لعنة الفراعنة (قيد التعديل )

الفصل العاشر

الحمدلله 💛
اه فعلا الحمدلله

ليه الحمد لله ؟

الحمدلله انه خلقك من عدم كنتي فين انتي من مليار سنه؟
كان ليكي ذكر ؟
ابدا ولا حد ف الوجود كان ليه ذكر
" قال تعالي "

" هل أتي علي الانسان حين من الدهر لم يكن شيئًا مذكورًا "

ها كنتي فين؟
عدم صح
وجودك ده مايستحقش الحمد؟
جاوبي

اللهم صل على سيدنا محمد صلاة ترضيك وترضيه وترضى بها عنا يا رب العالمين ، في كل لمحة ونفس عدد ما وسعه علم الله 🌧️🌱

الفصل العاشر

كانت كريمة تزفر بحنق من هذا الشخص السمج بجوارها
اقترب منها محسن وهمس / إيه بس القمر ده
رفعت كريمه نظرها / ميرسي عارفه
رفع محسن حاجبه وضحك بضخب / حبيت ثقتك بنفسك بس يارب تفضل كده علي طول
رفعت هي حاجبها / هتفضل يا عنيا هتفضل
غمز محسن / احبك يا واثق
ضحكت هي بسخريه عليه
جاءت سميره والدة طمطم / يلا يا اولاد خدوا جاتوه والعصير اهو
نظرت لها كريمة ببسمه / تسلم ايدك يا مرات عمي تعبناكي
ابتسمت سميرة / يا حبيبتي تسلمي انتي ده يوم المني يوم ما اتعبلكم عقبال يارب طمطم لما اتعبلها
كريمة / هتتعبلها يا مرات عمي بس معلش طلب صغير هو رخم بس معلش
سميره بطيبه /إيه يابنتي اطلبي
كريمة / لا مؤاخذه يعني لو مش هنعطلك ربي بنتك عشان عيارها فلت
ضحكت سميرة بصخب / يوووه جتك ايه يا كريمة دايما تموتي في الهزار
ثم رحلت
كريمة / بهزر ايه بس يا حاجه دي بنتك اتخصصت دولي
ضربت كف علي كف ونظرت وجدت محسن منشغل باحدي اقاربة ابتسمت بسخريه عليه وتجاهلته ثم امسكت قطعه الجاتوه وأخذت تأكلها بشراهه / خساره الجاتوه لي اهلك يا معفن انت
بينما هي تأكل بنهم شديد وقع نظرها علي صلاح الذي يستند علي أحد الاعمده وينظر لها بدقه
نظرت له باستفزاز وابتسمت له بسماجة وهي تأكل جاتوه كثير في فمها فضحك هو بشده وأخرج هاتفه والتقط  لها صورة ثم غمز لها والقي لها قبلة في الهواء نظرت له بصدمه بينما هو ضحك وبشده ثم استدار ليذهب وهو قد عرف الطريقه لاستعادتها
بينما هي تنظر له بغباء شديد / الواد ده واقع علي راسه وهو صغير والله
نظرت لذلك المحسن الذي ينادي عليها / نعم
محسن ببسمه / بقولك مش هنشرب بعض عصير
كريمة / آه اومال نشرب بعض ونٱكل بعض جاتوه ما هو فرح امك هو ناقص نعمل حركه المقص بالعصير
محسن بعدم استيعاب / افندم
كريمة وهي تبتسم باستفزاز / ولا حاجه بقولك مش بحب الجاتوه ولا العصير أصل عامله دايت عقبال عندك وتخسس كرشك ده
نظر محسن لبطنه المعضلة / كرش
كريمة وهي تنظر له / آه الصراحه كرش اوفر خس شويه مش كده يا اخي
محسن وهو يتجاهل كلامها / طب انتي عامله ازاي دايت وانتي اكلتي كل حته الجاتوه بتاعتك
كريمة / لا ده كان من خمس دقايق
محسن / ودي تفرق
كريمة / اومال أصل أنا بعمل كل يوم خمس دقايق فري كده بس الخمس دقايق خلصوا خلاص وبكمل في الدايت الجاي
زفر محسن بملل / معلش م هتفرق خمس دقايق كمان
كريمة / معلش ده نظام مينفعش يبوظ تتعوض في خمس دقايق تانيه