انا معاك في كُل مرة ومُرّة ❤️...
كالعادة،أمين الفاضل الدايماً بفاجئني بتصرفاتو،م كُنت متوقعه ردة فعلو تكون بالشكل دة،إتوقعتو يشيل حامل الدرب دة ويدقني بيهو، او يشربني الدرب،او يطلقني وانتهى كل شي 🙂💔،لكن لأ،دايماً بثبت لي انه اختياري كان صح،وانه ال٥ سنين الفاتو م مشت ساي 💛..
" الثلاثين من نوڤمبر "
منعوني من الطلعة نهائياً، نسبة لأنه رئتي اتضررت اكتر من المره الفاتت،الحاجه دي اثرت علي،يعني م حاقدر ارجع العياده مهما كان،يعني عيادتي شبه إتقفلت 💔،ودي حاجة أثرت على نفسيتي بشكل كبير 💔...، فجأه الكُل بقو مهتمين بي ودان خلت بيتها وجات تبيت معاي عشان تاخد بالها مني،امين بقى يجينا كُل يوم وباقي اليوم بتمو ڤيديو كول،المرضى العندي في العيادة بجو بزوروني وبتونسو معاي، من ضمنهم فهد طبعاً الماهضمتو لحد اسي، اكتر واحد كان بهتم بي تيم ولدي،انا م بخبي شي عليهو لانه هو اقرب زول لي،عارف كُل اسراري ف عشان كدة م مخبية عليهو موضوع مرضي وهو متفهمو تماماً ومهتم بي وكل دقيقتين بجي بسألني " ماما عايزة حاجة؟"..،م قلت ليكم تيم دة نعمة 💛..الليلة امين جانا،لكن م براهو،كان معاهو فهد،الشي الملاحظاه انهم بقو اصحاب!، من يوم امين اختفى داك،وم بقو يتناقرو ويتشاكلو،المهم لمن جونا كانو بضحكو والاتنين متفاهمين جدا لمن استغربت 🙂..،يعني اغرب شي تلقي طليقك وراجلك متفاهمين وقدامك بالصورة دي 🙂🙂...، المهم قعدو وكداا، لمن قعدت امين غير مكانو وجا قعد جنبي وخت يدو في كتفي،حسيت فهد اتحسس وكدا،قلت لامين في اضانو " قلة ادبكك دي م وقتهاا خالص"..، قعد يضحك،فهد عرفنا بنتكلم في شنو قال لينا ياخ ماف مشكله اخدو راحتكم ع الآخر ...فهد يقول الكلام دة؟!، اصلو م ممكن،دة م فهد الكان قبل كم يوم ببكي عشان م قدر يتجاوزني ببسااطة بقت شوفتو لينا انا وامين سوا عاادي ولا كأنه حصل شي؟، في شي غلط م ممكن الامور دي تمشي بالشكل دة ... امين قال ليهو لالا انا اصلا قليل ادب ولا م كدة يافردة؟،قلت ليهو اي كده بس وزح يدك دي خليني امشي اشوف الحلل ديل كان حرقن م بشتغل بيكم باكل وبخليكم،امين قال لي بتاكلي وتخلينا؟، حالتي كنت عايز اطلب لينا بيتزا لكن طيب طيب 😂😂💔..، اترميت جنبو وقلت ليهو قلت لي الاخبار شنو؟، فهد قعد يضحكك قال لي بتاعت مصلحه من يوم عرفتك 😂😂😂💔... " من يوم عرفتك " الجملة دي حركت فيني حاجة 💔... امين طلب البيتزا واتغدينا ودي كانت اول مره اضحك مع فهد وامين سوا 🙇🏽♀️❤️،إتبسطت من شوفتهم بالصورة دي سوا،فهد قام طالع،أمين حنسو وكده قال ليهو لالا والله وم بقدر ورميساء براها وو..، انا برضو حنستو ابى يقعد قال لي م بقدر،لمن جا طالع قدمناه انا وامين للباب،امين كان خاتي يدو في نصي وفهد لاحظ للحاجه دي قلت لأمين يدك!، عاين لي بطرف عينو وودع فهد،امين قال لي يدي مالها؟،قلت ليهو م ظريفه تختها بالشكل دة قدام الضيوف،فهد اتحسس يا امين،قال لي وخليه يتحسس، الراجل طليقك م بعني ليك اي شي!، قلت ليهو برضو م حلوة،قال لي يااربي،غدير انتي عندك ليهو مشاعر؟،قلت ليهو امين مشاعر شنو انت التاني عيب تعمل كدة قدام الناس!!، انا اسي قلت ليك بحبو لمن تقول لي كده؟، مديت بوزي ولفيت منو،قال لي اسف م كان قصدي، م رديت،قال لي غدييير بطلي عبط،برضو م رديت، قال لي انا مااشي،قلت ليه تخليني برااي 🥺💔،قال لي شافعه عويره،قلت ليهو انا شافعه ي امين بطولي د كلو انا شافعهه؟😒،قال لي اييي شافعه وم تجري وراي لانك ح تنتهي 😂💔، قلت ليهو امين طير شوف شغلتك وتاني م تجي طنط ح تقطعكك، قال لي مماااااااااام بجي،قلت ليهو ايي عشان ترجع لحمه مفرومهه 🙇🏽♀️💔..
