لستُ وحدى

الجزء الاول

فى احد المصحات العقليه تجلس فتاه فى الخامسه والعشرون من عمرها امام احد الاطباء ويدعى ياسر
ياسر:ها يا شجن مستعده تتكلمى
الفتاه :انا مش شجن
ياسر:اومال مين ؟!
الفتاه :انا فتن
ملحوظه(شجن وفتن نفس الشخص بس عندها انفصال ف الشخصيه )
ياسر:طب يافتن هتتكلمى
فتن :لا
ياسر :ليه
فتن :ماليش مزاج تخيل!
ياسر:ازاى يعنى احنا هندردش مع بعض بس
فتن:بلاش كلام الدكاتره ده عليا انا عارفه انت مين وعارفه انا هنا ليه
ياسر:انت هنا ليه ؟؟
فتن :السؤال هو انت مش خايف
ياسر :اخاف من اى !!
فتن :مش خايف بعد الى عملناه ده كله مش خايف مننا يعنى
ياسر:لا
فتن:كداب الخوف باين ف عنيك
ياسر :وانت عرفت ازاى؟
فتن:من غير رغى كتير احنا عارفين احنا عندنا اى
ياسر:اى
فتن :شيزوفرينيا.....مع السلامه يا دكتور متنساش تكتب الحاله فالتقرير بتاعك
ذهبت الفتاه مع احد الممرضين لتجلس على السرير الخاص بها لتأتى لها فتاه اخرى فى 19من عمرها
الفتاه :هاى ...ازيك
فتن:انت مين ؟!
امال :انا امال وانتى !؟
فتن :فتن او شجن
امال :ليه قاعده لوحدك
فتن:انا مش لوحدى هى معايا
امال:هى مين ؟!
فتن وهى تشير لاحد اركان السرير :شجن
امال:انا مش شيفاها
فتن :هى مابتظهرش لحد غيرى
امال وهى تلوح فالهواء :هاى شجن
امال:هى مابتتكلمش
فتن:لا....مابتعملش اى حاجه غير لما اقول لها
امال:ماشى
فتن :انت اى الى جابك هنا من الاصل؟!
امال بعبوس طفولى:ماما وبابا سابونى هنا ومشيوا قالوا هيرجعوا بس كدبوا عليا
فتن:هو فى حد بيرجع يا هبله انتى !!
امال ببكاء:انا مش عايزه اقعد هنا المكان هنا وحش عايزه اروح
فتن وقد رق قلبها للمره الاولى :ماتخافيش احنا هنخرج من هنا وهناخدك معانا
امال:ازاى؟
فتن:افكر واكيد ليها حل
امال:بجد طب اتا هروح انام وهسيبك تفكرى ...بااى
ذهبت امال...لتظهر شجن
شجن :عاجبك الى احنا فيه ده
فتن :ومين السبب انا برضو
شجن :انا الى قولتلك اقتلى
فتن :انت الى خلقتينى من الاصل ولا ناسيه