كنا قفلنا الفصل أللي فات ع اعتراف مصطفي بإعجابه وحبه لياسمينا وأنه عاوز كمان يرتبط بيها وقولنا ي تري هيكون اي رد فعل ياسمينا وياتري هتتصرف ازاي ف الموقف دة وهتعمل اي وايه أللي هيحصل بينهم..تعالوا يلا نشوف مع بعض..
✨قراءة ممتعة ✨
٭٭٭٭٭٭٭٭٭٭ صباح وحيد ٭٭٭٭٭٭٭٭
ياسمينا بصدمة: أ..أن..أنت..ب..ت...ب..بتقول...اي؟!
مصطفي: أنا بحبك فعلاً ي ياسمينا وعاوز أرتبط بيكي ياريت تديني فرصة مش هنخسر حاجة لو ادينا لبعض فرصة وقربنا من بعض شوية
ياسمينا: أللي بتقوله دة لايمكن يحصل ولولا انك ابن خالة خطيب أختي أنا كنت اتصرفت معاك تصرف تاني مايعجبكش
مصطفي: طيب ممكن تهدي بس ونتكلم
ياسمينا: أهدي اي وبتاع اي..ونتكلم ف اي مفيش كلام ف الموضوع دة أصلاً أنسي الموضوع دة خالص وطلعه من دماغك
مصطفي: طيب أقدر أفهم أنتي رافضة لي اديني فرصة من فضلك لو سمحتي..ممكن تفهميني سبب رفضك ايه !!
ياسمينا: الكلام ف الموضوع دة منتهي وياريت ماتفتحوش تاني بعد اذنك والافضل انك تنساه خالص عن اذنك مش هضيع وقتي ووقتك اكتر من كدة خلاص..أما بقي بالنسبة رافضة ليه فأنا رافضة عشان ماتعودتش اخون ثقة اهلي فيا واغضب ربنا..عرفت بقي رافضة ليه !! عن اذنك بقي
مصطفي: ياسمينا...ياسم..ياس....وكانت قد ذهبت ياسمينا ولم تكن تترك لمصطفي فرصة للرد عليها بل تركته واقفًا مكانه وذهبت
★٭★٭★٭★ صباح وحيد ★٭★٭★٭★
ملك: مالك ي أحمد فيك اي؟!
أحمد: ها..لا مفيش حاجة ي حبيبتي انا تمام
ملك: لا أنت مش معايا خالص فيك ايه
أحمد: تلاقيني مانامتش كويس بس امبارح
ملك: اممممم هحاول اصدقك بس لو ف اي حاجة انا معاك
أحمد: أنا عارف ي حبيبتي والله وربنا يخليكي ليا يارب أنا كويس والله ماتقلقيش ولو ف حاجة اكيد هقولك..وبعدين اي بقي مش هنتغدي ولا اي
ملك: لا طبعًا هنتغدي شوف بقي انت هتغدينا اي بس بسرعة بقي يلا قبل وقت الراحة مايخلص ومانلحقش ناكل
أحمد: هههههه حاضر هطلب اهو لا ماتقلقيش هنلحق ناكل إن شاء الله
★٭★٭★٭★ صباح وحيد ★٭★٭★٭★
منال: مالك ي ياسمينا ف ايه داخلة عصبية اوي ليه كدة ورزعتي ع المكتب جامد بإيدك كنتي هتكسريه ليه كدة ف ايه !!
ياسمينا بعصبية: مفيش حاجة ي منال ماتشغليش بالك أنتي
منال: مفيش ازاي انتي مش شايفة نفسك عاملة ازاي وكنتي داخلة عاملة ازاي هو بشمهندس مصطفي دة قالك حاجة ضايقتك خلاكي متعصبة كدة !!
ياسمينا بعصبية: البيه قال ايه بيحبني وعاوز يرتبط بيا
منال بضحك: طيب وفيها اي ي ياسو الراجل ماقالش حاجة غلط وجيه صارحك علطول بدل مايلف ويدور متعصبة ليه كدة بقي
ياسمينا بنفاذ صبر: منال..ماتستفزنيش بقولك بيقولي عاوز يرتبط بيا
منال: مانا عارفة وفيها اي يعني هو عيب ولا حرام هو حس بمشاعر اعترفلك بيها اي الغلط ف كدة بقي !!
ياسمينا: منال قومي من وشي دلوقتي
منال: هقوم حاضر بس قبل أما اقوم عاوزة أقولك حاجة فكي شوية كدة ماتبقيش معقدة اوي كدة لانك كدة عمرك ماهتتجوزي مافيهاش حاجة يعني لو ادتيله فرصة مايمكن يطلع كويس إنما بطريقتك دي هتخسري كتير اوي وعمرك ماهتتجوزي عشان قافلة اوي هتتجوزي ازاي بطريقتك دي وانتي مش مدية لحد فرصة أنه يقرب منك فكي شوية كدة واديله فرصة مش هتخسري حاجة يمكن يطلع كويس والراجل ماغلطش جالك واعترفلك بمشاعره من غير لف ودوران عاوزة اي تاني !! وتركتها منال وذهبت بعد أن قالت لها هذا الكلام
وجلست ياسمينا تفكر في كلام منال صح ولا غلط وهل منال فعلا معاها حق وياتري تديله فرصة فعلا ولا لا !! يمكن بيحبها بجد وعاوزها !! وبدأت تحدث نفسها قائلة: منال فعلا معاها حق لازم افك شوية ماهو كدة مستحيل حد هيقربلي وعمري ماهتجوز فعلا هتجوز ازاي وانا مش مدية لحد فرصة أنه يقرب مني كدة ؟! وبعدين ماهو جيه قالي وصارحني يعني لو مش بيحبني اي أللي هيخليه ييجي يقولي كدة ويتكلم معايا !! لا بس برضو لو بيحبني هاييجي البيت من بابه قدام أهلي..طيب اديله فرصة يمكن يطلع كويس وارجع اندم !! بس افرضي ادتيه فرصة ي ياسمينا ومطلعش بيحبك هتعملي ايه !! هتتحملي كسرة القلب من أول حب هيكون ف حياتك وهترجعي تندمي برضو..مش عارفة اعمل ايه بجد..ي ربي بقي انا تعبت من التفكير انا هركز ف شغلي احسن من وجع الدماغ دة
حنان: ايه ي ياسمينا مالك كدة سرحانة ف ايه !!
ياسمينا: لا مفيش ي حنان بفكر ف المشروع بس
حنان: اها ماشي ربنا معاكي..اه صحيح أنا شوفتك ف البريك كنت جاية اسلم عليكي واقعد معاكي بس لقيتك قاعدة مع بشمهندس مصطفي مارضتش اجي بقي وقولت اسيبكم تقعدوا مع بعض احسن وبراحتكم
ياسمينا: لا عادي كنتي تيجي مفيش مشكلة هو جيه أستأذني أنه يقعد معايا وانا وافقت عشان هو يبقي ابن خالة أحمد خطيب أختي وكان معزوم عندنا امبارح فهو جيه معاه بقي فكان بيشكرني يعني وكدة ع واجب الضيافة
حنان: ايه دة بجد !! اي الصدف دي انا فكرتكم زملة يعني وكدة وقاعدين بتتكلموا مع بعض
ياسمينا: هي صدفة فعلاً وعشان كدة بقي قعد معايا عشان كان بيشكرني
حنان: الدنيا صغيرة فعلاً..يلا بقي اسيبك تكملي شغلك
*لحظة* مين حنان ؟! حنان زميلة ياسمينا بالمكتب لكنها تكره ياسمينا ولا تحبها وتغار منها دائمًا ومن نجاحها وتحاول أن تكون مثلها لكنها تفشل دائمًا وتتمني إن تمسك عليها اي غلطة كدة عرفنا مين حنان نكمل بقي
★★★★★ صباح وحيد ★★★★★
حسام: مالك ي عم مصطفي أنت كمان داخل قالب وشك ليه كدة هي مش ناقصة
مصطفي بضيق: مفيش حاجة ي حسام ماتشغلش بالك
حسام: مفيش حاجة ازاي انت مش شايف قالب وشك ازاي
مصطفي بعصبية: يووه بقي ي حسام قولتلك مفيش حاجة ماتشغلش دماغك بقي ومالكش دعوة مالي حاجة ماتخصكش وخليك ف حالك
حسام بحزن من طريقة مصطفي معه: بس..بس خلاص انا آسف ي عم أني سألتك واني كنت عاوز اطمن عليك أنا غلطان وماتزعلش انا مش هسألك ع اي حاجة تاني ولا هسألك مالك لأنك فعلاً عندك حق أنا ماليش دعوة انا مالي فعلاً أتدخل لي ف حاجة ماتخصنيش انا آسف اني اتدخلت وسألتك
مصطفي بندم: حسام أرجوك ماتزعلش مني انا اكيد مش قصدي ازعلك والله بس غصب عني والله اتعصبت معلش استحملني
حسام: ومين قالك إن أنا زعلان؟! لا انا مش زعلان انت ماغلطتش انت فعلاً عندك حق أنا مالي أتدخل ليه ف حاجة ماتخصنيش وماليش فيها
مصطفي: بطل هبل بقي ياض أنت عارف انك أقرب حد ليا ف الشغل هنا وبحكيلك كل حاجة وعارف انك مش مجرد صاحبي وخلاص لا أنت اخويا ماتزعلش مني بقي انا ماقصدش ازعلك والله انت عارف أني مش بحبك تزعل مني
حسام: خلاص ي مصطفي حصل خير وانا مش زعلان
مصطفي: طب اضحك بقي عشان أتأكد انك مش زعلان
حسام بإبتسامة: انا مش بزعل منك وانت عارف كدة انا بزعل عليك ولما بلاقيك كدة ببقي عاوز اساعدك
مصطفي بإبتسامة: ربنا يديم المحبة بينا ي صاحبي
مين حسام؟! حسام صاحب مصطفي ف الشغل واقرب واحد ليه ف الشغل واكتر من أخوات واول واحد مصطفي اتعرف عليه أما اشتغل ومن نفس سن مصطفي .. كدة عرفنا مين حسام تعالوا نكمل بقي نشوف اللي هيحصل
★★★★★ صباح وحيد ★★★★★
سوسن: ألو..ازيك ي سوما عاملة ايه وحشاني..أخيراً افتكرتي إن ليكي أخت تسألي عليها
سامية: الحمد لله انتي عاملة اي..ههههه مش هخلص منك انا عارفة مكنوش يومين أللي ماكلمتكيش فيهم
سوسن: ي حبيبتي احنا اخوات عارفة يعني ايه أخوات !! يعني اتعودت اكلمك كل يوم ونرغي كأننا لسة عيال صغيرة زي زمان قبل أما نتجوز
سامية: ياه ي سوسن فاكرة الايام دي كانت أجمل أيام والله وحشتني ايام طفولتنا دي ولمتنا كلنا مع بعض وخناقنا مع بعض واننا مكناش بنفارق بعض لحظة ووحشني بيت العيلة بتاعنا ووحشتني لمتنا مع بابا وماما ياه كانت ايام ماتتعوضش فعلاً وحشتني الايام دي بكل حاجة فيها وكل تفصيلة كانت فيها ووحشتني كل ذكري فيها بينا
سوسن: فعلاً كانت أجمل أيام وأجمل لمة لمتنا كلنا مع بعض يلا أهي بقت ذكريات وهتفضل أحلي ذكري
سامية: هي أحلي ذكري فعلاً المهم انتي عاملة اي طمنيني عليكي وأحمد عامل اي وخطيبته !!
سوسن: الحمد لله تمام والله بخير واحمد كويس الحمد لله وخطيبته بنت ف منتهي الاخلاق والادب والاحترام بجد وبتحب أحمد وبتخاف عليه وأحمد كمان بيحبها اوي الحمد لله ربنا يتمملهم ع خير يارب
سامية بسعادة: الحمد لله ي حبيبتي ربنا يفرحك بيه يارب ويطمنك عليه يارب
سوسن: يارب وعقبال يارب ماتفرحي كدة بمصطفي وصافي
سامية: يارب مصطفي الاول بس يارب
سوسن: ربنا يطمنك عليه يارب..ماهو كان مع احمد امبارح كان معزوم عند خطيبته وقالي مصطفي ابن خالتي جيه معايا ي ماما وكدة
سامية: اها مانا بسأل مصطفي الصبح كان فين بليل ورجع متأخر كدة فقالي كنت مع أحمد ابن خالتي ي ماما كان معزوم عند خطيبته وروحت معاه
سوسن: اها وطلع هو وياسمينا أخت ملك يعرفوا بعض عشان مع بعض ف الشغل
سامية: اي دة بجد والله !! مصطفي ماقاليش حاجة زي كدة يعني
سوسن: تلاقيه نسي بس ولا حاجة أحمد اللي قالي امبارح قالي ي ماما وطلع مصطفي وياسمينا اخت ملك شغالين مع بعض واتفاجئوا أما شافوا بعض
سامية: هي فعلاً مفاجأة الدنيا صغيرة أوي فعلاً ع اد ماهي كبيرة
سوسن: فعلاً والله عندك حق..بس اي بقي ياسمينا أخت ملك دي ف منتهي الادب والاخلاق والاحترام زي ملك اختها بالظبط وجميلة جدًا ماشاء الله عليها ياريت تشوفيها والله ويمكن يبقي ليها نصيب ف مصطفي
سامية: ياريت والله اخدها لمصطفي عاوزة افرح بيه واطمن عليه وهيبقي هو وابن خالته مع بعض بقي وكل أما اقوله يقولي لسة بدري ي ماما تعبت معاه والله
سوسن: إن شاء الله ربنا يطمنك عليه يارب
سامية: يارب ي سوسن ادعيله ربنا يهديه
سوسن: حاضر ي حبيبتي بدعيله والله وربنا يطمن قلبك عليه يارب
سامية: اللهم أمين يارب..يلا بقي مش عاوزة حاجة انا قولت اطمن عليكي كدة اشوفِك عاملة ايه
سوسن: ربنا يخليكي ليا يارب ويسلملي سؤالك ابقي هاتي صافي ومصطفى وأيمن وتعالي نقعد كلنا مع بعض كدة شوية
سامية: انا كنت عاوزة اجيلك فعلاً والله حاضر والله هحاول كدة ابقي اجيلك
سوسن: تعالي اي وقت تنوري البيت بيتك اي وقت ومش محتاجة استئذان يعني ولا ايه بقي !! دة بيت اختك يعني بيتك يعني اي وقت تلاقي نفسك فاضية وعاوزة تيجي تعالي علطول من غير استئذان
سامية: اها طبعا ي سوسو ربنا يخليكي ليا يارب اسيبك بقي مش محتاجة حاجة
سوسن: لا سلامتك ي حبيبتي خلي بالك من نفسك وسلميلي ع الولاد كتير
سامية: الله يسلمك ي حبيبتي يوصل وانتي كمان
★★★★★ صباح وحيد ★★★★★
ياسمينا: ي منال انتي بدأتي ف المشروع ولا لسة
منال: اه ي بنتي بدأت النهاردة اهو عشان ألحق أخلص مش عارفة مشروع كبير ومهم زي دة هيخلص ازاي ف أسبوع !!
ياسمينا: لسة معانا وقت نلحق نخلص إن شاء الله لسة فاضل أسبوع ع التسليم وبعدين احنا لسة مستلمين المشروع امبارح بس وبدأنا فيه علطول أهو من تاني يوم بعد الاجتماع علطول يعني هنلحق نخلصه إن شاء الله قبل ميعاد التسليم
منال: يارب والله ربنا معانا بقي نركز ف شغلنا بقي عشان المدير لو مر وشافنا بنرغي كدة وسايبين شغلنا مش هيرحمنا ودة شكله كدة ماعندوش رحمة ف الشغل
ياسمينا: أيوة نركز احسن ونكمل كلامنا بعدين بعد أما نخلص شغل بقي هي كلها ساعتين زمن خلاص ونخلص
٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭
أحمد: ايه ي ملك خلصتي شغلك ولا لسة !!
ملك: اها خلصت اهو آخر حاجة ف ايدي بس اهو هخلصها ونمشي علطول
أحمد: تمام براحتك انا مستنيكي أهو
ملك: يلا بينا اديني خلصت اهو خلاص
أحمد: تمام يلا..عشان اوصلك بقي
وخرجا كل من أحمد وملك من باب الشركة
ملك: أحمد أنت كويس بجد !! مالك فيك ايه حساك متغير كدة النهاردة فيك حاجة
أحمد: ليه بس بتقولي كدة انا كويس ماتقلقيش
ملك: لا انت مش كويس انا حاسة انك مش كويس حاسة انك مخبي حاجة عني ومش عاوز تقولي
أحمد: هخبي عنك اي بس مفيش حاجة عشان اخبيها عنك
ملك: يبقي تقولي مالك بقي فيك ايه وايه أللي مغيرك كدة..وارجوك ماتكدبش عليا وتقولي مفيش وانا كويس
أحمد: طيب تعالي نقعد ف مكان ونتكلم وبعد كدة ابقي اوصلك
وذهبا كل من أحمد وملك إلي احدي الكافيهات
ملك: ها ادينا قعدنا اهو ف اي بقي مالك احكيلي
أحمد: حاجات بس شاغلة دماغي والله بفكر فيها إنما أنا كويس والله اطمني
ملك: حاجات !!حاجات اي دي ؟! يمكن اقدر اساعدك
أحمد: حاجات وخلاص بقي ي ملك مش لازم تعرفي اي هي
ملك: لا لازم اعرف ايه هي ي أحمد ولا انا مش من حقي اعرف !! وعشان أقدر اساعدك واقف جمبك ف وقت زي دة ماهو لو ماوقفتش جمبك دلوقتي هقف جمبك امتي ها؟! لازم ابقي معاك ف الوحش زي مانا معاك ف الحلو وإلا كدة يبقي انا ماستحقش حبك ليا وحبي ليك مجرد كلام من غير فعل
أحمد بإبتسامة: ي حبيبتي ربنا يخليكي ليا يارب ودايمًا تبقي جمبي وانتي تستحقي الحب أللي ف قلبي دة كله ليكي بس انا والله مش عاوز اضايقك واشغل دماغك
ملك: وهو انا كنت اشتكيتلك !! انا عاوزاك تشغل دماغي انا عاوزة ابقي معاك وجمبك ف كل حاجة عاوزة ابقي معاك ف الوحشة قبل الحلوة عاوزة ابقي معاك ف زعلك زي مانا معاك ف فرحك عاوزة ابقي معاك ف كل حاجة عاوزة ابقي معاك ف اصعب أوقاتك زي مانا معاك ف اسعد وأسهل أوقاتك
أحمد: انا فعلاً بحمد ربنا عليكي أنه رزقني بيكي ربنا يديم وجودك نعمة ف حياتي دايما يارب
ملك: ويديمك ف حياتي يارب ويخليك ليا..احكيلي بقي مالك ف ايه !!
أحمد: كل الحكاية ومافيها مليون حاجة شاغلة دماغي وحاسس أني تايه مش عارف ابتدي منين عاوز اودب الشقة وعاوز لسة اجيب حاجات وكدة وعاوز كمان اخدك وننزل عشان تنقي الشبكة أللي تعجبك دة طبعًا بقي غير ضغط الشغل وترتيبات الجواز بقي والفرح والحاجات دي كلها غير كمان إن الشقة لسة ع الطوب الاحمر لسة ماتعملش فيها اي حاجة طبعا بقي محتاجة يتعمل فيها كل حاجة ومحتاجة يتجاب فيها شوية حاجات وكدة بقي زي مانتي عارفة..وحاجات كتيرة بقي زي مانتي عارفة ودة كله تحت ضغط سنة بس عاوز اخلص كل حاجة وتبقي جاهزة عشان أما نتجوز تبقي كل حاجة خلصت وجاهزة عاوز اعملك احسن حاجة عاوز اشرفك قدام الناس كلها وقدام اي حد عاوز أعمل فيها كل حاجة حلوة عشانك عشان أما تيجي تلاقي شقتك جاهزة ومش ناقصها اي حاجة غير انك تنوريها بس
ملك بإبتسامة: ي حبيبي ربنا يخليك ليا يارب انت وجودك جمبي وحبك ليا بالدنيا ومافيها ومش عاوزة حاجة تاني غير انك تبقي جمبي بس طول مانا معاك مش محتاجة اي حاجة تاني ولا يهمني اي حاجة تانية اللي يهمني هو انت وبس مش اي حاجة تانية انا عاوزاك انت مش عاوزة حاجة تانية عشان بحبك انت اي حاجة تانية بقي ماتهمنيش انا ولا يفرق معايا شقة ولا فلوس ولا شبكة ولا اي حاجة من الحاجات دي كلها غير حبي ليك وحبك ليا انت بس أللي تفرق معايا لأني بحبك انت زي مانت هحبك بكل حاجة فيك لأني بحبك لشخصك أنت مش بحبك عشان حاجة
أحمد بسعادة: انا والله ربنا بيحبني عشان رزقني بيكي ومش عارف من غيرك كنت هبقي عامل ازاي وحياتي تبقي عاملة ازاي انا حقيقي بحمد ربنا كل يوم ع نعمة وجودك ف حياتي وأنه رزقني حبك ربنا يديمِك ف قلبي ويديم حبك دايمًا ف قلبي يارب
ملك: ويديمك ليا يارب..ي خبر الساعة بقت ٤:٣٠ انا اتأخرت لازم ألحق اروح بقي
أحمد: حاضر استني هوصلك مش هتمشي لوحدك
★★★★★ صباح وحيد ★★★★★
سهير: ي حسين..حسين .. رن ع ملك كدة شوفها اتأخرت لي كدة النهاردة دة المفروض بتخلص شغل الساعة ٣ والساعة دلوقتي ٤:٣٠ أهي ولسة ماجتش
حسين: حاضر ي سهير هشوفها كدة اهو
ملك: أيوة ي بابا عامل ايه !!
حسين: الحمد لله انتي فين ي بنتي اتأخرتي ليه كدة احنا قلقنا عليكي ومامتك هنا قلقانة عليكي اوي
ملك: انا كويسة ماتقلقوش وجاية ف الطريق اهو خلاص
حسين: طيب خدي مامتك معاكي اهي عاوزة تكلمك
سهير: أيوة ي ملك ي حبيبتي اتأخرتي ليه كدة قلقتيني عليكي
ملك: ماتقلقيش ي ماما انا كويسة ي حبيبتي والله وجاية ف الطريق اهو
سهير: تيجي بالسلامة إن شاء الله ي حبيبتي.. بس ايه اخرك كدة النهاردة انتي مش بتخلصي شغلك ٣ ؟!
ملك: اه ي ماما.. معلش بقي بس انا كنت مع أحمد قاعدين بنتكلم كدة
سهير: يعني أحمد معاكي دلوقتي !!
ملك: اه ي ماما معايا عشان جاي يوصلني
سهير: ماشي ي حبيبتي سلميلي عليه كتير
ملك: ماما بتسلم عليك ي أحمد كتير
أحمد: الله يسلمها هاتي أسلم عليها
ملك: طيب خدي ي ماما هو أحمد عاوز يسلم عليكي
أحمد: ازيك ي ست الكل عاملة ايه
سهير: ازيك انت ي حبيبي انا الحمد لله تمام
أحمد: انا الحمد لله تمام والله معلش بقي انا خدت ملك منكم النهاردة
سهير بضحك: ههههههه كدة ي أحمد تقلقنا عليها وانا اقول هي اتأخرت ليه ي تري حصل ايه دي عمرها ماحصلت ولا كلمتوني تعرفوني عشان اطمن حتي
أحمد بضحك: هههههه معلش بقي ي ماما هي جت فجأة كدة والله وبعدين ماهي معاكم علطول بقي مستخسرين فيا الساعة أللي قعدتها معايا
سهير: ههههههه اهي بكرة تبقي معاك علطول لحد ماتزهق منها مستعجل ع ايه
أحمد: انا لو زهقت من الدنيا كلها عمري ماأزهق منها هي ومستني اليوم دة أهو وبقول أمتي ييجي بقي اليوم أللي تفضل معايا فيه علطول
سهير: ربنا يخليك ي بني يارب ويتمملكم ع خير يارب ويسعدكم
أحمد: اللهم أمين يارب ي ماما ادعيلنا
سهير: بدعيلكم ي بني والله ربنا يسعدكم ويتمملكم ع خير يارب ويخليكم لبعض
أحمد: اللهم أمين يارب ربنا يخليكي لينا يارب ي ست الكل اتفضلي ملك مع حضرتك اهي...خدي ي ملك عشان اشوف مين بيرن عليا بس
ملك: أيوة ي ماما
سهير: أيوة ي حبيبتي انا كدة اتطمنت عليكي الحمد لله تعالي علطول بقي وماتتأخريش
ملك: حاضر ي ماما أحمد بيوصلني اهو وهاجي علطول إن شاء الله
سهير: توصلي بالسلامة إن شاء الله ي حبيبتي
ملك: الله يسلمك ي ماما..مش عاوزة اي حاجة
سهير: تسلمي ي حبيبتي عاوزة سلامتك..يلا مع السلامة
حسين: ها اتطمنتي عليها خلاص ي ستي
سهير: اها الحمد لله وجاية ف الطريق اهي أحمد بيوصلها عشان مايسبهاش لوحدها الله يباركله
٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭
سوسن: أيوة ي أحمد أنت فين اتأخرت ليه كدة
أحمد: انا جاي اهو ي ماما خلاص بوصل ملك بس وجاي علطول إن شاء الله
سوسن: يعني ملك معاك دلوقتي !!
أحمد: أيوة ي ماما معايا أهي
سوسن: طيب هاتها أما أسلم عليها ي بني
أحمد: خدي ي ملك ماما عاوزة تسلم عليكي
ملك: ألو..السلام عليكم..ازي حضرتك ي طنط عاملة ايه !!
سوسن: ايه طنط دي وايه حضرتك دي كمان اعتبريني زي مامتك وقوليلي ي ماما علطول زي ماأحمد بيقولي بقي
ملك: اه طبعًا دة شرف ليا والله
سوسن: ربنا يخليكي يارب ي حبيبتي المهم طمنيني عنك انتي عاملة ايه وحشاني
ملك: الحمد لله تمام ي ماما والله المهم انتي أللي عاملة ايه والله انتي اكتر وكنت لسة هقول أحمد اني عاوزة اشوفِك عشان وحشتيني والله ودايمًا ببعتلك السلام معاه والله
سوسن: تسلمي ي حبيبتي يارب بيقولي والله ملك بتسلم عليكي ي ماما اقوله طب ليه ي بني ماجبتهاش اكلمها ودايمًا اقوله سلملي عليها كتير كل أما تكلمها وببعتلك السلام معاه دايمًا
ملك: ربنا يخليكي يارب ي ماما تسلميلي..وسلامي لعمو كتير
سوسن: وعمو كمان بيسلم عليكي كتير
ملك: الله يسلمك ويسلمه..اتفضلي أحمد مع حضرتك اهو
أحمد: أيوة ي ماما
سوسن: أيوة ي حبيبي انا قولت اطمن عليك بقي أما لقيتك اتأخرت كدة قلقت
أحمد: ربنا يخليكي ليا يارب ي ماما ماتقلقيش أنا كويس وجاي اهو
سوسن: الحمد لله ي حبيبي اهم حاجة انك بخير
وتيجي بألف سلامة إن شاء الله ي حبيبي
أحمد: الله يسلمك ي ماما مش عاوزة اي حاجة
سوسن: سلامتك ي حبيبي خلي بالك ع نفسك
أحمد: تسلميلي ي ماما يارب..يلا مع السلامة
سوسن: مع السلامة ي حبيبي
أحمد: ياه الساعة بقت 5 بسرعة كدة دة انا ألحق أروحك بسرعة بقي عشان ماتتأخريش اكتر من كدة بقي
★★★★★ صباح وحيد ★★★★★
مصطفي: يلا ي حسام عشان نروح بقي خلصت ولا لسة !!
حسام: اها خلصت اخر حاجة ف ايدي بس اهو ونمشي علطول
مصطفي: تمام..قدامك كتير يعني ولا ايه !!
حسام: لا 5دقايق بس واكون خلصت مش كتير ماتقلقش
مصطفي: تمام براحتك انا هستناك برة بقي أما تخلص هتلاقيني مستنيك..تمام
حسام: تمام ماشي وانا هخلص واجي علطول عشان نمشي
★★★★★ صباح وحيد ★★★★★
منال: ايه خلصتي ي ياسمينا ولا لسة ناقص حاجة !!
ياسمينا: لا انا خلصت أهو استني بس ألم حاجتي وأخد المشروع عشان اكمله ف البيت بقي
منال: تمام ماشي يلا
ياسمينا: يلا ي ستي اديني خلصت اهو خلينا نمشي بقي
منال: تمام يلا وانا كمان خلصت اهو
★★★★★ صباح وحيد★★★★★
وخرجا كل من منال وياسمينا من المكتب متجهين نحو باب الشركة للخروج بعد انتهاء عملهم وعندما خرجت ياسمينا من باب الشركة مع منال يقفون ينتظرون مواصلات فتفاجآت بأحد ينادي عليها بصدمة وذهول فوقفت مصدومة
...... : ياسمينا !!
ياسمينا : ...........
★★★★★ صباح وحيد ★★★★★
وقفلنا الفصل الثالث ع إن ف حد اندهش أول أما شاف ياسمينا وهي خارجة ولسة قدام باب الشركة ونده عليها ف تعجب ومش عارفين مين ي تري أللي اتصدم كدة اول أما شاف ياسمينا ونده عليها بسرعة اول أما شافها !!
-ي تري تفتكروا مين أللي نده ع ياسمينا !!
- ي تري حد يعرفها !!
-تفتكروا ياسمينا ممكن تدي مصطفي فرصة ولا لا !!
هنعرف كل دة ف الفصل أللي جاي إن شاء الله الفصل الرابع❤️
انتظروني ف الفصل الرابع إن شاء الله 💙
يلا مستنية توقعاتكم ورأيكم ف الفصل وف الرواية وتشجيعكم ليا بيفرق معايا..♥️✨
#بقلم_صباح_وحيد ✨🔥
أنت تقرأ
أعطيت لحبك فرصة فخدعتني
Romanceترفض فكرة الارتباط ولا تؤمن بها كثيرًا لأنها تعلم من يحبها حقًا فسوف يأتي إليها أمام أهلها..ولكن هل هو يجعلها تغير رأيها من تلك الفكرة !! أحبها وتقرب منها لكن هل هي أيضًا سوف تبادله هذا الحب ام تكون ع موقفها وترفض ذلك الارتباط الذي تعلم نهايته وإنه...
