قالت لي ي بتي والله م عارفه اقول ليك شنو لكن عايزاك ترجعي لفهد، قلت ليها عمتي دا كلام شنو دا، قالت لي والله البيت بقى م ليهو طعم ولا بنقعد زاتو والله، فهد مما خلى الجامعه وبقى شغال ف المستشفى بقيت م بشوفو نهائي في البيت ورميساء اصلا م بتبيت في البيت مره مع صحبتها مره مع بنات اهلها، يعني انا قاعده براي في البيت، انا م بقدر على ده كلو ي غدير ي بتي، وبعدين زاتو فهد اتغير م زي زمان والله، فهد خلى البلاوي الكان بعملها زمان ديك كلها، والله اتغير ي غدير، غدير فهد دا بحبك وكل مره بحكي لي بيك وانه عايز يرجعك لكن ضميرو مأنبو، ضميرو م بسمح ليهو بعد السواهو فيك لانه م ساهل والله💔، لكن اسي هو عايز يرجعك لانه بحبك الود دة، اي عارفاهو شليق وقليل ادب وما مربى لكن حبو وريدتو ليك فوق كل شي، عايزاك تفكري ف كلامي دا كوييس، وحتى لو م رجعتي مكانتك ف قلبي م حتتغير وحتفضلي بتي البريدها لحدي م ربنا يشيل امانتو❤️، قلت ليها عمتي م تقولي كدة ان شاء الله عمرك طويل وتحضري عرس تيم دا، قعدت تضحك قالت لي ويييين ي بتي بعد دا خلااص، قلت ليها م تقولي كدا يااخ،قالت لي المهم اشوف اولادي ديل مبسوطين، تاني م دايره شي من الدنيا دي ❤️..في العربيه اي واحد فينا ساكت، قال لي امي قالت ليك..، قلت ليهو اي قالت لي، قال لي طيب وانتي؟، قلت ليهو انا مالي؟، قال لي رايك وكدا؟، قلت ليهو م دايره اتكلم حالياً، ممكن؟، قال لي مم جداً، وصلنا وقال لي بكره الصباح ح اجيب تيم، قلت ليهو طيب تمام، قال لي غدير؟، قلت ليهو ايوه؟، قال لي بحبك وتصبحي على خير، عاينته ليهو من فوق لتحت ونزلت، دان لاقتني بره ف الحوش، كانت بتتكلم ف التلفون قالت ليهو برجع ليك بعدين، قالت لي مالك؟، قلت ليها ماف شي، قالت لي ماده بوزك د مترين وماف شي؟، اوك اصلا قايمه خاشة جوة، قلت ليها عمتي بتول دايراني ارجع لفهد، جات راجعه قالت لي وتت؟، قلت ليها بالظبط كدة،قالت لي لا كيف ترجعي لفهد بعد السواهو ده، قلت ليها م عارفه والله راسي متنااقض وداير يطرشق من التفكير💔، قالت لي م تفكري ف الموضوع دا لانه م حترجعي ليهو، قلت ليها اصلا م حارجع، بالمناسبه كنتي بتتكلمي مع منو، قالت لي دا عدنان🙈❤️، قلت ليها اششي ع عدنان لكن 😹، قالت لي غدير م تتافهي عليك الله، قلت ليها اها وقال ليك شنو، قالت لي يعني ح يكون شنو الود بتغزل فيني تافه خلاص، قلت ليها وانتي الاتفه البتسمعي وبتضاحكي😹💔،قالت لي غديييييير!!، قلت ليها خلاص يختي سكتتهه 😹💔...
" العشرين من اغسطس "
كنت بتكلم مع امين، جاتني دانية جاريه قلت ليها ف شنو يبت!!، قالت لي عدنان وابوهو جو 😭💔، قلت لامين برجع ليك قال لي طيب، قلت ليها نعم نعم!!!!، قالت لي جو جو والله جو انا اسي اعمل شنو ولا شنو 😭💔،قلت ليها ابردي عليك الله الود اخيرا ح يتقدم ودي حاجة كويسة ي دان، زعلانه ليه اسي؟، قالت لي لانه واحد حيوان وم كلمني وم قال لي اي حاجة 😭💔، بقيت بضحك قالت لي بتضحكي لييهه تضحكي بلاا سنون😭😭😭، قلت ليها داااان ياخ اهدي حبتين وخلينا نجهزكك، قالت لي لا م حاعمل اي شي مش هو م وراني انا م حأجهز!!، قلت ليها دااااااان!!، عشان يقنع منك ويمشي لغيركك مش؟، قالت لي الله ياخدك ارح،لبستها فستان م بين خوخي وبني منقط بالابيض وجات قطوف مكيجتهاا المهم طلعت حلوه❤️❤️، ياهم الجماعه الطيبين بهناك مع هاشم وعمي الوحيد يااسر جا، دان حايمه من هنا لهناك وتاكل ف اظافرها قلت ليها دان اهدي!، قالت لي اهدى كييييف اهدى كيف اناا، ي بت عدنان د انا بعرفو اسي ح يتهور ويقول نعملو عقد😭💔، قطوف قالت ليها اريتو حالي ي يمه ي بت انتي متخلفه ولا متخلفه 😹😹، بجد عدنان د راجل كويس شديد وم مفروض تضيعيهو يعني اسي كان قال عقد تعقدو طوالي الفي شنو والماف شنو،مش بتحبو بعض وكدا؟، معناها مواضيعكم سالكةة يحبي 💛💛،دان قالت ليها بجد؟ ،قالت ليها بجدييينن وحبوبة كمان، اسي يريت طنط كانت معانا، قلت ليهم انتو جاادين م وريتو طنط!!!!، قطوف قالت الليله ووووووووووب الليله المووووت💔💔،قلت ليهم براااحه دقو عليها ووروها الحاصل حبة حبه ولا ادوني التلفون ادق عليهاا، جات رفيف وكانت بتتكلم ف التلفون،قفلت السبيكر بيدها قالت طنط مولعه هاك ي غدير اتكلمي،ادتني التلفون وانا برررجف بس اسمع ليك صريخ وردح من ماف، قلت ليها طنط طنط لاا طبلتييي انتهت 😹😹💔، قالت لي ياخ الله ياخدكم وحدة ورا التانية يجوكم عرسان وم تقولن لي انا م امكن انا م ربيتكن ياخ انا زاتي بضيع وقت وانا بتكلم معاكن وتييتتت قفلت الخط 😹😹💔، المهم كلها نص ساعه وجات تردح تاني، فجأه بقت ماسكة راسها، قالت ورح، قلت ليها شنو الورح؟، قالت لي الغداء امشي طلعي الفطاير المجمدة دي واقليها وقطعي لي ٤ بطاطسايات وجزرتين وطلعي البازلاء من الفريزر، قطعي سلطه خدراا وقشري معاك ٤ اسود، قلت ليعا طنط!!!!!،قالت لي ايوة!!، قلت ليها ريييلااااااكس الموضوع ماشي كويس والناس دي م طايره عشان كدة ابردي عليك الله🙂، قالت لي ابررددد كيييييف بس وريني ابرد كيف البت جاها عريس واسي قاعدين في الصالون وانتو م كلمتوني اسي اعملي القلتو ليك ولا حطبخك انتي!!، قلت ليها حااضر😹😹،المهم عملنا الغداء واتغدو،والموضوع مشى كويس،وقالو جايين الاسبوع الجاي يوم الخميس ناس خطوبة وكداا❤️،تاني امين دق علي قال لي ف شنو يبتنا، قلت ليهو عدنان جا واتقدم، قال لي بالله كويس والله ربنا يتمم ع خير❤️، قلت ليهو تسلم، قال لي عقبالنا كداا؟ 🌚، قلت ليهو امين 😹💔، قال لي ف شنو ياخ انتي بتحبيني وانا بحبك انتي وولدك الزي المارشملو دا، قلت ليهو كدي منو القال ليك اني بحبك كدي النتفااهم، قال لي انتي دي، قلت ليهو متين دا؟، قال لي م مهم متين المهم انك قلتي،قلت ليهو امين الله يهديك قول امين🙂💔، قال لي انا اسي قلت شي غلط؟، بعدين انا حاسي بيكك والشعور دا ماشي منك لي دايركت ولاا م كدة 😹،قلت ليهو م كدة،قال لي طيب انا حمشي انوم لانه وراي شغل كتييير بكره عندنا اجتماع مع شركه بلجيكية يعني جكس بلجيكي درجهه اولى، قلت ليهو جكس؟،قال لي اي طبيعي يكون في جكس وكمان المدير التنفيذي للشركه بنوتهه اقسم بالله تتاكل بجزمتهاا❤️، قلت ليهو طب امشي نوم عشان تلاقيها ان شاء الله تضوي ليكك😪💔، قال لي غدييروو البتغيير😹😹💔،قلت ليهو امين اتلم احسن ليكك!!، قال لي طيب بحبكك❤️،قلت ليهو م انا كمان يلا فرتق وقفلت فوشو😹😹💔...
