نبضات القلب بقلم دنيا صابر

الفصل الحادي عشر

روايه نبضات القلب: بقلمي دنيا صابر
الفصل الحادي عشر :
__________________
احداث تذكريه من الفصل اللي فات
حسام هيبدا علاج من اول وجديد
هدي انهارت و سيف شكله كدا ناوي يطلع عينيها و الجوازه شكلها كدا هتبقي هم
ادهم رفض وعد ف الوظيفه انها تبقي السكرتيره بتاعته بس بمساعده وتين و امير اتوظفت رغم اعتراض ادهم ادهم متعقد من البنات ليه
فاطمه حامل و شكل خطط فارس هتتغير و حياته هيبقي ليها طعم تاني يا تري فارس هيبدا يبعد عن نور ولا لا
بعد الشكله اللي بين نور و فارس يا تري اي موقف نور
اي اللي هيحصل ل احمد ف الماموريه بتاعته
الشكل و الخناقات بين وعد و ادهم مستمره زي ما مستمر الحب بين امير و وتين 😂نبدا بقااا😂

…………………………………………

هدي ف المطبخ بتحضر الاكل و كل شويه تتنهد بقالها شهر و سيف مش بيحاول يتكلم معاه و كل ما بيشوفها بيلف وشه و ع الاكل مش بيفتح اي حوار بقالها شهر مش بتشوفه الا صدف بعد اللي حصل اول يوم بعد ما اغمي عليها و اول ما صحت هو خرج من الاوضه و هو مدخلهاش تاني بينام ف اوضه الضيوف بيخرج لشغله و يتغدا و ؤنام شويا و بعد كدا يخرج متعرفش بيروح فين و يرجع وش الصبح هي كانت متبعاه بس خايف تتكلم معاه عايزه تبررله موقفها و تبينله انها مظلومه غلطت انها كلمت اسلام و وافقت تقابله بس اللي حصل بعد كدا مش بمزاجها ابدا هو اللي اعتدا عليها ازاي سيف قادر يظلمها كدا خرجها من وسط افكارها صوت ادهم و اخيرااا بقالها شهر مسمعتش صوته

سيف : الغدا جهز و لا لسه مستعجل و عايز امشي

هدي بتوتر : ثواني بس و هيبقي ع السفره

سيف و هو بيبص ع هدي من فوق لتحت هو ملاحظ من فتره انها خست جامد و باين عليها الارهاق و مع ذلك مبين انه مش مهتم

صمت ع السفره

هدي و هي متوتره : كنت حابه اتكلم معاك ف موضوع

سيف بحده : وانا مش عايز اتكلم ف حاجه

هدي : بس انا عايزه اتكلم

سيف بقله صبر : هااا موضوع اي

هند : كان ف اعلان ان شركه ...... طالبه مواظفين ل... فانا كنت حابه ان اشتغل و الوظيفه كويسه ف كنت بطلب منك انك توافق اني اروح اقدم

سيف بعصبيه : لا مفيش شغل

هدي : ليه انا مخلصه كليه و تقديري كويس

سيف : هدي انا قلت كلمه صح مش عايزه اقررها تاني

هدي بانهيار : انت بتعاملني كدا ليه ولا اه صح انت مش بتتعامل معايه اصلا زي ما قلت لي قبل ما تتجوزني زيي زي الخدامه مليش لازمه تانيه و لا ليا راي انا عايزه افهم انت هتفضل تعاقبني لحد امتي ع فكره انت ظالمني و ظالمني اوي كمان انا مليش ذنب ع فكره انا الضحيه انا اللي اتخدعت و انا اللي اعتدو عليا بطريقه بشعه ذنبي اي انا عشان تعاملني بجفا كدا انا بعترف اني غلط ف اني كلمته و اني رضيت اخرج معاه بس مستحقش العقاب الطويل دا مستحقش المعامله دي انت مكنتش كدا انا بجد تعبت