*✅🌸إنها ليلة الجُمعة ، نُذَكّر أنفسنا وإياكم بالإكثار من الصلاة على النَّبي ﷺ*
*🌸🎀قال رسول الله ﷺ:*
إنَّ أعمالَ بَني آدمَ تُعْرَضُ كلَّ خميسٍ ليلةَ الجمعةِ ، فلا يُقْبَلُ عملُ قاطعِ رحِم
*صحيح الترغيب (٢٥٣٨)*
*🌸🎀عن صفوان بن سليم - رضيَ الله عنه أنّ رسول الله ﷺ قال:*
إذا كان يومُ الجمعةِ وليلةُ الجمعةِ فأكثروا الصلاةَ عليّ
*صحيح الجامع (٧٧٦)*
يا من تُريدون الجزاء جنانا صلوا على من بالرشاد أتانا صلوا عليه وأكثروا من ذكره بل ذكّروا الأحباب والإخوانا ♥️🌴
الفصل السابع عشر
كان جاسر ينظر بتحدي لأسر / واحنا مش هنمشي من غير نيرة
أسر وهو يعود للخلف ويشير للعساكر للخروج ثم تحدث وهو يبتسم بسخريه / وايه اللي يجبرني اني اعمل كده
نظر اليه جاسر بحاجب مرفوع ثم أشار لهاتفه نظر أسر للهاتف بسخريه وتعجب ولكن سرعان ما صدح رنين الهاتف في المكتب فابتسم جاسر بجانبيه بينما أسر امسك الهاتف واجاب بسخريه / الو.... مين
نهض أسر بفزع / آه آه يا فندم لا لا الحكايه مش مستاهله حضرتك ده بس سوء تفاهم ايوه لا يا فندم انا متنازل عن حقي اكيد يا فندم تمام يا فندم
ثم اغلق الهاتف ونظر لجاسر بغل وحقد / خليت وزير الداخليه يكلمني عشان موضوع زي ده
جاسر وهو ينظر ببراءه / لا هو انا بس قولتله ان فيه قسم في الاقصر عامل معايا مشاكل وفي لبس في الموضوع وهو كتر خيره أصر وبشده انه يتدخل
أسر وهو ينظر له بحيره ثم نادي للعسكري / عسكري خيرت
جاء العسكري خيرت / افندم يا باشا
أسر وهو يتنهد بضيق / هات المتهمه......
قاطعه حسام بحده / هي مش متهمه
نظر له أسر بحده / المتهمه نيرة فؤاد
كاد حسام يتحدث ولكن جاسر نظر له بحده
تحدث أسر بسخريه لجاسر / طبعا انت قاعد ومرتاح اني مقدرش امسّك عشان معاك الحصانه
جاسر وهو يبتسم ببرود / مش بحب التكبر يا عزيزي
سمع الجميع صوت الباب يفتح وتدخل نيره التي تغيرت ملامحها بسرعه وتحدثت ببكاء / اععععععععععععععع شوفت يابوص عملوا فيا ايه عذبوني يا بوووص اععععععععع معندهمش قلب اعععععععععع
صرخ حسام بهياج وغضب جحيمي في أسر / أنتم عملتوا في اييييييييييييييييييييييييه
نظر أسر لنيرة بتعجب/ هو حد لمسك يابنتي
بينما هي لعبت له بحاجبها ثم تحدثت / كداااب يا حسام متصدقهوش دول عذبوني زي الاستاذه ناديه الجندي في فيلم الكرنك
نظر لها حسام بصدمه فهزت هي رأسها وتحدثت بدراميه / آيوه صدق ياابن الذوات انا عشان طيبه ومسكينه استغلوا ده اسوء استغلال قعدوا يعذبوا فيا اسبوع كامل
كريمة بسخريه / انتي مكملتيش يوم مسجونه
نيرة وهي تلتفت بحده / بس عدوا كأنهم اسبوع بعدين متقطعنيش لو سمحتي
نيرة بدراميه / قعدوا يطفوا السجاير تحت في جسمي
شهقت الفتيات برعب ليكملن هذا المسلسل
نيرة وهي تنظر ارضا / ومش بس كده لا ده مسكوا دماغي وحطوها في جردل مايه وانا قعدت اعمل برولوق برولوق برولوق
حسام وهو يلوي فمه / برولوق برولوق
هزت نيرة رأسها وهي تغمض عينها بتأثر
فجأه صفقت كريمة بشده / الله الله عليكي ياست ايه يابت الحلاوه دي ده انا عيني دمعت يخربيتك
نيرة وهي تغمض عينها بدراميه / اللهم لا تجعلنا من المشهورين في الأرض ومجهولين في السماء
دي أقل حاجه يابنتي
أسر بملل / اتفضلو عشان نقفل ام المحضر ونخلص من مسلسل وادي الذئاب ده
هز جاسر رأسه ثم انهي المحضر المقدم ضد نيرة
دخل العسكري خيرت وهو يستأذن أسر
اسر بملل / في إيه إنت التاني
العسكري خيرت / مفيش يافندم بس دواهي كانت بتستأذن الاستاذه نيره ان الستات تعبت وعايزين ينزلوا أيدهم شويه
نظر حسام لنيره بحاجب مرفوع / خربيتك عملتي ايه في الزنزانه
نيرة وهي ترمش ببراءه / ولا حاجه خالص هما اللي كانوا وحشين وحابين يتكاتروا عليا
نظر أسر لخيرت بضيق / ينزلوا أيدهم إزاي انت التاني ايه اللي حصل في الزنزانه
خيرت ببسمه بلهاء / الست نيرة ربنا يكرمها يارب
كانت نيره تضع يدها علي رأسها علامه التحيه
اكمل خيرت / الستات الدوشه اللي في الزنزانة حبوا يعملوا النمرتين اللي بيتعملوا مع أي نزيل جديد بس الست نيره عطتهم العلقة اللي هي وربتهم ياباشا وخلتهم يرفعوا أيدهم
نظر حسام لها وهو يكاد يصاب بجلطه ثم رفع يده / اشكو إليك يا رب اشكوا اليك
ثم خرج وهو يردد هذه الكلمه فركضت خلفه نيرة وهي تصرخ / ياباشا اصبر بس والله انا طيبه هفهمك والله اصبر مش ذنبي هما اللي اتكتروا
نظر أسر لخيرت واشار له بالخروج / رجع الستات زي الاول وأخرج
ثم نظر لنسرين وتحدثت بهدوء / نسرين حابب اتكلم معاكي شويه علي انفراد لو سمحتي
كاد جاسر يعترض لولا أن سبقته نسرين وهي تخلع دبلتها تحت نظرات جاسر السعيده / بعتذر يا اسر بس أظن مفيش مجال نكمل مع بعض
تسر وهو ينظر الدبله بحده / اللي حصل ملوش علاقه بينا يا نسرين
نسرين ببسمه هادئه / قراري ملوش علاقه باللي حصل بس انا حسيت اني مش لاقيه نفسي معاك يا اسر مش بحس بنفسي وياك عشان كده بقولك كل شئ قسمه ونصيب عن اذنك
ثم تركته ورحلت بينما جاسر نظر له ببسمه بارده ثم تبعها ومعه الباقي وكريمه تزغرد بشده ضربها صلاح / اهدي هو احنا في فرح
كريمة بضحكه / ده انا كنت ندراها يابني يوم ما يفسخوا الخطوبه هزغرط
ضحك صلاح عليها بينما في الداخل كان أسر ينظر بشر للباب / سيبتيني عشانه يا نسرين وعشان هو اغني مني ماشي يا نسرين انا هوريكي اللي هعمله فيكي هخليه يكره يبص في وشك وهترجعيلي راكعه
أنت تقرأ
لعنة الفراعنة (قيد التعديل )
Akcjaتخيل أن تجد نفسك يومًا في مواجهة مع ما كنت تظنه سابقًا خيال، أن تكون في مواجهة مع ذاتك .... تخيل أن تقابل شخصًا وتشعر أنك تعرفه منذ قديم الأجل، تشعر أن هناك شيء في قلبك ينجذب له كما تنجذب الفراشة للنيران ... تخيل أن تكون تلك الرحلة التي اعتبرتها يوم...
