دمرتني اختي بقلم (ندي أحمد)

ظهور اهلي في البلد

في اوضه مريم......
بيرن الفون بتاعها لاكن هي نايمه ومش سامعه حاجة وبعد شويه جت مامتها علشان تصحيها علشان الغدا جاهز كانت الساعه حوالي 4 كلهم صحيوا وبتول ساعدت هدير في ترتيب السفره حصل حاجه غريبه محدش كان متوقعها......
فون استاذ شادي بيرن وشادي ماسك الفون ومستغرب وفي ذهول
هدير:في حاجة ياحج ولا ايه مالك كدا
شادي:رد ولمعت عيونه وفتح المكالمه.. وقال
الو... ويتفاجئ بأن اللي بيتكلم اخوه سمير (اللي مكلمهوش من سنين كان ساكن في الارياف وشادي في المدن)
سمير :ايوه يااخويه ازيك عامل ايه وازي العيال ولادك عاملين ايه ليكوا واحشه والله ايهههههي وأم حمزه عامله اييه سلميلي عليها
شادي:والابتسامة مفرقتش وشه( بغض النظر عن طريقه الكلام اللي متغيرتش😂)
شادي:احنا كويسين الحمد لله بخير انت ايه اخبارك واولادك كل اللي هنا بيسلم عليك

بتول لحمزة :هو مين داا هااا مين
حمزه:مش هتبطلي تتحشري بقا
بتول:يعم انت مالك انتا اصلا
حمزه :طب شوفي مين هيقولك
بتول :لا خلاص انا اسفه مين بقا
حمزه :دا المفروض عمك ياختي
بتول:عمي مين دا هاا
حمزه:هش هش اسكتي بقا انتي ايه مبتتعبيش انا هبقي احكيلك كل حاجة بعدين

سمير :معلش يااخويه اعذرني هييييييي معرفتش اكلمك الفتره اللي فات داهيت كنت مشغول بالأرض وانت عارف موسم وكده اهيييي
شادي :لا عادي ولا يهمك ياعم انت اخويا
الا صحيح كنت عايز حاجه
هدير:هو اصلا لسه فاكرنا ياشادي دا حتى مسألش علينا من سنين
شادي: غمزلهاا
سمير :ايوه صح انت عارف البت سعاد كبرت ومتقدملها عريس ابن ناس ومحترم وعندو شقه وبيسافر ومعاه قرشين حلوين وهيعيشها مرتاحه والبت كبرت انت عارف العيال بتكبر بسرعه هيييييي(دا ايه الراجل اللي كل مايقول كلمه يلزق جمبها هيييييه 😂😂)
شادي:ايه دا بجد الف مبروك ياحبيبي ربنا يكتبها اللي فيه النصيب والخير ومبروك وعقبال ماتشوف احفادك يارب وتبقى جدو كداا.

سمير:يارب ياحبيبى وعقبال ماتشوف بتول ومريم يارب وحمزه كدا ان شاء الله
شادي:أن شاء الله احنا مش مستعجلين وضحك
سمير :ماشي يا اخويه انا هستناك الاسبوع اللي جاي تقضوا معانا يومين قبل الفرح كده
شادي:ان شاء الله هشوف كده ظروفي وهظبت اموري وابقى اجي على طول الولاد هيفرحوا جدا
سمير:ماشي يا حج مع السلامة

في بيت سمير.......
عايشه :كلمته يا حج خلاص استريحت كدا (للعلم عايشه مراته وسعاد وسمر بناته)
سمير:اه انا كده استريحت عقبالك كدا ماتريحي نفسك انتي عايزه ايه مبكلمهوش بقالي سنين عايزة ايه يعني دا اخويه ومن دمى وبعدين انتي عايزه فرح البت بنتك يجي من غير مااعزم اخويه انتي عايزه الناس تاكل وشي ولا ايه
عايشه :لا تأكل ولا تشرب انت حر واعمل اللي انت عايزه
انا بس بقول ان هما لا شبهنا ولا احنا شبههم ولا عايشين نفس عيشيتنا حتى في فرق ياريت بس تفهم عموما انت عملت اللي يريحك
سمير:انا قولتلهم يجوا الاسبوع اللي جاي ويقضوا معانا يومين في البلد قبل الفرح اهو بالمره يتعرفوا على العيال ونصلح اللي عدي عليه سنين دا
عايشه:ماشي انا هروح اشوف اللي ع النار
سمير:وانا هنام شويه وابقى قولي للعيال انهم جايين
عايشه :طيب حاضر
وماشيه تكلم نفسها(اتجننت الوليه دي ولا ايه😂)

في بيت شادي......
هدير:اهي فرصه حلوه تصبحوا اللي حصل السنين اللي فاتت دي مبينكوا
شادي :على رأيك واهو الواحد ليه مين غير اهله وأخواته

حمزه فونه بيرن رقم من بره مصر..... رد وقال.
حمزه:الو رد عليه واحد من الشركه اللي بيشتغل فيها... حضرتك حمزه
حمزه:تمام معاك
حضرتك حصل ظروف في الشركه فاعتذر من حضرتك أن السفر هيتأجل شويه واول لما يتحدد معاد السفر هنكلمك
حمزه:تمام شكرا جداا
هدير:في ايه يا حمزه في حاجة ولا ايه
حمزه:ايه لا دا بس في واحد كلمني من الشركه وبيقول ان في؛ظروف وكدا فاأتاجل معاد السفر بس
هدير:خير يابني
حمزه:اطمني ياماما مفيش حاجه
بتول:ايه قول اللي انت قولته تاني كداا انا سمعت صح مش كداا
هااااااااي هااي اخيرا ظهر العدل وهتقعد معايا هتقعد معايا وفضلت تتنططت وشادي وهدير وحمزه بيبصوا لبعض ويضحكوا
بتول شوفت علشان انا مكنتش راضيه انك تسافر من الاول شوفت ربنا
حمزه:اعدتي انتي تنبوري فيهاا لحد ماقعدتيني جمبك كداا
بتول:اهم حاجه عندي انك هنا
مريم:خير يابشمهندس دا من أعمالك بس انك هتعد مع بتول وضحكت
حمزه:انا عملت ايه بس ياربي علشان تعمل فيا كدا
بتول:نطت عليه وفضلت تغني وتضحك
حمزه:اها يخربيتك قطعتي نفسي انزلي
بتول:ايه ياحموزي مش قادر تشيلني ولا ايه
حمزه :لا ياختي انتي عايزه واحد بتاع رفع أثقال يشيلك امشي أبت من هنا

مريم افتكرت ان الفون بتاعها رن وقالت بعد ازنكوا بقا هدخل الاوضه
مريم :رنت على سلمي
الو سلمي ازيك عامله ايه معلش والله كنت نايمه مسمعتش الفون
سلمي :لا عادي ولا يهمك حصل خير
المهم بس كنت عايزة اقولك احنا خارجين بليل فقولت تيجي معانا تغيري جو شويه
مريم :اممممم اااا
سلمي خلاص بقا تعالي معانا بصي شويه كده وابعتيلي عنوانك وانا هعدي عليكي
مريم بس ااا
سلمي خلاص بقا يلا هكلمك تاني وقفلت
مريم قعدت تذاكر شويه وفضلت سرحانه شويه في كلام سلمي... هتخرجي وهتتبسطي معانا
مريم هنا كانت في حيره لان هيا ملهاش علاقه قد كدا بالناس وكمان لسه متعرفه على سلمي من قريب وفضلت تفكر ياترى هتبعت ليها العنوان ولا لأ هتخرج ولا لأ.........
استنوا باقي الأحداث...... 👍🤩

Nada Ahmed 🌏💙