Clown Town [COMPLETED]

Chapter 2

Nagising nalang ang batang si Louise dahil sa ingay ng paligid.

Wala syang maalala kung nasaan sya. unti-unting dinilat ni Louise ang kanyang mata at bumunggad sa kanya ang nakakasilaw na sinag ng araw.

may tila ba umaagos na likido sa kanyang noo. hinawakan nya ito at tiningnan. may tumutulo sa kanyang dugo. nang maramdaman ang kamay na nakahawak sa kanyang kamay ay naalala nya ang nangyari.

dali-dali nyang niyakap at pilit ginigising ang walang buhay na lola habang nasa gitna ng kalsada. umiiyak sya at nag sisisigaw, pilit pa rin ginigising ang lola. kahit pinalilibutan ng maraming tao ay kahit isa ay walang tumulong sa kanila. ang pinaka mamahal nyang lola, ngayon ay wala na.

***
Nagising si Louise dahil sa napaginipan. tila bumabalik sa kanya ang nakaraan.

agad na bumangon si Louise at hinanap si Max. bumaba sya sa sala at nakita nya ito doon.

Nakatitig lang si Max sa isa sa mga litrato ng lola ni Louise.

tumabi si Louise kay Max at nag salita.

"Ang Lola Martha ko yan" sabi ni Louise. "Sya ang may ari ng bahay na ito, bago sya mawala ay pinamana nya ito sa akin" dugtong ni Louise. tumitig lang sa kanya si Max na para bang hinihintay ang susunod na sasabihin ng dalaga.

"Nanirahan ako dito ng pitong taon, isang taon palang ako dito na ako nakatira" sambit muli ni Louise. "Dahil nga kailangan ni Mommy pumunta ng abroad pati na rin si Daddy ay naiwan ako kay Lola, kilala si Lola dito sa baryo, dahil isa sya sa pinaka magaling na Magician dito, katuwang na nya sa buhay ang mga clowns, pero dumating ang panahon na nag retiro sya para sa akin" sabi muli ni Louise at nag sisimula nang mahalungkat ang nakaraan.

***
Masiglang nakikipag laro ang batang si Louise sa kaibigang si Maximiliano. Anak si Maximiliano ng isang sikat na payaso, kaya't ganon nalang kasaya si Louise tuwing nagbibiro ito.

Nagtatagu-taguan ang dalawa ng aksidenteng may mahanap na kung ano ang batang Louise.

Mula sa likod nang puno na kanyang pinag tataguan ay may narinig syang pinag uusapan ng dalawang tao sa isang bahay.

ang lola nya ang isa sa mga ito, kaya't dali-dali syang lumapit para makinig.

"Ramdam ko na ang aking oras, kaya't hinihiling ko sainyo na protektahan ang aking apo sa kung ano mang panganib na darating sa kanya" ani kanyang lola.

"maasahan mo kami, pinuno" sabi ng ama ni Maximiliano. agad nyang nalaman na ang nag uusap pala ay ang kanyang lola at ang ama ng kanyang kaibigan.

"Malapit na din akong mag retiro bilang isang magician" dugtong ng kanyang lola sa sinabi nito kanina lang. di na nayari ni Louise ang pakikinig ng mahanap na sya ng kalaro.

"Huli ka Louise, ikaw naman ang taya!" sigaw nito ng makita sya. agad naman syang tumakbo papunta dito at ngumiti. "ayoko na mag laro, pag na ako" sabi ng batang Louise.

Umupo ang magkaibigan sa isang malaking bato. tila gubat ang kanilang kinaroroonan. maliit lang ang kanilang baryo at kaunti lang ang mga tao. di lalampas ng 70 ang bilang ng mga tao dito.

kilala din ang pamilya ni Louise sa di nya malamang dahilan.

nag usap ang dalawa hanggang sa mag dilim at tawagin ng kanilang mga magulang.

"Louise! Maximiliano!" pag tawag sa kanila ng isang matandang lalaki na nag ngangalang Roberto.

agad silang nag tungo sa matanda. "saan ba kayo galing mga bata kayo? mag gagabi na" sabi ng matanda at agad din silang hinatid sa kanilang mga bahay.