"همسه عشق " الجزء الاول والثاني "

19

....

يوسف بغضب. ..لا انت عديت حدودك يا زياد .قولت بحبها وبغير قولت ماشي ..لكن توصل انك تمد ايدك عليها وقدامي ده بقي اللي مش هسكت اوعي تفكر اني ساكت كل ده اني خايف ..لا فوق لنفسك كده كلوا الا تمس شعره من حاجة غاليه عالي فمبالك بقي بليلي ...ودي اخر مرة أحذرك فيها يا زياد انك تقرب منها..

زياد..يعني ايه الكلام ..

يوسف.بعصبيه وصوت عالي زي ما سمعت يا زياد لو شفتك مقرب من اختي تاني متلومش غير نفسك ..

زياد نظر إليه بغضب وترك المكان وغادر..

يوسف بص ليلي كانت في حالة جمود ..مش مستوعبه اللي حصل وندي مش عارفه تعمل كده..كانت أول مرة تشوف يوسف غضبا كده..

راح حضن ليلي..اهدي يا حبيبتي..محدش هيقدر يجي جمبك تاني..

ليلي مسكت في حضنه جامد..وعيطت.ليه كل ده بيحصل معايا ومن وانا صغيرة بتعذب من اقرب حد ليا ..ليه يا يوسف..انا اتعذبت كتير ابويا اللي كان رافض اني بنت وكان عايزني اكون ولد لدرجه انه ضرب امي جامد ودخلت غيبوبه في المستشفى...وسابها ولا كأنه عمل حاجة ..14سنه متعذبه معاه يلبسني زي الصبيان عمره ما عاملني  حلو زي اي اب.. كان بيضربني صبح وليل لسه فاكرة صوت الحزام ..لسه في ودني بسمعه .. حتي بعد ما مات كنت زعلانة ما هو الآخر ابويا ..والشخص الوحيد اللي حبيته يعمل معايا كده ..يضربني ..ومن وانا صغيرة وانا بتعذب انا واحدة معشتش طفولتها زي الاطفال التانيه.. ..تعرف انا كنت بغير منكم عشان عندكم اي بيحبكم .انا كرهت نفسي وحياتي يا يوسف..يارب اموت وارتاح من اللي انا فيه يا رب خدني....

نزل من يوسف دمعه بس خفاها بسرعة ..هو اكتر واحد عارف هي مرت بايه ..كان علي طول يعملها اللي عايزاه مع أن  الفرق مبينهم سنه بس هو كان بيعاملها كأنه بينته قبل أخته..وندي اللي بتعيط علي وجع بنت خالتها واختها..
يوسف فتح أيده لندي اللي طلعت تجري تحضنه...حضن الاتنين بتملك..

يوسف..انت الاتنين اغلي ما عندي .وعمري ما اسمح حد يزعل حد فيكم تاني

ندي وليلي .ربنا يخليك لينا يا رب .

يوسف بأس رأسهم الاتنين بحنيه ..ويخليكم ليا ..

ندي وهي بتحاول تطلع ليلي من مود الزعل..والله يا بت لولوا انت محتاجة تمثال ..بسببك شوفنا يوسف وهو متعصب ..وبعدين يكون حلو وحنين كده .. وده مش بيحصل كتير دي ظاهرة كونيه لا تتكرر في العمر .

زياد..بغضب وهو يتذكر زياد لما ضرب ليلي...هو اصلا اللي  اتعدي حدوده . ازاي يعمل كده.. وموضوع حنين دي انا علي طول حنين بس انت اللي مفتريين

ليلي ..هتقولي

ندي..هو بيوجعك..

ليلي.بسخريه .لا متخافيش متربيه علي كده ..