طبعا اخدتا حكايه دقيقه كامله وانا بعاين ليهو عشان استوعب د بعمل شنو ف غرفتي،،بعدها سمعتو.بضحك وقال لي،،لينا زمن ي ناهد حبيبتي من بعض،،،وانا شبه اتجمدتا ف مكاني،،اتخيلو جا وقعد جمبي ف السرير وختا يدو في خدي وبقى يهبش ف شعري،،قرب مني وقال لي مشتاق ليك والله💜،،،انا طوالي شلتا يدو من وشي وطااااخخخ اديتو كف لمن اتكيفتا من نفسي،،وزحيت البطانيه سريع سريع ومشيت ناحيه الباب،،بس مسكني من يدي قوي وقرب يكسرها لي،،قال لي ح.تندمي والله وشالني ورماني ف السرير،،قال لي تديني انا كف؟،،طبعا ماف حل غير اني اكورك،،وفعلا بقيت اكورك،،،ختا يدو ف خشمي،،وبقى يقرص فيني،،بعد مسافه سمعنا صوت كركبه جمب غرفتي،،هو طوالي قام ومشى فتح الباب ولقاها امي،،اتخلعت وقالت ليهو بتعمل ف شنو؟،،قال ليها وهو متوتر،،كنت ماشي اشرب موية ف سمعتا صرخه ناهد قمتا دخلتا اشوفا مالا،،وبس ...بس اتضح انو مجرد كابوس..،،امي.صدقتو طبعا وقالت ليهو ايواا خلاص امشي نوم ي ولدي،،وطوالي مشا،،امي جات على وقالت لي يختي هيي م تقعدي تصرخي فينا انصاص الليالي احنا تعبانين وعايزين ننوم وورانا شغل،،لو م صليتي قومي صلي عشان م تكوركي تاني،،،ومشت طوالي،،انا كل العلي مشيت قفلتا غرفتي بالمفتاح وبقيت قاعده ف السرير ومنطره عيوني😳💔،،د شنو الحصل د؟؟،،لقيت انو جسمي بقى يرجف،،م عارفه اقول شنو ولا افتح خشمي عشان افضفض لي نفسي،،حتى دموعي المره د خانتني،،،م عارفه انا جبتا القوة د من وين والبرود د،،شوية كدا بقيت استغفر وطوالي جريت البطانيه ورقدتا نمتا زي الم حصل شي،،تاني يوم من الصباح حازم شرب الشاي وقال ماشي البيت،،ولا فطور م فطر زاتو،،وانا ودعتو عااديي ولا كانو ف شي ولا حاسه بي اي شي انا🙂،،،مشيت لي امي عشان نعمل الفطور،،،بعد خلصنا مشيت ناديت حيدر،،،قال لي بزهج كدا،،جاييي،،قلتا ليهو طيب،،مشيت قعدتا وامي قالت لي وينو اخوك د؟؟،،قلتا ليها قال جايي،،وانا ولا استنيتهم،،طوالي أكلتا ،،وامي م بتاكل لو حيدر م اكل او لو أتأخر م بتاكل إلا يجي،،اما انا السم اليقتلني ولا بشتغلون بي،،بعد.خلصتا حتى. ي داب حضرة السيد.حيدر جا ونور الصينيه،،انا قمتا لاني شبعتا،،،قام قال لي على الأقل كان تستنيني،،،قلتا ليهو والله كنت جعانه م بقدر استنّى،،وطوالي مشيت،،شوف كمان؟؟قال استنيني قال،،بس بعد شوية اسمع امي بتصرخ بي اسمي،،صرخههه عدييل،،قمتا جاريه سريع سريع وقلتا ليها نعم يمه ف شنو؟،،قالت لي الشنينه.،،كل مره انا انبح عشان تجي تلمي الصينيه؟،،ارفعيها سرييع يرفعوك جنازة،،،وتاني بعد.م.تاكلي م تخشي جوه اقيفي لحد م نخلص،،فاهمه ولالا؟،،دي شنو المرض دي ياخ،،،شفتوو على قدر م كلامها حار بس م بساوي ولا شي من الكلمه الطلعت منها وكسرررتتتني بالجد"يرفعوك جنازة"💔،،،يعني انا قدر م اقول انوو دي.امي وبتزعل لحظات وبترجع عادي ومفروض استحملا،،ويمكن من الضغوطات والشغل الكتير ووو...الخ،،كل مره بلتمس ليها العذر بس هي ماشى ف ازدياد.ف انها تطعني💔💔،،لميت الصينيه وانا ببكي 💔،،،شفتوو بعد انفصالي من بسام والمرحلة الكعبه العشتها من بعدو،،انا وعدتا نفسي م ابكي تاني مهما كان،،،بس المره د غلبني والله💔💔💔،،غسلتا العدة ونضفتا المطبخ وعملتا ليهم الشاي ،،ود.كلو انا ببكي وعيوني بقت حمراااا💔💔،،،جا حيدر وعاين لي من فوق لي تحت وقال الجن ولا المفسيات وهز راسو بإستفزاز ومشى💔،،،اهلي ديييل كعبيين شدييد يخوانا💔💔انا ألقاها من عماتي ولا من امي واخوي وابوي؟؟💔،،ابوي د اخر مره اتكلم معاي قبل سنتين💔💔،،وطوالي ف حاله سفر،،ولمن يضرب تلفون امي بتتكلم معاهو وبتديهو لي حيدر يتكلم معاهو وانا م بدوني ليهو وهوو زاتو م بسأل مني💔،،،مهما كانت مشاكلك كبيره وحاره ومهما كنت بتعاني ف الدنيا د م ح يكون زي معاناة زول زيي💔💔،،شوفو انا بسبب الناس اتغشيت وانخدعتا واتخذلتا واتكسرتا داخليا وخارجيا،،وأخرتا قرايتي سنتين كاملات،،مره عشان امي رجلها اتكسررت ومنها لمن سقطتا ف امتحان الشهاده عشان العمل السووهو لي عماتي💔،،وبعد مجازفاتي د كلها عشان اقرا ويكون عندي شهادة بس برضو م اشتغلتا،،،لانو مع عماتي ديل ممكن يجي يوم ويدفنوني حيه بي عمايلهم د💔مرت الايام وابوي جا من السفر وحرفيا كنت مشتاقه ليهو شديد،،والله ي جماعه ،،ابوي د زول طيييب شديد ومسكين بس والله عماتي ديل منتهين منو💔،،سلم عليهم كلهم،،ولمن جا علي انا كنت ببكي لاني بالجد مشتاقه ليهو وعايزه احضنو،،بس بالمقابل قابلني بي سلام بارد،،طبعا هو لسه كاتبينو وكدا💔،،طوالي مشيت غرفتي وقعدتا ابكي💔💔،،لمتين انا ح اعيش بالطريقه الكعبه د؟،،لمتين انا اتحمل كل دا💔،،بس شلتا تلفوني واتصلتا على الشيخ وقلتا ليهو تعال البيت،،وفعلا جا،،ولحسن الحظ انو حيدر ما كان ف البيت وطلع وامي مرقت للجيران،،لانو م كانو ح يرضو انو الشيخ يجي،،مع انو المحيرني أنو هم.ساكتين لي عماتي ليه؟؟؟💔،،بس قمتا فهمتا الشيخ اي شي وقام دخل على ابوي،،ربطو عشان م يتحرك،،وبقى يقرأ ليهو،،،وابوي بقى بكورك من الصداع💔انا بقيت ببكي لانو بالجد قلبي انقطع من حالتو وهو بكورك 💔،،لحد قرابه الساعتين حتى الشيخ وقف قرايه،،وقال لي امشي الحوش وافتحي المجره بتاع الموية وبتلقي العمل جيبيهو سرعه،،مشيت عملتا القالو لي د وفعلا لقيتو،،شالو ولفاهو بي كيس ومشا المطبخ،،بعد.شوية جا وقال لي خلاص كدا تمام وهسى هو من الصداع ح.ينوم،،اول م يصحى.اديهو موية واقري ليهو فيها سورة البقره كااامله وخلي يشربا،،قلتا ليهو طيب شكرا ليك❤️❤️،،قال لي العفو وطلع..قمتا تكلتا ابوي في السرير وغطيتو،،(طبعا انتو ح.تقولو لي يمكن امك واخوك.برضو ح يكونو عاملين ليهم عمل بس لاا،،لو كان في الشيخ كان عرف،،وغير كدا هم مره معاي كويسين ومره بقلبو يعني الحاجه د.من نفسهم م من العمل،،وبعدين انا من صغيره مايلة لي ابوي اكتر ،،،،ف الحته د عماتي كانو عارفنها كويس وقاصدين يجرحوني ويفرقوني منو💔)بعد.ساعتين ابوي صحى والوقت داك انا كنت حضرتا الموية وقريت فيها سورة البقرة ❤️،،اديتو يشربها كلها،،،بعدها بقى بعاين لي،،،شفتا الدموع في عيونو،،قال لي ناهد بتي❤️،،لمن قال لي ناهد.بتي قعدتا ابكي واترميت ف حضنو،،مشتااااقهه ليهو شديييييد،،،مشتاقه لي طبطبتو على ضهري،وعلى حكاويهو لي وعلى هظارو ولعبو معاي❤️❤️❤️مشتاقه لكل تفاصيلنا القضيناها مع بعض❤️❤️❤️❤️،،،قضينا نص ساعه واحنا بنبكي وقدر شنو مشتاقين لي بعض❤️❤️،،،احساس ابوك معاك ف البيت بس زي كأنو م معاك💔💔،،احساس بتاكلو ف صينيه واحده وقاعدين ف بيت واحد بس زي كأنوو م بتعرفو بعض ،،وزي كأنو احنا ضيوف في بيوت بعض ،،،ابوي قال لي اعفي لي ي بتي لو حصلت مني حاجه م عجبتك لاني م متذكره والله،،قلتا ليهو العفو والعافيه ي ابوي،،،بس عايزه منك.طلب،،قال لي انتي تأمري،،قلتا ليهو عماتي ديل م تمشي ليهم تاني،،لانو بختو ليك.العمل ف هدومك وانت م بتنتبه ليه،،والمره الفاتت لمن مشيت ليهم كنت لابس جلابيه ودخلوهو ليك ف جيب الجلابيه وجيت طلعتها وانا دخلتها الغساله والعمل وقع ف الغساله واتشفط مع الموية ومشى المجرى،،،ف عشان كدا م تمشي ليهم تاني لانو والله ي ابوي انا م عايزه افقدك،،انت م عارف حالتي كانت كيف💔،،ممكن تضرب ليهم تلفون ونتونس معاهم زي م عايز بس م تمشي ليهم عليك الله💔،،اسي انت ليك تلاته سنه بالحاله د،،وكل م نفك منك العمل انت تاني يوم تمشي ليهم ويحصل نفس الشي💔💔باس راسي وقال لي اعفي لي م بتتكرر تاني❤️❤️❤️،،رقدتا ف حضنو وبقى يلعب لي بي شعري ويتكلم معاي ،،انو لمن كنت.صغيره كنت هادئه ومسكينه😂❤️،،،مع كلامو لي دا انا نمتا،،تقريبا د.احسن نومه لي وأريح نومه ،،لاني نمتا بعمق في احضان ابوي،،المشتهيه اشم ريحتو لاني طولتا منو،،المشتهيه لي حضنو من أول وجديد ...❤️❤️❤️❤️❤️❤️
"ذلك الحلم الذي رائيته مستحيلاً... سيأتي شخص ينير لك الطريق إليه ليخبرك انه بجوارك إذا تعثرن وحتما سيرفعك إذا سقطت... 💛"
يتبع.....
