لمار
ماافكر بالزواج بس اريد اثبت شخصيتي وشرفي
اريد اثبت مكانتي بالمجتمع
لهذا قررت اوافق على علاقه ويه سالم
سالم: صار اسبوعين نسولف وندردش شوكت اخذ رقمج
لمار: اصبر شوي
سالم: معناها خايفه مني
زعل يومين
تنازلت اله وافقت ياخذ رقمي
صارت مكالمات اني الاتصال
مايخسر دقيقه عليه
استغربت
يرمش واني اتصل
بلشت اتعرف عليه وخايفه
علاقتي ويه سالم ماامشي وياه او نختلي بمكان لا أله كروب واكفين واحجي واسولف وياه
حتى بالكافتريا كل واحد ميزا المهم مو وحدي وياه
مااريد محد يحس او يعرف علاقه عندي ردت احافظ على نفسي ماناقصه سمعه سيئه
يعزمني من نروح يكمل
يمثل هو مشغول بالمكالمه ويطلع اضطر اني ادفع
اعترفتله عن قصتي من بدايتها لنهايتها
مااهتم وفرحت بهل شي
بعد يومين فاجأني بطلبه
سالم: لمار اريد اتقدملج
فرحني بكلامه رغم ماكو مشاعر اتجاهه
لمار: ماشي ابلغ اهلي
سالم: المشكله راح يسألوني شتشتغل
لمار: انت طالب ومن تتخرج الله كريم
سالم: لا .... خليني اشتغل اثبت نفسي حتى من اخطبج مسيطر
لمار: وشنو تشتغل
سالم: احجي ويه ابوج اشتغل وياه بالمكتب... اني هم قانون واشتغل جوه ايده حتى من اخطبج ماتصعب السالفه علينا
صفنت على كلامه
سالم: اليوم احجي وياه
لمار: زين مايسألني هذا منو
سالم: گليله اخو صديقتي
لمار: ماشي
سكتت ماعجبني كلامه
تقريبا شهر من تعرفنا
عرفت انسان طماع لاحب ولا صدق بمشاعره
افعاله ضوجتني
انتبهت هو مااهتم للقصه حتى من اسولفله ماقبل اكمل كلامي
بعد كم يوم سألني
سالم: ها سولفتي ويه عمو
لمار: بعدني
سالم: لمار ليش ساكته شنو انتي ماتريدين اخطبج... اليوم فاتحي بالموضوع تره بزعتيني
سكتت عرفت يريد يشتغل حتى يطفر
سولفت لصديقاتي نصحوني اتركه
كرهت روحي لان اني مااحبه ومستمره وياه
كمت اخربط بحياتي بسبب اختطافي وزواجي
لمار انتي مو هيج ليش تخربطين بحياتج
ليش كل همج تزوجين وتثبتين للناس اكدر ازوج
نجاحي بالحياة اخلاقي وطموحي اكملها دراستي
ومايهمني المجتمع
لازم ارجع لمار القديمه
قررت اترك سالم
لمار: سالم فاتحت بابا ومامحتاج لان عنده محامين ٥ خريجين ومايكدر يكطع رزقهم وبنفس الوقت يثق بيهم
سالم: لحي عليه
لمار: ان شاء الله فتره وافاتحه بالموضوع رغم مايقبل يشغل احد اله هو يعرفه شخصيا
سالم: اني راح اصير نسيبه
لمار: سالم اريد احجي وياك بهذا الموضوع
سالم: شنو
لمار: اني مااكدر استمر وياك مشغوله بدراستي واهلي گاموا يحسون ... اعرف اهلي بس يعرفون يكعدوني بالبيت ويمنعوني من دراستي ... اريد انسحب رغم انت خوش ولد و الف بنيه تتمناك
أنت تقرأ
فتاة مكسوره
Roman d'amourقصه حقيقيه للكاتبة رشا رعد الملقبه سابقا أنو أنو أروي حكايتي لكل فتاة منكسره لاتستسلم للحياة لاتجعل خطواتها تربط تحت عادات مجتمع وقيود تقتل الانكسار ...... كلا للانهزام 🌹
