لمار
سحبني لسرير حضني
فاجأني باسني بخدي بقى يشمني
ساكته مامنعته ولا كمت
مااعرف احساسي
كلبي يدك روحي خفتت
انتبهت دفعته وبسرعه طلعت
اني دااطلع سمعني صوته
ياسر : اوووف منج لمار
جسمي تقشعر
انقهرت من تصرفه
القهر مااخذت الموبايل لان شردت منا
للفجر كاعده ومصدومه بتصرفه
بعدها الفجر سمعت صوته خفت
عرفت ح يدخلي سويت نفسي نايمه
دايره وجهي حتى ميشوفني
سمعت صوت شي يخلي ع الميز
خطواته تقرب مني
عزه شراح يسوي ماكو غير اصيح
تقرب باوعلي اني مغمضه
تلمس بشعري بعدها طلع
التفتت لگيت الموبايل مخلي ع الميز
دوخني بقيت افكر بتصرفاته
اليوم ياسر شبي ولويش يريد يطور العلاقه
لو نجي للحقيقه اني مو اخته
والولد گام يشوفني بنيه عاديه
بسبب عمامي واهلي ورطوا بهل زواج
هو جبير من حقه يريد يزوج
مااخلي يسوي الخطأ وياي
تعبت غفيت
يمكن مانمت ساعه وحده
ماما كعدتني
جنان: يله لمار وراج امتحان
لمار: اي كعدت
بدلت تعطرت
كشخت لاجل موبايلي اعرف مخبله
بس هذه سوالف كل البنات
اكشخ بموبايلي غيرته فرحانه
نزلت
ياسر كاعد يتريك ابتسملي اني عصبيه مااهتميتله
كعدت بالمطبخ اتريك
احنه مطبخنا البارد اوربي
يعني يشوفني بس منطيته ظهري
لبنى: هذا موبايل جديد لعد اني لويش ماتشترولي
ماما شافته
جنان: هاي شنو الموبايل
لمار: ياسر اشترالياه
عجبها شكله ... حمودي يلعب بموبايلي
طبعا بابا وياسر ارقى من اجهزتناN95 المنزلق
بوقتها عجيبه هل اجهزه
لبنى تبجي
تتعارك ويه ياسر
لبنى: اني هم اريد موبايل انت وعدتني
ياسر: بابا مايقبل
لبنى: انت تكدر تقنعه اشتريلي يله اريد موبايل
مهدي: شنو موبايل ماكو موبايل
لبنى: حباب ياسر
ياسر: بابا يشتريلج
لبنى: مايقبل ... اذا انت تشتري مايحجي وياي
جنان: اني مااقبل يشترولج
لبنى: اهووووووو يله اريد موبايل مثل لمار 😭
مهدي: يله اوصلج
لبنى: اطلع ويه ياسر ولمار
بابا طلع مستعجل اخذ حمودي وياه
أنت تقرأ
فتاة مكسوره
عاطفيةقصه حقيقيه للكاتبة رشا رعد الملقبه سابقا أنو أنو أروي حكايتي لكل فتاة منكسره لاتستسلم للحياة لاتجعل خطواتها تربط تحت عادات مجتمع وقيود تقتل الانكسار ...... كلا للانهزام 🌹
