تزوجت عفريت من الجن

تزوجت عفريت من الجن الفصل السادس

#الفصل السادس
#تزوجت عفريت من الجن
#بقلم ام ريماس صلاح
الحلقه بعنوان حبيبي قتل امى
...........
......
ام حور داخله عليها ومضايقه اوى.
حور: فيه ايه ياماما مالك.
ام حور: ابن خالتك شريف رجع من بره.
حور: بصدمه ايه.
ام حور: وزعل اوى لما عرف انك اتخطبتى لغيره.
حور: كل واحد بياخد نصيبه ياماما.
ام حور: وجاي هنا بعد شويه كلمنى وقال انه جاي يسلم علينا.
حور: ميجى اهلا وسهلا بيه كويس انه لسه فاكرنا وبلاد بره مغيرتوش.
ام حور: انا مكنتش عيزاكى تجوزى الا شريف هو ابن خالتك واولى واللي نعرفه احسن من اللي منعرفوش.
حور: خلاص ياامى بلاش السيره دى انا بحب مصعب وخلاص ومبسوطه.
ام حور: مصعب ايه ده كمان واحده  تحب واحد اسمه مصعب وبعدين انا مرتحتلوش ولا هو ولا امه
......
.......
في مكان اخر مصعب بيسمع كل كلامهم عن طريق الخاتم اللي جبهولها هديه.
مصعب: بيخبط الطربيزه اللي قدامه بعصبيه اللعنه علي هذه السيده

يدخل علي مصعب عفريت من الجن شبهه مالك ليه متعصب.
مصعب: انا الغلطه معايا باايه تعرف.
التانى: الغلطه معاك بقطع رقبه.
مصعب: والست دى حكمت علي نفسها.
التانى: ست مين.
مصعب: ملكش دعوه انت وسابه وطلع بره.
.....
.......
بعد حوالي ساعتين
شريف: وصل بيت خالته ومعاه بعض الهدايه.
فتحت له خالته الباب ام حور وسلمت عليه ورحبت بيه ترحيب حار جدا شريف معاه هدايه كتير اوى.
حور: من غير نفس ازيك ياشريف.
شريف: ازيك ياحور عامله ايه وحشتيني اووي.
حور: مردتش عليه كل اللي شاغل بالها مصعب حبت مصعب بجنون
انا نفسي مش عارفه امتى وازاى 🙄😔
ماعلينا نرجع لقصتنا.

ام حور: اتفضل ياشريف يابنى اقعد.
قعد شريف ام حور قدمت ليه مشروب ومقبلات شربهم وقعد ياكل ويحكى ويهزر ومصعب واقف بعيد في مكان ضلمه لكن كل حاجه واضحه قدامه كانه بيسمع تلفزيون
لكن حور مش بتتكلم وساكته وقاعده خوف ملامه مش اكتر  خايفه من امها
وده اللي مصبر مصعب شويه ومهدى غيرته غير كده كان ولع فيهم
: شريف: سمعت انك اتخطبتى ياحور الف مبروك مفيش نصيب ليا معاكى.
حور: الله يبارك فيك انشالله تلاقي بنت الحلال اللي تسعدك.
شريف: ياستى ولا ملقيش مش عايز.
ام حور: يمكن متمش ولا تجوزه اساسا هو انت تفتكر ان احنا راضيين.
شريف: ايه ده ازاى مانا شايف حور مبسوطه اهى اوى.
ام حور: هيا لكن احنا مش مبسوطين ولا انا ولا اخوها ولا خالك ولا خالاتك كلهم يابنى احنا منعرفلوش اصل ولا فصل.
حور: ياماما كفاية ميصحش كده.
ام حور: ياختى بلا وكسه اتنيلي.
شريف: حس ان حور زعلت جدا من كلام امها وحب يلطف الجو خلاص ياخالتى مفيش داعي للكلام ده كل واحد بياخد نصيبه وربنا يسعدها معاه.
حور: شكرا ياشريف بعد ازنكم وتسيبهم وتدخل جوه..
......
.....
شريف: مكانش يصح ياخالتى تزعليها كده حرام واضح انها بتحبه.
ام حور: حبه برص هو وامه والنبي لااطفشه اصبر بس عليا.
شريف: الله المستعان.
.....
.....
شريف يروح البيت
والدنيا هدوء بالليل بقا وام حور قامت تطفي الانوار عشان تنام طفت الانوار ودخلت الحمام لانها متعوده تتوضا وتنام..
شافت اللي محدش شافه في الحمام خلاها متتحملش المنظر اللي شافته مصعب طلع لها بهيئته الحقيقه اول ماشفته صرخت ووقعت في الارض
هيئته الحقيقيه مفيش بشر يقدر يتحملها مباشر كده انه يطلعله اي حد هيطلعله بالوضع اللي طلع بيه ده لاام حور هيموت علطول بسكته قلبيه وده اللي حصل لاام حور من الصدمه وكبر سنها متحملتش وطبت ساكته..
......
حور تسمع صرخه امها تجري تقوم تشوفها تلاقيها واقعه في الحمام.
حور: تصرخ تصرخ بصوت عالي تلم الجيران الجيران شالوها ودوها سريرها واتصلوا بالاسعاف اللي وصل وقالهم البقاء لله دى منتهيه ميته بسبب سكته قلبيه.
ويعملوا الاجراءت الازمه وحور الجيران كلهم حواليها بيهدوها ووصلوا اهلها كلهم خالاتها التلاته وخالها وواولادهم وكله واقف معاها وهيا منهاره تماما
دفنوا ام حور وابنها مش موجود في الجيش منزلش لسه اجازه وكلهم اهلها واهل ابوها وجيرانها مسابوهاش لوحدها بعد دفن امها الشقه مليانه خدو العزاء وكل واحد راح بيته الا خالتها وبناتهم فضلوا معاها هيباتوا معاها لان مينفعش يسيبوها لوحدها في الظروف دى لازم ياخدوا معاها كام يوم علي الاقل.
حور منهاره تماما وبتبكى بحرقه وتندب جامد وتتكلم وتعيط بحرقه.
فتحوا قران في البيت وقاعدين جمبها لغايه منامت فيه منهم اللي نام جمبها بنات خالتها وفيه الستات الكبيره اللي ناموا في الاوضه التانيه.
.........
في الساعه الثالثه فجرا كله نام.
مصعب: في غرفه حور بيلمس علي خدها بحنان صعبانه عليه انه عمل فيها كده وقتل امها وفي نفس الوقت لازم يزيحها من طريقه.
مصعب: قاعد جمب حور وبيلمس علي شعرها وخدها ومفيش حد حاسس بيه اساسا لانه مخدر البيت كله منيمهم مسح الدموع اللي علي عيون حور ونايمه بيهم وفضل قاعد جمبها كتير اوى لغايه مالفجر ازن والدنيا هتبتدى تشقشق نور الصباح راح مشى