لعنة الفراعنة (قيد التعديل )

مقدمه

مرااااااحب بالحلوين عووووده تانيه بعد روايه بنت الشيطان بجزئيها رجعت تآني بروايه يمكن أي حد يسمع إسمها يقول/ لا يا عم دي اكشن /لا أصلي مبحبش الرعب/ لا أصلها شكلها كده تاريخيه كده وممله
بس لا مش معلش أصل أنا اتفهه من كده بكتير 😂😂
الروايه زي ما عودتكم في كل رواياتي كوميدي من الطراز الأصلي مع شويه رومانسيه وإللي بيحب المغامرات والخيال مش مزعلاك طلبك برضو عندي 😂😂
طب يا ستي الروايه عباره عن إيه ؟؟🤔🤔
الروايه عباره عن قصه هتدور احداثها بين العصر الفرعون في مصر القديمه والعصر الحالي
_طب بالنسبه للبطله
_مالها ؟؟🙄
_أي صفاتها ولا عامله إزاي دي
_بصوا بقي البطله دي عايشه الدنيا بمبدأ لطش ولا يهمك يعني مستبيعه وإللي حب شخصيه سمر وشخصيه دانه أحب اقولك لسه ما شوفتش ميسره هانم وإللي بتعمله
😂😂
ميسره ماشيه بمبدأ ( عيش حياتك بالطول والعرض و الارتفاع كمان ومتحطش في بالك اوعي تعيش حياتك عشان ترضي الناس أصل الناس كده كده هيتكلموا سواء عملت إللي يرضيهم أو لا عيش لنفسك كل ثانيه عيش حياتك بكل مواقفها اضحك والعب وابكي وافرح واحزن الدنيا أقل من إنك تشيل همها إنت ضيف هنا عيشها بكل ظروفها بس متنساش وإنت بتعمل كل ده إن فيه رقيب متطلع عليك حط ربك قدام عينك دايما ماتحاولش ترضي العباد بل أرضي رب العباد وإللي يديك ضهره اديله علي قفاه شايف مش مستاهله إزاي يبقي ليه التكشيره الوحشه دي اضحك والضحكه تبقي ضحكتين و آتنين في آتنين في آتنين ضحك كل العايشين)
رغم كل إللي ميسره عايشه عليه ومؤمنه بيه إلا إن جواها في اسرار محدش يعرفها تافهه آه مدردحه ممكن بس برضو كل واحد فينا له اسرار إيه هي يارحمه
دي بقي نعرفها مع الوقت
طب يا تري ميسره هتلاقي إللي يعرف يلمها ويقطع لسانها المبرد ده
مش دانه لقت ليث وسمر لقت سراج يبقي أكيد ميسره هتلاقي إللي يلمها
بس هيكون مختلف عن أي بطل ممكن تعرفوه لإنه هيكون فروعون قولا وفعلا مش لقب😮😮
عارفه فيه مليووون سؤال في بالكم دلوقتي إزاي يعني فرعون وإزاي أساسا هتحبه وإزاي إزاي
أحب أقولكم عشان تعرفوا إزاي تابعوني في الروايه وتلاقوا أجابه الاسئله كلها 🤔🙄🙄
وهنشوف مين الفرعون ده إللي هيقدر علي ميسره ولسانها وعندها وجنونها وعبطها
كل ده  هنعرفه في( لعنه الفراعنة) _(عشقت فرعون)
تابعوني ومتنسوش رأيكم يهمني
ومن أولها كده وعلي بلاطه نتفق وإللي اوله شرط أخره نور هتتفاعلوا  هنزل مش هتتفاعلوا برضو هنزل 😂😂بس هكون بنزل وأنا قلبي غضبان عليكم
يلا بكره بإذن الله موعدنا الساعه 8 مع أول فصول الروايه
دمتم سالمين
رحمة نبيل
متنسوش شعارنا الايام الجايه /
yesterday is a history
tomorrow is a mystery
But today......
is a gift
That's why it is called present