يعيبون الرجُل حين يعشق أنثاهُ ويُدللها وينسون أن الرفق بهنّ أعظم رجولة ❤..!!!
:::::::::::::::::::::::::::::::::::::::::::::::::::::
بعد لبسنا وخلصنا ،،طلعنا وركبنا السيارة ومشينا لبيت فهد ....كان الوقت الظهر
اول ما وقفت السيارة ونزلنا منها ،،،لقينا خالتو هيلدا منتظرانا في الحديقة البرة ،،،اول ما شافتنا جات علينا وهي مبتسمة ،،، سلمت علي بحرارة زي كل مرة وبعدها حضنت ايفا وبقت تبوس فيها ،،، دخلنا جوة البيت وهي بتتكلم معاي ،،،لقينا فهد قاعد وجمبو في بت قدر ايفا كدة تقريبا ،،، اول ما شافنا جانا وبقا يسلم علينا ورحب فينا ،،، جات البت الكانت قاعدة جمبو و اول ما
ايفا :تولين / تولين :ايفا (في نفس الوقت )
ومشو حضنو بعد وكلنا بنعاين ليهم بإستغراب ،يعني انو بيعرفو بعض من وين ،،،، جاتني ايفا وهي جارة وراها تولين
ايفا :ماما دي ال best friend حقتي في ال school
ابتسمت ونزلت على مستواهم وسلمت على البت :كيفك ؟
تولين :تمام 😸
خالتو هيندا : طبعا ما عارفة دي منو يا نازلي صح ؟؟
قلت ليها وانا مبتسمة :الصراحة لا
خالتو هيندا :دي حفيدتي ،بتو لفهد
عاينت لي فهد وبعدين عاينت لي خالتو هيندا : بجد !! ما كنت عارفة انو عندو بت عسل كدة ،،ونزلت لي تولين وبستها ..
مشينا كلنا وقعدنا في الهول ،،خالتو هيلدا كانت طول القعدة بتتكلم معاي وكل مرة تفتح موضوع جديد،،،بعدها جات الشغالة وهي شايلة العصير ،،،،
طبعا تولين ساقت ايفا غرفتها وبقو يلعبو سوا ..وفهد قعد شوية واستأذن وطلع فوق ...
بقينا قاعدين انا وخالتو هيلدا بس ..وطبعا حكاويها ما بتخلص وناسة شديد😹😹 ،،، لغاية ما سألتني سؤال ما كنت متوقعة ولا حابة انو تسالني ليهو ،، سألتني
خالتو هيلدا :امممم نازلي انتي زوجك هنا ؟؟
اتوترت وبقيت اتمتم :اا ا اتوفى الله يرحمو
خالتو ايفا :الله يرحمو ،امممم انا اسفة
قلت ليها :م ما مشكلة عادي
خالتو هيلدا :زوجة فهد برضو متوفية
قلت ليها :ربنا يرحمها
خالتو هيلدا :امين ،،ااا طيب يلا ارح الصفرة جاهزة ،حأطلع فوق انادي البنات
قلت ليها :طيب ،،، بقيت قاعدة في مكاني وانا منتظاهم ،،،لغاية ما جا فهد نازل
عاين لي وابتسم :قاعدة براك ليه ؟؟امي والبنات وين
قلت ليهو :البنات بيلعبو فوق سوا وخالتو هيلدا مشت تناديهم
قعد وقال :اممم
قال لي :عرض الازياء قرب
قلت ليهو :اي بعد تلاتة اسابيع
قال لي :اممم ،يوم الاتنين حنمشي نشوف ال Models(عارضات الازياء )
قلت ليهو بسرعة :جاهزات
عاين لي بستغراب :كيف ؟؟
قلت ليهو :ااااا يعني انا متفقة مع Models من اول ما عملنا العقد ،بتشوفهم يوم الاتنين ،لو ما عجبوك نبدلهم
ابتسم وقال لي :تمام ،،،،، جو نازلين خالتو هيلدا والبنات
خالتو هيلدا :يلا يا جماعة الصفرة جاهزة ،، مشينا كلنا وقعدنا في الضفرة كانت مليانة من اولها لحدي اخرها ،،،،بدينا ناكل ،،، وطبعا ايفا و تولين بس بيتكلمو مع بعض وبيضحكو ،،،،
بعد خلصنا اكل ،،،، رجعنا تاني للقعدة الكنا قاعدين فيها ،،، استأذنت منهم امشي الحمام ،،،
خالتو هيلدا :تعالي انا اوريك مكانو ،،،،، مشت معاي لغاية ما وصلنا الحمام ودخلتا غسلت ايدي ووشي وبعديها طلعت ،،، لقيت فهد في وشي ،، ابتسم وكمل طريقو وانا نزلت تحت وقعدتا في مكاني ...
قلت ليهم :والله انبسطنا شديييد معاكم ،وشكرا على العزومة الحلوة دي
خالتو هيلدا : حبيبتي تنوري في اي وقت
قلت ليها :مفروض امشي بعد كدة
خالتو هيلدا :تعالو لينا تاني عليكم الله وبالمرة البنات يقعدو سوا
وقفت وقلت ليها :انشاءالله والله ،، يلا مع السلامة ،،،حضنتني و ودعتني وبعديها مشيت وسلمت على فهد و طلعنا وهم طلعو معانا ،،،لغاية ما حركنا السيارة ومشينا ،،، لما وصلنا بيتنا ودخلنا كان الوقت المغرب كدة ،،، دخلنا البيت واخدنا شاور وقعدنا في الهول انا وايفا ،،،، وكنت بفكر ..
هه الليلة فهد مالو غريبة كان ببتسم كتير ،،، (اتنهدت ) خلاص قربت من هدفي ،،، فرحانة وزعلانة في نفس الوقت ،،، انا عداوتي مع فهد بس الحأعملو حيضر عيلتو و بتو و الموظفين الي في الشركة ،،وانا ما عاوزة كدة ،، بس هو عمل كدة ،، اذى عيلتنا كلها ،،،،،،اخخخخ يارب ساعدني ،،، ما كنت عارفة انو عندو بت ،،ومع ايفا في المدرسة كمان ..
يتبع..
أنت تقرأ
وجودك جنة حياة
Romanceإذا كان الأمس ضاع✨✨.. فبين يديك اليوم وإذا كان اليوم سوف يجمع أوراقه ويرحل✨✨.. فلديك الغد، لا تحزن على الأمس فهو لن يعود ولا تأسف على اليوم✨✨.. فهو راحل واحلم بشمس مضيئه في غد جميل✨✨..
