دمرتني اختي بقلم (ندي أحمد)

دمرتني اختي

وفي الطريق حمزه بيوصل بتول المدرسه (ثانوي بنات).
حمزه:ساكته اي يااختي خير؟!
بتول:لا عادي مفيش. بس آآآآآآ. خلاص خلاص
حمزه :مالك يا بنتي في حاجة؟ عايزة تقولي ايه؟
بتول :بدموع انت هتمشي بكره خلاص
حمزه :اممم وسكت
بتول:انا عارفه انك لازم تسافر علشان دا شغل عارفه كل دا بس انا عايزاك هنا! مصر فيها شغل بردو وهي كانت دموعها نازله من عنيها وقالت ربنا يوفقك ياحمزه.
حمزه:في ايه يا بت ياهبله مالك هتقلبيها مناحه على الصبح ولا ايه
بتول بضحك:ربنا يخليك ليا يا حمزه
حمزه:ويخليكي ليا ي بتول يقمر اجيبلك شكولاته وضحك. وكملوا الطريق للمدرسه....

عند مريم........
مريم في الوقت دا كانت وصلت الجامعه (كلية طب) داخله بالعربية بتاعتها لابسه حلو جدا وهي قمر عيونها ملونه وكانت في اليوم دا قمه الجمال. دخلت بوابة الجامعه طلب الأمن كارنيه الدخول وبعدين طلعته ودخلت.،ركنت عربيتها ونزلت، كان عندها محاضرة ومشيت بسرعه علشان متتأخرش
مريم لزملائها :صباح الخير عاملين ايه؟
زملائها:صباح النور ي مريم احنا بخير الحمد لله انتي اخبارك ايه
مريم :بخير الحمد لله وسكتت. شويه وطلعت الفون بتاعها من الشنطه وفضلت سرحانه فيه شويه كتير
بعد دقايق دخلت بنوته حلوه زيها وقعدت جمبها بس مريم كانت ساكته مجرد ان هي بتبص عليها بس.
سلمي:هاي ازيك عامله ايه انا سلمي
مريم:اها ازيك انا مريم
سلمي:اهاا انتي بقى مريم اللي كل دكاتره الجامعه والطلاب بيتكلموا عنها وعن تفوقها الدراسي. انا سمعت عنك كتير اووي
مريم :ربنا يخليكي سمعتي عني ايه بقا حلو ولا ايه وضحكت
سلمي :لا اطمني حلو وضحكت
ودخلت الدكتوره علشان المحاضره

في البيت......
هدير في الوقت دا بتحضر الغدا ونزلت علشان تشتري شويه حاجات كدا ناقصين البيت وهي نازله علي السلم قابلت جيرانها وسلمت عليهم وقالت لعم عبده البواب يبقى يجيبلها شويه حاجات من البلد.
هدير:وصلت للمحل وقابلت وفاء ازيك عامله ايه
وفاء :الله يسلمك ياحبيبتي انتي عامله ايه وايه اخبارك انتي والولاد واستاذ شادي
هدير:كلهم بخير الحمد لله المهم انتي كويسه وولادك بخير
وفاء:الحمد لله في نعمه والله
هدير:بعد ازنك ياحبيبتي بقا هروح انا اشتري شويه حاجات. ابقى اسألي يااختي مش كدا وضحكت
وفاء:وهي بتضحك خلينا نشوفك تاني. ومشيووو...
هدير:روحت من غير ماتشتري حاجة واعتمدت على الحاجه اللي هيجيبها عم عبده البواب.

عند استاذ شادى في الشركه......
شادي قاعد على الكمبيوتر بيخلص الشغل والايميل اللي اتطلب منو
وائل:شادي ايه خلصت ولا لسه؟
شادي :اصبر شويه خمس دقايق ويكون عندك
وائل طيب ماشي
شادي:بيتكلم مع نفسه_*... مالك في ايه؟ كبرت! ولا تفكيرك في ولادك ومسؤلاياتهم تعبك؟ يلاا كدا كدا هتكبر. وسكت*_
ودخل عم سعد:الشاي اللي حضرتك طلبته يا أستاذ شادي
شادي: شكرا يا عم سعد تعبتك معايا
عم سعد:لايبيه متقولش كدا
شادي:طلع فلوس من جيبه واداها لعم سعد
شادي:خد الفلوس دي يعم سعد يمكن تحتاجهم وقت زنقه ولا حاجة هات حاجه للعيال وانت مروح
عم سعد:تسلم يبيه ربنا يديلك وميحرمناش من خيرك ويديلك على قد نيتك ويريح بالك ويعينك ويقويك يارب.

في مدرسة بتول....
حضرت بتول اول حصتين ونزلت قعدت تحت في المكان اللي بتقابل فيه صحابها (مرام _اسيل) هما اتاخروا شويه وهيا جابت اكل من الكانتين وفضلت مستنياهم
اسيل:يبنتي كل لما اشوفك القيكي بتاكلي اعملي حاجة تانية بقا وضحكت وقالت دا بسكوت دا بحبو هاتي هاتي
بتول:وهي بتضحك حوش حوش شوف مين بيتكلم طفسه طول عمرك وضحكت خدي يااختي
بتول ل اسيل:صحيح فين مرام؟
اسيل:والله مش عارفه كانت هنا من شوية هتلاقيها راحت تجيب حاجه وجايه
بتول :ماشي ياختي. بيبسي دا وضحكت

عند حمزه.....
حمزه في كافيه مع صحابه (عمار_ واحمد) قاعدين قاعده شباب وبيتكلموا
حمزه:الا انت ياأحمد ناوي تشتري العربية دي بجد ولا ايه
احمد:بص ياصحبي هي عجباني بصراحه وداخله دماغي بس انا مش معايا المبلغ كلو فمستني شويه لحد مااجمع المبلغ واجيبها ان شاء الله
حمزه:اممم فاضلك في رنج كام كدا من المبلغ دا ممكن اساعدك
احمد:لا يعم انت أولى بيهم بكره ربنا يحلها
حمزه:عيب يعم انت كدا والله انت اخويا مفيش بينا الكلام ده اعتبر الفلوس معاك من دلوقتي
عمار :ايه دا انا الدمعه هتفر من عيني وضحك ربنا يخلينا لبعض
حمزه:يارب
عمار:عملت ايه في الموضوع بتاعك
حمزه :اهي ماشيه بكره مسافر أن شاء الله
عمار واحمد :توصل بالسلامة يا رب متنساش صحابك بقا وضحكوا.

عند مريم وسلمي...
كانو في الوقت دا مع بعض حقيقي انا فرحت جدا اني اتعرفت على حد طيب وقمر كدا.
مريم :ربنا يخليكي دا بس من زوقك ياقمر
ايه مش هتيجي اوصلك معايا
سلمي:لا يحبيبتي روحي انتي انا مستنيه ناس صحابي كدا وهنمشي سوا
مريم:خلاص اللي يريحك. يلا اشوفك بكره باي باي
سلمي:باي باي يقمر ومشيو.....
سلمي وهي ماشيه افتكرت انها نسيت تاخد رقم مريم فارجعت تاني
سلمي:مريااااااااام مريااااااااام
مريم:ايه يا سلمى في حاجة ولا ايه
سلمي:نسيت بس اخد رقمك معلش
مريم :لا عادي محصلش اكتبي وقالت الرقم....
سجليه بقا
سلمي :تمام باي بقا
وروحت مريم وروحت سلمي.

كمان حمزه خلص مع صحابه انه هيكون عندهم بليل علشان الحاجات اللي اتفقوا عليها
وقال هروح اجيب بتول وانام شويه كده ومشيواا
وبعد ساعات كانو كلهم في البيت ماعدا استاذ شادي.

في شغل استاذ شادي....
خلص الايميل وخلص كل الشغل اللي اطلب منه وقعد يفكر في كلام عم سعد والدعوات اللي كان بيدعيها علشانه وقعد شارد لحظات وفتح الفون بتاعه وقعد على فيسبوك شويه كده وهو قاعد حس بحاجه غريبه اول مره قال ممكن بيتهيالي بس تاني مره قال اكيد دي مش  تهيئات وداخ نادي ع عم سعد علشان يلحقه وجه وجبله ميه وبعدين بعد شويه راح ركب عربيته بعد  ما ارتاح شويه ومشي وروح

شادي:بيخبط على الباب وهو مش قادر
هدير :فتحت  الباب بس ماحستش ان في  حاجه مختلفه
وشادي دخل الاوضه ينام.

استنو باقي الأحداث وتوقعاتكم استاذ شادي مالو؟
متنسوش تشاركوني في الكومنت ❤️🌸

Nada Ahmed 💙🌏