لمار
خجلني سؤالها
ماما شلون عرفت منو سولفلها
اكيد لبنى الخبيثه اني اعلمها
بقيت صافنه وساكته
جنان : شبيج سكتي
لمار : ماكو شي مااعرف شنو تقصدين
جنان : بيبيتج خابرتني ... راح تجي بالليل تسولف ويه ابوج ياسر يريدج ... گالتلي اني وياج نفاتحه بالموضوع لان ياسر ولمار يستحون و ياسر يريد لمار يحبها يموت عليها ولمار هم تحبه تريده ... فاجأتني بكلامها
بقيت مستحيه وساكته
ابلعم وموقف مخجل جدا
ويه ماما استحيت لعد شلون ويه بابا
جنان : لاسكتين فهميني كلام بيبيتج صح انتي تريدين ياسر زوج الج ... صدك تحبي لو لان اشوفين نفسج محد ياخذج ترا مااقبل هيج تفكرين
لمار : لا ماما مو بالي هذا الشي ...عندي ثقه بنفسي
جنان : يعني تحبي زين من شوكت وانتي خابصتنا اخوي واخوي
لمار : ماما حبابه لاتخجليني ... لاتسولفين وياي بهذا الموضوع ... كل الي اكدر اگوله اني موافقه بس تفاصيل مااعرف اسولفها الج ... لاتلحين ولاسأليني بداعتي ... اريد توكفين وياي لاتخلين بابا يسألني ويخجلني ... انتي جاوبي نيابه عني ومحد يحجي وياي بهذا الموضوع
جنان : لعد منو يسولف وياج ندزلج ياسر يسألج
صرت حمره طماطه وخجلت
لمار : اهووووو ماما والله بعد مااحجي وياج زعلت
كمت من يمها
جنان: ههههههه اشردي
طلعت عصبيه
اني الك ياسر
انوب بالليل ح تجي بيبي تسولف ويه بابا
اوف منك ياسر اوووف
خابرته
ياسر : الو ها حبيبي
لمار : ياحبيبك
ياسر: شكو
لمار: لويش سولفت لبيبي وخابرت ماما سولفتلها ... انت تشرد من البيت تروح لبيبي واني تخليني بموقف صعب اني اعلمك
ياسر: هههه اوكفي خلي افتحهم ددددددد اكلتيني وشربتيني اني ماشردت ورحت سولفت ويه بيبي تحجي ويه بابا لاجل زواجنا دااشتغل على موضوعنا ... منو گلج مستحي عادي هسه اوصل واسولف ويه أمي وافهمها
لمار : اتجي استحي تجي ويشوفونا لبنى وماما
خلصها بس يضحك
ياسر: ههههه شلون ابقى بلشارع... ياعيني هسه اجي واسهلها عليج ...لاتبقين تستحين موتتني المستحه مالتج .... اوف مشتاقلج هسه ح اجي اريد ابوسج
لمار : خرب حظي اني عصبيه وانت تتغازل ابد مو وكتك امشي روح باي
ياسر: لمار احبج
لمار : اني هم
ياسر : حبيبي كولي احبك لاتگليلي اني هم
لمار : احبك باي
ياسر: باي ياعمري وكل اهلي
نص ساعه ولبنى صاحتني
لبنى: لمار تعاي ماما تريدج
اني: منو عدنا
لبنى : محد بس اني وماما بس تعاي اكعدي يمنا
لمار: اريد اقره
لبنى: شوفي صحتج تسوين العشا ماكو اني اسوي يله انزلي
أنت تقرأ
فتاة مكسوره
Romanceقصه حقيقيه للكاتبة رشا رعد الملقبه سابقا أنو أنو أروي حكايتي لكل فتاة منكسره لاتستسلم للحياة لاتجعل خطواتها تربط تحت عادات مجتمع وقيود تقتل الانكسار ...... كلا للانهزام 🌹
