو هناك خلاص وحيدر اشتغل هناك واشترو بيت قعدو فيه،،قلتا ليهو ايواا تمام..ركبتا العربيه وحكيت لي مهاب،،قال لي يزولة انسيهم خلاص مدام نسوك،،وحاليا انتي فريييييي😂💛💛💛💛،،وبتنا ومن اهلنا وم تشيلي هم اي شي،،قلتا ليهو فعلا والحمدلله💛💛💛💛قال لي بعد الدراما د ارح ناكل،،وصلنا اقرب مطعم ونزلنا أكلنا وشربنا البارد ورجعنا نتهابل ونتعاور💛😂،،،،وقلتا لي مهاب الحصل د يبقى بيناتنا قال لي اكيييد 💛💛💛،،،وقبل م نطلع من المطعم القى ليك خالي الحاول يعتدي علي داك في وشي ومسكني من يدي وقال لي ناهد؟؟،،معقولة ؟؟،،،انتي ناهد ولا انا غلطان؟؟،،مالك بقيتي سمحه كدا؟؟،،مشتاقين يا بت...!
"ثباتًا وصبرًا يا الله حين يحدث ما لا طاقة لنا به💜"
يتبع....
