لمار
هو ياكل مدنك
اكله بعصبيه
بالگوه نطقت كلامي بس لحيت على طلاكي
لمار: الافضل نطلك اعتقد كافي سكتنا العالم ... الي يحجي نگلهم مطلقه ماتراهمنا اني وياسر واطلگنا
بيبي: اني ماعاجبتني صبا
ياسر: ليش ماعاجبتج مااقبل تحجين عليها
متوتر ياسر لابعد الحدود
بابا اشر لبيبي تسكت
لمار: بابا شنو رأيك ترا حرام نظلم ياسر
مهدي: ماشي
جنان: معناها خليهم يطلگون بسرعه ونبلغ الجماعه نفرحهم وهم نحدد زواج ياسر
هو ساكت واني نار بصدري
مهدي: ياسر الاحد تعال للمحكمه ونرفع قضية طلاك لمار تسويلك تنازل
لمار: تنازل على شنو
بابا: على الحاضر والغايب
لمار : ههههههه بابا هوه اني شنو استلمت مااشترالي شي ومااخذت شي
بابا: بس العقد كاتب ياسر الغايب 30مليون والحاضر25
هنا انصدمت مبلغ خيالي بهذا الوكت
واول مره اعرف بمهري
دخت ليش ياسر مخلي هل مبلغ
لمار: زين بابا شلون هيج تكتب على ابن اخوك معقوله هيج تتصرف هاي انتوا شمسوين بالولد مبهذلي
ياسر: انجبي اني
صاح بصوت عالي
لمار: لاتغلط
ياسر: محد جابرني ولا احد طالب مني ... اني كتبت وردت هل شي ...اني غصبت بابا اله هيج يصير المهر وينكتب بالعقد ... يعني برضاتي
جنان: رفضنا وهو ماقبل
ياسر: ردت حتى اكبر راسج راس الحمار
لمار: وانت منو كلك يكبر راسي بالفلوس هو منو خرب حياتي غير الفلوس عود هذا انجاز
ياسر: شو بوكتها مااعترضتي من سألج القاضي
لمار: لان بوكتها اصلا ماادري بالدنيا جسد بلا روح
تعاركنا اني وياه اول مره كدامهم نتعارك
ولاكانه هم موجودين بعدها هو گام
ياسر : الزقنبوت يمج مااريده
لمار: لابله
طلع بيبي تضحك
بيبي: مبين عليكم مزوجين من عركتكم ولو راسج يلين تنسعدون
لمار: بله بيبي رجأ اسكتي ولاتشعليها ... الولد خاطب ويحب خطيبته اني وياسر اخوان
مهدي: يما شهل كلام ماتشوفي خاطب ويريد يزوج
بيبي: انت عاجبك هل بت تصير مرت ياسر ... يصوم يصوم ويفطر على صبا
لبنى: ليش على اساس عمو عباس مرته حلوه 😏 اشو احلى منها وميت عليها
بيبي: هو طالع على عمامه كلهم ولدي احلى من نسوانهم
جنان: بالذات مهدي😒
مهدي: انت الجمال ... معليج باامي تدرين بيه اشوفج احلى مره
كرص ماما من خدها
احمد : اي حالكم من حال لبنى مراهقين
لبنى: على اساس انت الجبير ابو حبوب وجهك كله حب الشباب
لمار: اسكتوا هسه امكم وابوكم بحالة رومانسيه
بيبي: اي وبعدين يصيحون حبلت بالخطأ
أنت تقرأ
فتاة مكسوره
Romanceقصه حقيقيه للكاتبة رشا رعد الملقبه سابقا أنو أنو أروي حكايتي لكل فتاة منكسره لاتستسلم للحياة لاتجعل خطواتها تربط تحت عادات مجتمع وقيود تقتل الانكسار ...... كلا للانهزام 🌹
