بعد ضيق التنفس الجاني قلبي إتوقف وعملو لي صعقة كهربائيه، الخط المستقيم بقى بتعرج وبنبض تاني، هناء دخلت في صدمة، واتجرست ودقت ع اهلي كلهم وقالت ليهم غدير ماتت 🙂💔، انا مت ورجعت تاني للحياة ...دكتور عبد الرحيم جا، وقال لي انتي م كنتي موصله الانبوبهه لوقت طويل والاكسجين وفوق دة دخل ليك هواء ملوث، قلنا ليك تاني مافي طلعات ياغدير تاني ماف طلعااات، هناء قالت ليه معليش ي دكتورنا لكن دة الحب وما يفعل 🤣💔، بقينا نحدر ليها لحد م سكتت، قال لي ع العموم تاني طلعات ماف وعرسك دة العربيه تقيف قدام الباب غير كدة الغوه كلو كلو عشان تقدري تعيشي معاه لحد م نلقى المتبرع...طنط كانت ح تضبحني،دة غير دان وعدنان وقطوف وهاشم وتيم زاتو م قصر زعل مني وحردني عديل 🙂...، امين كان مخبي زعلو عشان عشان الجو كان مكهرب وهم زاتهم مكهربين بس دايرين ينتهو مني، في عز الجو داك إحتجت أني ابكي، م عارفة بس حسيت اني دايرهه اغسل عيوني، م عارفه اذا هم حسو بي وطلعو كلهم وفضل امين، بقيت ببكي وبتشهق وهو بحاول يهدي فيني بس م قادر، شعور عجزو دة كان واضح جدا على ملامح وشو، قام من محلو وحضني وبقى بهدي فيني، قال لي غدير ممكن تهدي عشان انا م بعرف اهدي لي زول؟، غدير الله يخليك بطلي بكى،بقيت ماسكه في قميصو وببكي، قال لي غدير ،خلاص؟، قلت ليه اي، قال لي طيب عايني لي،قلت ليه مام م بعاين ليك،قال لي طيب بحبك؟ ❤️، قلت ليه انا كمان لكن انا م بستاهل م بسمع الكلام، قال لي انا إتأكدت اني معرس لي شافعه عويرة واتورطت،قلت ليه اصلا كلو بسببك انت والجكس بتاعك دة، قال لي يعني افهم انه ضيق التنفس الجاك دة من كلامي؟، قلت ليهو افهمو بطريقتك،بقى ضاميني وبضحك شديد قال لي اشفع منك م لقيت ورب الكعبه 😂😂😂😂💔،قلت ليه اشفع منك دي شنو؟، قال لي ياخ انتي مالك واي منك عسل ياخ😂😂😂😂💔،قلت ليه م تقول لي عسل الكلمة دي بتستفزني، قال لي كويس وريتيني عشان اوريك الاستفزاز الصحي 😂😂💔، قربت اكفتو زحيت منو قال لي ماشة وين؟!،قلت ليه انا ح يخرجوني اسي يلا اتخارج، قال لي ماااام،قلت ليه مام دي بتاعتي انا، قال لي اممممممممم،قلت ليه امممم دي بتاعتي انا، قال لي هو شنو هو كل شي بتاعي بتاعي م نحن واحد م فرقت ياخ،قلت ليه عكس فرقت بتطلع مني احلى 😂😂💔، بقى يعاين لي قال لي قومي البسي خلينا نتخارج قبل م تخرج روحي 😂💔...
" الحادي والثلاثين من ديسمبر "
مية مرة قلت ليهو م عايزة لي زفاف، بالكتير جرتك وانتهى الموضوع، لكن هو م مقتنع، بقول لي ومالو كان فرحتي مرتين؟!، م حبيت اجادلو، لانه دي المره الاولى ليه، م زيي دي المرة التانيه، م عارفه الناس ح تقول علي شنو، انه انا مطلقه وعندي ولد وكمان فاتحه نفسي للعرس وبزفاف كمان، قلت ليه الكلام دة، قال لي ح أعتبر نفسي م سمعت الكلام دة، وبعدين مالو كان اتكلمو الناس، اليتكلمو، مالنا ومالهم نحن اتنين عايزين نفرح م من حقنا؟!، قلت ليه شكلي ح يكون شين ومعاي شنطه الاسطوانه، قال لي دي م مشكله،وم حتكوني شينه زي م انتي شايفه، اهم شي اني شايفك شي تاني، اهم شي اني بحبك بكُل حالاتك ❤️...الليلة العرس،الكلام دة كتبتو بعد العرس بيومين، دفتري دة بلحقني في اي حتة واول زول " اي زول دة اهم منكم كلكم " يصل بيتي ان شاء الله، امس امين خلاني انوم من ٨ مساء وموصي هناء علي وهناء جات وشالت التلفون واللابتوب وقفلتني في الغرفه 🙂💔💔، يعني قهر قهر قهر م طبيعي،صحيت اليوم التاني من الفرحهه م قادرة اكل 😂💔، اكلوني شويه بالغصب وانا م عايزه اكل،اكلنا واتحركناا بعربياتناا وهناء سايقه عربيتي وحتمش بيها الصالة اخخ ي زمن، اليوم كلو م سأل مني ولا قال كدي اشوف غدير دي حية ولا ميتهه 🙂💔،بعد العشاء وبعد لبسوني الفستان يدوب نفسي فتحت للاكل،قلت ليهم ي بنات، قالو لي ايوة، قلت ليهم عارفين نفسي في شنو؟!،هناء قالت لي اكيد نفسك ف امين يعني حيكون شنو انتي واسألتك الذكية دي😂😂💔،قلت ليها التفاهه يخلوها ليك، عاينو انا نفسي في شاورما دجاج مع اكسترا توم، وكان م جبتوها لي م بتحرك من هناا، هناء قالت لي انتي بتتوحمي ولا شنو؟، قلت ليها انتي خاصة لمي خشمك دة عليك، انا دايرة الشاورما اسي اسي اسي دي ولو م جبتوها م بتحرك من مكاني امشو هججو هجيجكم وارقصو وخلوني انفرد مع شاورمتي 😌👏🏽، قطوف جات من بعيييد ومسكت يدي قالت لي دة شنو الفي يدك دة نفسي اشوفو من قبيييييل، انا بقيت ببلع في ريقي، قالت لي دي شنو دي؟!، قلت ليها اتحرقت،قالت لي حرق قدر دة ولونو بني؟، قامت شمت يدي قالت لي دي حنة، قلت ليها حنة شنو؟، قالت لي م عارفة لكن دي حنة وماف زول يغالطني، دان قالت لي غدير م يكون الفي بالي، قلت ليها شنو الفي بالك؟!، قالت لي انتي عارفة م يحتاج نعمل فضيحةة، قلت ليها ي زولة وريني كدي؟، قالت لي غدير مشيتي حنتو صح؟!..كانو ح يدقوني،اي اليوم داك عرفو اني طلعت لكن م عارفين انا مشيت وين، لا هناء اتكلمت لا امين وراهم، الناس هاجت علي وانا قربت ابكي، طنط قالت ليهم ياخ خلاص حصل الحصل وانتهى، الناس ديل ٥ دقايق ويجو اجهزو،بالفعل جهزنا وانا قاعده مبرعمه وماده بوزي جو داخلين، امين كان متحمس شديد وواضح على ملامحو الفرحة، شافني مادة بوزي قال ليهم دي مالها؟!، طنط قالت ليه عرفناا، قال ليها بشنو؟!، قالت ليه بموضوع الحنهه..،قال ليهم دي م عوجه ولا مشكله كبيره تزعلو منها بسببها، المهم يلا بعد دة نمشي،انا للوقت داك م شفتو، رفع لي راسي بيدو بعداك قدرت اشوفو و يريتت م شفتو 😕💔..، كان لابس توكسيدو سوداء ارهب مني وحالق حلاقتو تقول حالق بمسطرهه ماشاءالله 😂❤️❤️..، مسك يدي وقال لي حبيبي الحلو م بزعل صح؟، قلت ليه م تتكلم معاي كدة انا م شافعهه😔💔،باسني في راسي وقال لي احلى شافعه فيك ي دنياا محظوظ بيك اناا وياارب اقدر اسعدك وان شاء الله ح اسعدك وم اشوفك زعلانه او مكشرهه في يوم بحبكك ي بت النااس ❤️❤️..حسيت اني مالكة سعاده الدنياا كلها بكلماتو البسيطة دي ❤️، ريدتي ليهو كانت اكبر من انها تتقاال بالكلمات عشان كدة إكتفينا بانه نعاين لبعض ❤️...، في النهاية لبسني الانبوبه حقت الاوكسجين وهو شال الشنطه بتاعتها وقال لي لزوم الشارع انا م داير اي شي يحصل ويخرب لينا يومنا دة تمام؟!..، لمن وصلنا العربيه لقيتو جايب بيتزا واتنين شاورما 😂😂😂، قلت ليه واايي بحبكك اناا بتحس بيي حبيبيي 😕❤️❤️،قال لي م بحس بيك او كدة لكن انا اتعهدت انه في يوم عرسي انا ومرتي ناكل في العربيه قبل م نصل الصاله 😂😂، قلت ليه يعني م حصل تسريب اخبار من عندنا؟!، قال لي والله استعنت ببعض الافراد القالو لي انك كنتي جعانهه وحردتي المشيهه كمان 😂😂😂💔،قلت ليه بتعرفني انت كان م اكلت م بتكون عندي طاقه او نفس لاي شي🤷🏽♀️..، قال لي ومنو البعرفك زيي يلا سمي انا جيعاااانن م ماكل شي من الصباح وحاكل اسي نظام البرستيج بعدين في التورتهه😂💔،قلت ليه برستيج شنو كان م وسخت ليك بدلتك السمحه دي م ببقى غدير استنى بس 😂😂😂💔..في العربيهه يشيل ويترمسنن وانا بسكت فيهو 💔😂 وكان سايقها مراد وجنبو قطوف، قال ليها عارفهه ي قطوف لو نحن م جينا زولك دة كان اتهور 😂😂😂💔،قالت ليه اي بعرفو مش امين دة اصبري لي م بخليهو يقل ادبو هنا 😂، بقى يقول ليهم إتامرتو علي ي خونه ي كلاب؟، دة حالتك قلت لي حنك لي مع صحبهه غدير السمحه دي 😂😂💔،قلت ليهو ياتو وحده؟!، امين قال لي هناء المتخلفةة، قلت ليه متخلف انت هناء دي م تغلط فيها اوعااااك تغلط في حمواتك يزول 😂😂💔...،ضحكنا ضحك م طبيعي تقول العرس م عرسي وانه انا وامين اخوان بس 😂💔..، بحب حتة اني م بخجل منو وم بيننا قيود زي اي عرسان جداد لا بنقل في ادبنا وبنتناقر عادي جدا زي الشفع 😂😂💔، فجأه الناس سكتت وانا وهو بقينا نعاين لبعض وبقى في فلم هندي قصير والاخوان طبعا م مقصرين ابدا، مراد قال لينا اها ي جماعه نطلع نخلي ليكم العربيه يعني ولا كيف؟، قطوف بقت تغني تيري ميري جانا سننمممم😂😂😂😂😂💔، تافهينن خلاص امين قال لي اجدعهم ليك والله م ليهم لازمهه😂😂💔،مراد قال ليه ي زول بعتني كده وصحبه ١٢ سنه في النهايهه " تجدعني؟"، قال ليه كلو بهون عشان غدير ❤️❤️..م عارفه الذكرني بفهد شنو ولشنو جا في بالي في اللحظة دي بالتحديد!!، هل لاني عشت معاه اللحظه دي قبل ٧ سنين؟!، هل ح يجي العرس؟، امين صاحبو، لكن انا طليقتو، يجي كيف بس، غايتو ي غدير انتي وتفكيرك دة ... العرس كان اجمل من الجمال نفسو ❤️، م بتذكر انه أمين كان مبسوط بقدر بسطتو الليلة 🙇🏽♀️❤️، يعني الضحكة ح تشرط وشو من الفرحة وكل شوية يعاين لي وبغمز قليل ادب🤦🏽♀️، احلى شي انه تيم م فاهم شي بس فاهم انه امو عرست وهو حضر عرسها 😂😂😂😂..، حرفياا دة كان احلى يوم في حياتي ااي احلى يوم في حياتي زواجي من فهد م كان بنفس احساسي وفرحتي هنا، فهد م كان مستاهل اي شي من مشاعري ولا ذرة انا ناضلت وكافحت عشانو وعشان يتعدل عن الطريق الكان فيهو لكن في النهاية خذلني 💔.. هداك ليه، شايفاه من بعيد برقص، م فرحان، م شايفه الفرحه في عيونو، برقص عشان يخبي المو، الجايبو شنو اصلا؟!، اسي يقولو البت عرست وطليقها حضر العرس، بجد نفسي اطردو لأنه لو م مشى ح ينهار، دقيقتين بس واختفى عن الانظار ... الحفلة انتهت وجرتكونا وكلو مشى باسطة ❤️..، بعد البكى والعوارة والكلام الكتير داك مشينا شقتنا، قلت ليه انا عايزه اسافر، قال لي ح نسافر لكن م اسي،قلت ليه اها متين ان شاء الله؟!، قال لي لمن نرتاح وننجم حبة عشان م تموتي لينا في نص السفرة، قلت ليه انا حزينة راضيني 😔...،قال لي اي براضيك بس نصل البيت 😂😂😂😂،قلت ليه لااا لا م زعلانة ولا شي لكن جيعانة 🌚💔، قال لي ماكلة خمسة قطع كيك اكبر من راسي وشاربة ليك جركانة موية وتجي تقولي لي جعانه؟، قلت ليه خمسه وخميسهه تف تف ماشاءالله، قال لي م تبزغي فيني هاا، قلت ليه بتقرف مني؟، بتقرف من مرتك ي امين؟، اخس، اخس عليك اسرع انا عايزه ازعل منك في البيت، لمن وصلنا البيت وفتحو كان عبارهه عن ياسمين اصفر في اي حتةة يعني مهما وصفت ومهما قلت م حتتخيلو جمالو 💛، حديقة اي حديقة واسعه فيها اي نوع زهور او ورود بخطر على بالك وفي نافورة قدامها مرجيحهه برضو حبالها موردة يعني البيت كان قمة في الجمال 💛💛..قال لي اها كيف وكيف؟!، قلت ليه دة سؤال ليك؟، قال لي رهيب صح اصلا ااصلاا امين م بجيب ولابعمل الا الحاجات السمحة الله يحفظني ليك بس 😂😂،وقفت ليه قدام الباب قلت ليه يلا، قال لي يلا شنو؟،قلت ليه شيلني يعني شنو؟!!، قال لي اشيلك انتي؟، قلت ليه انت عارف اي انا غلطانة مفروض اركب في ضهرك ومشيت ركبت ف ضهرو 😂😂😂😂😂..،بقى يكحكح وبقول لي ي بت ي بت عمودي الفقري اتلوى الله يفقر عيشتك انزلي ي بت 🤣🤣🤣.. ،قلت ليه ماااااااامم ماااام يلا اتوكل امشي... بعد غيرنا ملابسنا رقدت وجا رقد جمبي، يعاين لي وانا اعاين للسقف قلت ليه لم عيونك ديل بلا قلة ادب معاك، قال لي م مستوعب اني اخيراا ح اصحى ع صوتك وع طلة وشك الحلوة دي💛، قلت ليه يعني مفروض اخجل؟، قال لي غلطانن اناا يلا تصبحي ع خير واتقلب ع الجهة التانية🙂💔..، قلت ليه امييين،امييييييين،اميينييي،امين بلافشكلك م تسفهني!!، م برد علي🙂💔،قعدت ف نص السرير وبقيت بنطنط وبقول ليه كان سفهتني بنطنط م عندي شغلة فيك، شال البطانية وعايز يمشي سحبتو من قميصو وقع ع السرير، قلت ليهو ماشي وين، قال لي م شغلتك،قلت ليهو لا انت راجلي ووحبيبي ولازم اعرف كل تحركاتك، استعدل وخت يدو في خدو وقال لي كدي قوليها تاني 😂😂😂😂،قلت ليه شنو؟،قال لي كلمة بحرف الحااء،قلت ليه حمار صح؟، سكت وعايز يقوم سحبتو تاني قلت ليه خلاص بطل وربي بهظر😂💔،بقى يقاويني وعايز يمشي قلت ليه بحبك😂❤️،دللللل وقع ع السرير قال لي وانا برضو ي عوووومري " بصوت فدوى 😂😂😂😂😂😂💔" ..
يتبع....
